Oppo គឺជាម៉ាកយីហោមួយនៅក្នុងចំណោមម៉ាកយីហោជាច្រើនដែលលក់ដាច់ស្មាតហ្វូនច្រើនបំផុតនៅក្នុងពិភពលោក។ នៅក្នុងរយៈពេលប៉ុន្មានខែនេះ ក្រុមហ៊ុននេះបានបង្ហាញនូវម៉ាកយីហោថ្មីមួយទៀតនោះគឺ Reno ដែលមិនត្រឹមតែមានសមត្ថភាពខ្លាំងប៉ុណ្ណោះទេ តម្លៃក៏អាចប្រកួតប្រជែងបានថែមទៀត។ យើងបានដឹងច្រើនហើយថា មុនដាច់ខែនេះ ស្មាតហ្វូន Oppo Reno 2 Series នឹងបង្ហាញខ្លួនជាផ្លូវការ ហើយវាក៏មានដល់ទៅ 2 ម៉ូឌែលសម្រាប់ធ្វើការជ្រើសរើសថែមទៀតផង។ នៅក្នុងសប្តាហ៍នេះ យើងនឹងបង្ហាញនូវមុខងារជាច្រើនរបស់ស្មាតហ្វូនទាំង 3 ម៉ូឌែលនេះដែលមាន Oppo Reno 2, 2Z និង 2F។ ស្មាតហ្វូន OPPO RENO 2 ទាំងអស់នឹងមានកាមេរ៉ាផុសឡើង ប៉ុន្តែអាចមានស្ទាយ៍ផ្សេងៗគ្នា។
ស្មាតហ្វូន Oppo Reno ទទួលបានការចាប់អារម្មណ៍ខ្លាំងដោយសារតែកាមេរ៉ាផុសឡើងខាងមុខរបស់វាដែលមានការឌីស្សាញប្លែកពីគេនោះ។ នេះគឺជាការឌីស្សាញតំបូងបំផុតក្នុងពិភពលោក ដែលមានកាមេរ៉ាផុសប្រភេទព្រុយត្រីនេះ។ នៅក្នុងឆ្នាំនេះ ស្មាតហ្វូនទាំងអស់របស់ត្រកូល Oppo Reno 2 series នឹងភ្ជាប់ជាមួយនឹងកាមេរ៉ាផុសឡើងខាងមុខ ប៉ុន្តែសម្រាប់ម៉ូឌែលធម្មតានឹងមានកាមេរ៉ាផុសព្រុយត្រីនេះ ខណៈពេលដែលស្មាតហ្វូន Reno 2Z និង Reno 2F នឹងមានកាមេរ៉ាផុសឡើងធម្មតាដែលស្ថិតនៅផ្នែកកណ្តាលរបស់ស្មាតហ្វូននេះ។
លក្ខណៈសម្បត្តិរបស់ស្មាតហ្វូន OPPO RENO 2
•អេក្រង់ 6.55 inch កម្រិត 20:9 format ជាមួយនឹង Dynamic AMOLED panel + ប្រព័ន្ធស្កេនក្រយ៉ៅដៃក្រោមអេក្រង់ជំនាន់ទី ៣
•ទំហំអេក្រង់ដល់ទៅ 93%
•បន្ទះឈីប Qualcomm Snapdragon 730G processor
•រ៉េម 8 GB
•ម៉េមូរីក្នុងម៉ាស៊ីន 256 GB
•ថាមពលថ្ម 4,000 mAh ជាមួយនឹងបច្ចេកវិទ្យា fast charging 20W
•កាមេរ៉ា ៤ គ្រាប់ទំហំ 48, 8, 13 និង 2 megapixels ជាមួយនឹងមុខងារ OIS និង EIS
•បច្ចេកវិទ្យា Hybrid zoom x5 និង digital x20
•កាមេរ៉ាផុសឡើងខាងមុខរាងជាព្រុយត្រី
•អេក្រង់ខាងមុខការពារដោយកញ្ចក់ Gorilla Glass 6
•អេក្រង់ខាងក្រោយការពារដោយកញ្ចក់ Gorilla Glass 5
លក្ខណៈសម្បត្តិរបស់ស្មាតហ្វូន OPPO RENO 2Z
•អេក្រង់ 6.53 inch AMOLED Screen ជាមួយនឹងកម្រិត 19.5:9 aspect ratio និងកម្រិតភាពច្បាស់ FullHD+ និងប្រព័ន្ធស្កេនក្រយ៉ៅដៃក្រោមអេក្រង់ជំនាន់ទី ៣
•អេក្រង់ខាងក្រោយ និងខាងមុខការពារដោយកញ្ចក់ Gorilla Glass 5
•កាមេរ៉ាខាងមុខផុសឡើង
•កាមេរ៉ាខាងក្រោយទំហំ 48, 8, 2 and 2 megapixels ជាមួយនឹងមុខងារ EIS
•បន្ទះឈីប MediaTek Helio P90 processor
•រ៉េមទំហំ 8GB
•ម៉េមូរីក្នុងម៉ាស៊ីនទំហំ 256GB
លក្ខណៈសម្បត្តិរបស់ស្មាតហ្វូន OPPO RENO 2F
•អេក្រង់ 6.53-inch ជាមួយនឹងកម្រិត 19.5: 9 AMOLED និងកម្រិតភាពច្បាស់ FullHD+
•អេក្រង់ខាងក្រោយ និងខាងមុខការពារដោយកញ្ចក់ Gorilla Glass 5
•ប្រព័ន្ធស្កេនក្រយ៉ៅដៃក្រោមអេក្រង់ជំនាន់ទី 3
•កាមេរ៉ាខាងមុខផុសឡើង
•កាមេរ៉ាខាងក្រោយទំហំ 48, 8, 2 and 2 megapixels មិនមានមុខងារ stabilizer
•បន្ទះឈីប Qualcomm Snpadragon 710 processor
•ថាមពលថ្មទំហំ 3,700mAh ជាមួយនឹងបច្ចេកវិទ្យា 20W fast charge
•រ៉េមទំហំ 6GB
សម្រាប់ស្មាតហ្វូនទាំង 3 ម៉ូឌែលនេះ ក្រុមហ៊ុនបច្ចេកវិទ្យា OPPO គឺរៀបចំមកនេះពិតជាគួរអោយចាប់អារម្មណ៍ខ្លាំងមែនទែនជាពិសេសសម្រាប់ស្មាតហ្វូន Oppo Reno 2 ដែលប្រើប្រាស់នូវបន្ទះឈីប Snapdragon 730G processor ដែលអនុញ្ញាតអោយអ្នកលេងហ្គេមបានកាន់តែអស្ចារ្យបំផុតនោះ៕
