សូមស្វាគមន៍វត្តមានរបស់ទូរស័ព្ទស៊េរីថ្មីត្រកូល “Pro” របស់ក្រុមហ៊ុន Apple។ ទូរស័ព្ទស៊េរីថ្មីនេះ ត្រូវបានក្រុមហ៊ុនភ្ជាប់ជាមួយនឹងអេក្រង់ថ្មី កាមេរ៉ា 3 គ្រាប់ និងដំណើរជាមួយបន្ទះឈីបដែលមានល្បឿនលឿនបំផុត នៅក្នុងនោះ ការថតរូបភាពក៏ត្រូវបានគេមើលឃើញថា មានសមត្ថភាពអាចធ្វើបានយ៉ាងល្អឥតខ្ចោះថែមទៀតផង។
.jpg)
ទូរស័ព្ទស៊េរីថ្មី iPhone 11 Pro នេះ គឺមានអេក្រង់ទំហំ 5.8 អ៊ីង ខណៈពេលដែលស្មាតហ្វូន Pro Max គឺមានអេក្រង់ទំហំ 6.5 អ៊ីង។ ទូរស័ព្ទទាំងពីរនេះ នឹងមានអេក្រង់ Super Retina XDR display ដូចគ្នា ដែលនេះ គឺជាអេក្រង់ប្រភេទ OLED ដែលមានកម្រិតពន្លឺដល់ទៅ 1,200 nits ហើយវាមានប្រសិទ្ធិភាពខ្លាំងជាងមុនដល់ទៅ 15%។ អេក្រង់នេះ អាចទ្រទ្រង់ទៅលើមុខងារសម្រាប់ដំណើរការនៅលើរូបភាពកាន់តែល្អប្រសើរជាងមុន ដោយចាប់ពីកម្រិត HDR10 ទៅកាន់ Dolby Vision។
ទូរស័ព្ទត្រកូល Pro គឺប្រើប្រាស់នូវកាមេរ៉ា 3 គ្រាប់ដែលមានទំហំ 12MP។ សម្រាប់កាមេរ៉ាគោលរបស់ទូរស័ព្ទនេះ គឺមានភ្ជាប់ជាមួយនឹងកែវឡែនទំហំ 26មម និងមានកម្រិត Aperture f/1.8 ភ្ជាប់ជាមួយនឹងមុខងារ optical image stabilization (OIS) រួមនិង Dual Pixel AF ផងដែរ។ សម្រាប់កែវ Telephoto របស់ទូរស័ព្ទថ្មីនេះ គឺមានភ្ជាប់ជាមួយនឹងកែវឡែនទំហំ 52មម មានសមត្ថភាពអាចហ៊្សូមបានចំនួន 2x optical zoom ដែលភ្លឺជាងការប្រើប្រាស់នូវកម្រិត Aperture f/2.0 ក៏ដូចជា ការផ្តល់នូវ OIS និង Dual Pixel AF ដូចទៅនឹងកាមេរ៉ាគោលផងដែរ។ សម្រាប់កាមេរ៉ាថ្មីមួយទៀត ដែលមានការបន្ថែមនោះគឺកែវឡែនទំហំ 13មម (120°) ultra-wide-angle។ សម្រាប់កាមេរ៉ានេះ គឺអាចធ្វើកាសផ្លាស់ប្តូរបានដោយសារតែវាដឹងទៅលើការកែប្រែសម្រាប់ការផ្តោតទៅលើ Focus, Exposure និង Tone Mapping ថែមទៀត។
សម្រាប់កាមេរ៉ា 3 គ្រាប់នេះ អាចធ្វើការថតនៅក្នុងកម្រិត 4K 60fps ហើយមានពណ៌ច្រើនសម្រាប់ធ្វើការជ្រើសរើសថែមទៀតផង។ បន្ថែមពីនេះទៀតនោះ សម្រាប់កម្មវិធី Filmic app អាចធ្វើការថតកាមេរ៉ាទាំងអស់នេះ នៅក្នុងពេលដំណាលគ្នាថែមទៀត (រូមជាមួយនឹងកាមេរ៉ាខាងមុខថែមទៀត)។ ក្រុមហ៊ុន Apple បានបញ្ជាក់ថា កាមេរ៉ា 3 គ្រាប់នេះ នឹងធ្វើអោយរូបភាព កាន់តែស្រស់ស្អាតក្នុងការប្រើប្រាស់ជាទីបំផុត។
ជាមួយនិងវត្តមានទូរស័ព្ទនេះ ក្រុមហ៊ុន Apple ក៏ប្រើប្រាស់នូវបច្ចេកវិទ្យា 18W សម្រាប់ iPhones ទាំងអស់ផងដែរ ប៉ុន្តែក្រុមហ៊ុននៅតែប្រើប្រាស់នូវ Lighting Port ដដែល ខុសត្រង់ថា គឺមានការបញ្ចូលនូវខ្សែ USB-C ទៅកាន់ Lightning។ សម្រាប់ស្មាតហ្វូន iPhone 11 Pro ដែលមានថាមពលថ្មអាចប្រើប្រាស់បាន 4 ម៉ោងយូរជាងស្មាតហ្វូន XS ខណៈពេលដែល iPhone 11 Pro Max អាចប្រើប្រាស់បានច្រើនជាង 5 ម៉ោង បើធៀបជាមួយនឹង XS Max។ ស្មាតហ្វូនស៊េរីថ្មី iPhones នេះគឺប្រើប្រាស់នូវបន្ទះឈីប A13 Bionic ថ្មី ជាមួយនឹងត្រង់ស៊ីស្ទ័រ 8.5 ពាន់លាននៅលើដំណើរការ 7nm នេះ។ បន្ទះឈីបនេះ គឺលឿនជាងមុន និងមានប្រសិទ្ធិភាពជាងបន្ទះឈីប A12។ សម្រាប់ CPUs នេះ គឺមានល្បឿនលឿនជាងមុនដល់ទៅ 20% ប្រសិទ្ធិភាពល្អជាងមុនដល់ទៅ 30%។ សម្រាប់ GPU របស់វា គឺមានល្បឿនលឿនជាងមុនដល់ទៅ 20% និងមានប្រសិទ្ធិភាពល្អជាងមុនដល់ទៅ 40%។ Neural Engine គឺមានភ្ជាប់ជាមួយនឹង 8 cores (20% លឿនជាងមុន 15% មានប្រសិទ្ធិភាពជាងមុន) ។
ស្មាតហ្វូននេះ ប្រើប្រាស់នូវ HDR+ និងការថតរូបភាពដែលល្អឥតខ្ចោះ ហើយថែមទាំងមានមុខងារ Night Mode ផងដែរ។ ស្មាតហ្វូននេះ មានពណ៌ថ្មី Midnight Green ជាមួយនឹងពណ៌ Space Gray, Silver និង Gold ថែមទៀត។ សម្រាប់ផ្នែកខាងក្រោយរបស់ស្មាតហ្វូននេះ គឺមានកញ្ចក់ការពារ PVD និងការផលិតតួខ្លួនចេញពីដែកអ៊ីណុកថែមទៀត។ iPhone 11 Pro ទាំងពីរម៉ូឌែលនេះ មានភ្ជាប់ជាមួយនឹង IP68 (កំពស់ដល់ទៅ 4m សម្រាប់រយៈពេល 30នាទី) ។
ក្រុមហ៊ុន Apple ក៏បានបង្ហាញនូវសម្បក Cases ការពារថ្មីជាច្រើនផងដែរ។ ស្មាតហ្វូន iPhone 11 Pro នេះ មានតម្លៃ $999 ខណៈពេលដែលស្មាតហ្វូន iPhone 11 Pro Max គឺមានតម្លៃ $1,099 សម្រាប់ទំហំ 64GB។ ស្មាតហ្វូននេះ អាចធ្វើការ Pre-order នៅថ្ងៃទី 13 ខែកញ្ញាខាងមុខនេះ ហើយវានឹងចាប់ផ្តើមធ្វើការដឹកជញ្ជូននៅថ្ងៃទី 20 ខែកញ្ញាខាងមុខនេះ៕
