ថ្មីៗនេះ មានរបាយការណ៍ជាច្រើន បានទម្លាយថា ក្រុមហ៊ុន vivo នៅក្នុងប្រទេសឥណ្ឌា បានត្រៀមខ្លួនរួចរាល់ហើយក្នុងការប្រកាសចេញនូវស្មាតហ្វូនត្រកូល Z-series ថ្មីមួយទៀត នៅក្នុងទផ្សារប្រទេសនេះ ដែលនេះ គឺជាស្មាតហ្វូនដែលខ្លាំងដូចទៅនឹង vivo Z1 Pro ដែលបានបង្ហាញខ្លួនកាលពីខែកក្កដាកន្លងទៅនេះផងដែរ។ យោងតាមការទម្លាយចេញពី Smart Prix អោយដឹងថា ស្មាតហ្វូនរបស់ vivo ដែលនឹងបង្ហាញខ្លួននៅក្នុងសប្តាហ៍ទី 1 ខែក្រោយនេះ ដែលមានឈ្មោះថា vivo Z1X ។

តាមការបញ្ជាក់នៅក្នុងការបែកធ្លាយថ្មីនេះ បញ្ជាក់ថា ស្មាតហ្វូន vivo Z1X អាចនឹងបង្ហាញខ្លួនជាមួយនឹង vivo Z1 Pro ផងដែរ ដោយក្នុងនោះ ក៏មានការបញ្ជាក់ថា ស្មាតហ្វូននេះ នឹងមានភ្ជាប់ជាមួយនឹងកាមេរ៉ាខាងក្រោយ 3 គ្រាប់ ដែលកាមេរ៉ាគោល គឺមានទំហំ 48MP។ សម្រាប់ប្រព័ន្ធកាមេរ៉ា 3 គ្រាប់នេះ គឺជាបច្ចេកវិទ្យារបស់ Samsung ISOCELL Bright GM1។ ស្មាតហ្វូននេះ គឺជា Version ថ្មីរបស់ស្មាតហ្វូន Vivo Z5 ដែលបានបង្ហាញខ្លួននៅក្នុងប្រទេសចិនកាលពីខែមុនផងដែរ។ សម្រាប់ Sensors 2 ទៀត របស់ប្រព័ន្ធកាមេរ៉ា 3 គ្រាប់របស់ស្មាតហ្វូន Z1X នេះ គឺមានទំហំ 8MP f/2.2 Aperture Ultra wide Lens និង 2MP Depth Sensor ដូចគ្នាទៅនឹងស្មាតហ្វូន vivo Z1 Pro ផងដែរ។ ស្មាតហ្វូននេះ គឺមានអេក្រង់ AMOLED Display និងសេនស័រស្កេនក្រយ៉ៅដៃក្រោមអេក្រង់ផងដែរ។

ប្រភពខាងលើបានបន្តថា ប្រសិនបើស្មាតហ្វូន vivo Z1X បានបង្ហាញខ្លួនជាផ្លូវការនៅក្នុងសប្តាហ៍ទី 1 នៅខែក្រោយមែននោះ ក្រុមហ៊ុន vivo នៅក្នុងប្រទេសឥណ្ឌា នឹងចាប់ផ្តើមទម្លាយនូវលក្ខណៈសម្បត្តិរបស់ស្មាតហ្វូននេះ នៅលើបណ្តាញសង្គមជាមមិនខាន។ ស្មាតហ្វូន vivo Z1X ត្រូវបានគេរំពឹងថា អាចនឹងប្រើប្រាស់នូវបន្ទះឈីប Snapdragon 712 ដែលប្រើប្រាស់នៅលើស្មាតហ្វូន Vivo Z5។ មានការលើកឡើងថា វត្តមានរបស់ស្មាតហ្វូនត្រកូល Z-series នេះ មានគោលដៅសម្រាប់ការដាក់លក់នៅលើអនឡាញ។ ពាក្យចចាមអារ៉ាមជាច្រើនរបស់ស្មាតហ្វូន vivo Z1X គឺថា ក្រុមហ៊ុន vivo មានបំណងចង់បង្កើនការលក់របស់ខ្លួននៅលើអនឡាញអោយបានច្រើម។ ស្មាតហ្វូន vivo Z1 Pro ត្រូវបានគេដឹងថា នឹងមាន 3 ទំហំសម្រាប់ធ្វើការជ្រើសរើសនៅក្នុងប្រទេសឥណ្ឌាគឺ 4GB+64GB, 6GB+64GB និង 6GB+128GB ជាមួយនឹងតម្លៃចាប់ពី Rs.14,990 (~$210), Rs.16,990 (~$238) និង Rs.18,990 (~$266) តាមលេខរៀងគ្នា។ ស្មាតហ្វូន vivo Z1X នេះ មានតម្លៃប្រហែលជា Rs. 20,000 នៅក្នុងប្រទេសឥណ្ឌា ៕