ដោយសារតែមូលហេតុសំខាន់ 5 យ៉ាងនេះហើយ ដែលបានធ្វើអោយអ្នកប្រើប្រាស់ជាច្រើនៅតែគាំទ្រប្រើប្រាស់ស្មាតហ្វូន Huawei

កាលពីសប្តាហ៍មុនក្រុមហ៊ុន Huawei បានធ្វើការស្ទង់មតិមួយនៅលើទំព័រហ្វេសប៊ុកផ្លូវការណ៍របស់ខ្លួនដើម្បីមើលថាតើការគាំទ្ររបស់ក្រុមហ៊ុន Huawei នៅមានកម្រិតរឹងមាំដែរ ឬអត់ ហើយទោះបីជាមានបញ្ហាគ្រប់យ៉ាងដែលបានកើតឡើងកាលពីខែមុនក៏ដោយ ប៉ុន្តែជាលទ្ធផលបានបង្ហាញយ៉ាងច្បាស់ណាស់ថាអ្នកប្រើប្រាស់ប្រមាណជា 86 ភាគរយនៅតែគាំទ្របន្តការគាំទ្រយ៉ាងពេញទំហឹងទៅលើក្រុមហ៊ុន Huawei ដូចនេះវាមិនមានការភ្ញាក់ផ្អើលនោះទេនៅពេលដែលក្រុមហ៊ុន Huawei នៅតែទទួលបានការគាំទ្រពេញចិត្ត និងទំនុកចិត្តពីអ្នកប្រើប្រាស់លើបច្ចេកវិទ្យារបស់ក្រុមហ៊ុនចិនមួយនេះ។ 

 

ប៉ុន្តែជំនូសដោយការសាកសួរទៅកាន់អ្នកគាំទ្រថាមូលហេតុអ្វីបានជានៅតែមានគាំទ្រក្រុមហ៊ុន Huawei ហើយតើពួកគេគិតយ៉ាងណាដែរចំពោះក្រុមហ៊ុន Huawei ខណះពេលដែលអ្នកប្រើប្រាស់មួយចំនួនបាននឹងកំពុងមានការព្រួយបារម្មអំពីបញ្ហាមួយចំនួនដែលបានកើតឡើងចំពោះក្រុមហ៊ុន Huawei។ ប៉ុន្តែសំឡេងនៃការគាំទ្រក្រុមហ៊ុន Huawei នៅតែមានចំនួនច្រើនដដែល។ ហើយមូលហេតុសំខាន់ដែលជំរុញអោយអ្នកប្រើប្រាស់នៅតែគាំទ្រផលិតបច្ចេកវិទ្យារបស់ Huawei គឺមានដូចជា៖

1-បច្ចេកវិទ្យាស្មាតហ្វូន Huawei កាន់តែមានឧត្តមភាពខ្ពស់ទ្វេរឡើង

ឃើញថាបច្ចេកវិទ្យារបស់ក្រុមហ៊ុន Huawei គឺមានការរីកចម្រើនខ្លាំងជាលំដាប់ដែលធ្វើអោយអ្នកប្រើប្រាស់មានការស្ញើចសរសើរ និងមានភាពភ្ញាក់ផ្អើលបំផុត។ យើងមើលឃើញហើយថាកំពូលស្មាតហ្វូនជំនាន់ចុងក្រោយ Huawei P30 មានការអភិវឌ្ឍន៍ដ៏អស្ចារ្យបំផុតវាត្រូវបានបង្ហាញរូបរាងឡើងជាមួយបន្ទះអេក្រង់ទំហំ 6.1 អ៊ីង OLED Display ភ្ជាប់នូវបច្ចេកវិទ្យាស្កែនក្រយ៉ៅម្រាមដៃក្រោមអេក្រង់, បំពាក់ប្រព័ន្ធកាមេរ៉ា 3 គ្រាប់របស់ Lieca ប្រើប្រាស់សែនស័រ Super Spectrum Sensor និង Huawei P30 Pro បំពាក់នូវប្រព័ន្ធកាមេរ៉ាក្រោយចំនួន 4 គ្រាប់របស់ Leica ប្រើប្រាស់សែនស័រ Super Spectrum Sensor, SuperZoom Lens (Periscope Lens) ជាមួយបច្ចេកវិទ្យាសាកថ្មល្បឿនលឿនបំផុត Huawei Fast Charge 40W រួមនឹងបច្ចេកវិទ្យាថ្មីៗជាច្រើនទៀត។ ហើយសូម្បីតែស្មាតហ្វូនថ្នាក់កណ្តាល និងថ្នាក់ទាបក៏បពាក់អេក្រង់ធំ និងមានកាមេរ៉ាល្អដែលធ្វើអោយមានការគាំទ្រយ៉ាងច្រើនពីសំណាក់នៃង្នកប្រើប្រាស់។ ម្យ៉ាងទៀតក្រុមហ៊ុន Huawei បានសិក្សដឹងយ៉ាងច្បាស់អំពីអ្វីដែលអ្នកប្រើប្រាស់ចង់បានសម្រាប់បច្ចេកវិទ្យាហើយក្រុមហ៊ុនបានធ្វើការឆ្លើយតាមអ្វីដែលពួកគេចង់បានទាន់ពេលវេលា។

2-តម្លៃមានការប្រកូតប្រជែលដ៏ល្អបំផុត

ហេតុផលដ៏សំខាន់មួយទៀតដែលអ្នកប្រើប្រាស់នៅតែគាំទ្រក្រុមហ៊ុន Huawei គឺថាបច្ចេកវិទ្យាដែលបានធ្វើការរួមគ្នាជាមួយសក្ដានុពលនៃតម្លៃ ដូចនេះវាបានធ្វើអោយស្លាកយីហោផលិតផលរបស់ក្រុមហ៊ុននេះមានតម្លៃសមរម្យអាចទទួលយកបាន។ ទាំងប្រព័ន្ធកាមេរ៉ា Leica,បច្ចេកវិទ្យា AI បានប្រើក្នុងស្មាតហ្វូន និងកុំព្យូទ័រយួរដៃដែលមានអនុភាពជាមួយការប្រើប្រាស់គ្រឿងបន្លាស់របស់ Intel, NVIDIA និងច្រើនទៀត ដោយទាំងអស់នេះគឺជាបច្ចេកវិទ្យាដ៏មានឥទ្ធិពលដ៏អស្ចារ្យប៉ុន្តែវាមិនធ្វើអោយបែកធុងធនាគាររបស់អ្នកប្រើប្រាស់ឡើយ។

3-ក្រុមហ៊ុន Huawei បង្កើតនូវទីផ្សារប្រកូតប្រជែងខ្លាំងក្នុងទីផ្សារបច្ចេកវិទ្យា

បច្ចុប្បន្នយើងមើលឃើញថាទីផ្សារស្មាតហ្វូនកំពុងតែមានការប្រកូតប្រជែងគ្នាខ្លាំងទាំងបច្ចេកវិទ្យា ផ្នែក Hardware និង Software ហើយក្រុមហ៊ុនដែលកំពុងតែគ្រប់គ្រងទីផ្សារប្រព័ន្ធប្រតិបត្តិការរឹងមាំជាងគេគឺក្រុមហ៊ុន Google (Android OS) និង Apple (iOS)។ យ៉ាងណាមិញក្រុមហ៊ុន Huawei ក៏បាននឹងកំពុងអភិវឌ្ឍប្រព័ន្ធប្រតិបត្តិការស្មាតហ្វូនផ្ទាល់ខ្លួនផងដែរក្រោយពីអាមេរិចមានគម្រោងបិទផ្លូវការធ្វើជំនួញជាមួយក្រុមហ៊ុន Google ដោយប្រតិបត្តិការរបស់ Huawei ត្រូវបានគេដឹងនឹងមានឈ្មោះថា “HongMeng OS” សម្រាប់ទីផ្សារក្នុងស្រុក ឬ Ark OS សម្រាប់ទីផ្សារសកល។ ដូចនេះមានន័យថានៅពេលខាងមុខក្រុមហ៊ុន Huawei នឹងមានផលិតផលល្អៗសម្រាប់បំពេញតម្រូវការប្រើប្រាស់របស់អតិថិជនខ្លួន។

4- Huawei មានលំដាប់ថ្នាក់ផលិតបច្ចេកវិទ្យាល្អៗបំពេញតាមតម្រូវការរបស់អតិថិជន

ទោះបីជាលោកអ្នកមានថវិកាកម្រិតណា ហើយចង់បានផលិតបច្ចេកវិទ្យាល្អមួយយកទៅប្រើប្រាស់នោះទេ ក្រុមហ៊ុន Huawei បានផ្តល់នូវជម្រើសផលិតល្អៗយ៉ាងច្រើនជាមួយកត្តាតម្លៃសមរម្យបំផុតដែលលោកអ្នកអាចទទួលយកបាន។ ហើយវាមិនត្រឹមតែមានផលិតស្មាតហ្វូន កុំព្យូទ័រយួរដៃ ឬថេបប្លែតនោះទេ តែ Huawei នៅមានផលិតផលិតអេឡិចត្រូនិក និងគ្រឿងបរិក្ខាប្រើប្រាស់ក្នុងផ្ទះឆ្លាតវៃជាច្រើនទៀតផងដែរ។ ជាមួយគ្នានេះផងដែរក្រុមហ៊ុន Huawei បាននឹងកំពុងរៀបចំក្នុងការដាក់អោយប្រើប្រាស់ប្រព័ន្ធបណ្តាញសេវាទូរស័ព្ទកម្រិតខ្ពស់ផងដែរគឺប្រព័ន្ធ 5G Network ដូចនេះសបញ្ជាក់អោយឃើញថា Huawei គឺជាក្រុមហ៊ុនបច្ចេកវិទ្យាដ៏មានឥទ្ធិពលបំផុតក្នុងពិភពលោក។

5-ស្លាកយីហោ Huawei នៅតែរក្សាបាននូវភាពរឹងមាំជានិច្ច

ចុងក្រោយនេះគឺជាផ្នែកមួយជុំវិញមតិយោបល់ជាច្រើនដែលបានលើកឡើងទាក់ទងនឹងបញ្ហាដែលក្រុមហ៊ុន Huawei កំពុងប្រឈមក្នុងពេលនេះ។ មានមតិខ្លះបាននិយាយថា Huawei គឺជាកូនអ៊ុកសម្រាប់ភាពតានតឹងក្នុងផ្នែកនយោបាយ និងសង្រ្គាមពាណិជ្ជកម្មរវាងរដ្ឋាភិបាលសហរដ្ឋអាមេរិក និងចិន។ ប៉ុន្តែទោះបីជាមានផលប៉ះពាល់យ៉ាងធ្ងន់ធ្ងរដែលមានលើក្រុមហ៊ុនបច្ចេកវិទ្យាចិននេះក៏ដោយក៏មានមនុស្សជាច្រើននៅតែរក្សាទំនុកចិត្តហើយបន្តគាំទ្រក្រុមហ៊ុន Huawei ដោយមើលរំលងនូវបញ្ហាទាំងនោះ។ អ្នកប្រើប្រាស់ជាច្រើនមាននិយាយថាម៉ាកផលិតផលដែលមានភាពរឹងមាំរូចហើយដូចនេះវានៅតែរក្សាភាពរឹងមាំដដែលទោះបីជាមានបញ្ហាអ្វីកើតឡើងក៏ដោយ។ ដូចនេះជាចុងក្រោយ Huawei បានចោទសួរនៅសំនួរដ៏ចាក់ដោតមួយទៀតថា “តើមានមូលហេតុ និងចំនុចពិសេសអ្វីផ្សេងទៀតដែលប្រិយមិត្តគិតថាក្រុមហ៊ុន Huawei សមនឹងទទួលបានការគាំទ្រពីអ្នកដែរ ឬទេ?” ចឹងប្រិយមិត្តអាចធ្វើការបញ្ចេញមតិយោបល់របស់ខ្លួននៅខាងក្រោមអត្ថបទនេះក្រោយពីបានអានរួចហើយ  <<សូមអរគុណ>>៕