no-alternative title
no-alternative title
no-alternative title
no-alternative title
no-alternative title
no-alternative title
no-alternative title

iPhone 11 បំពាក់នូវបច្ចេកវិទ្យាប្រព័ន្ធការពារទឹក និងធូលី IP68 ដែលអាចនៅក្រោមទឹក 2 ម៉ែត្រ និងមានរយៈពេល 30 នាទី

iPhone 11 គឺជាស្មាតហ្វូនជំនាន់បន្ទាប់របស់ស្មាតហ្វូន iPhone XR ដែលបង្ហាញខ្លួនកាលពីឆ្នាំមុននេះ ហើយក្រុមហ៊ុន Apple បាននិយាយថា iPhone XR នេះ បានក្លាយជា iPhone ដែលលក់ដាច់ជាងគេ និងមានការពេញនិយមជាងគេនៅលើពិភពលោកចាប់តាំងពីវាបង្ហាញខ្លួន។ ខណៈពេលដែលលក្ខណៈសម្បត្តិជាច្រើនទៀតរបស់ស្មាតហ្វូននេះគឺមានការរក្សាដដែលនោះរួមមានអេក្រង់ វាក៏មានការប្រែប្រួលទៅលើផ្នែកខ្លះមួយចំនួនផងដែរ។ ស្មាតហ្វូន iPhone 11 គឺចាប់ផ្តើមជាមួយនឹងតម្លៃ $699 ដែលមានតម្លៃថោកជាងមុនដល់ទៅ $50។ 

 

no-alternative title

នៅក្នុងខណៈពេលនេះ វាក៏មានកាមេរ៉ា ultra wide ថ្មីនៅផ្នែកខាងក្រោយរបស់វាដែលក្រុមហ៊ុន Apple ហៅថាជាបច្ចេកវិទ្យា 2x Optical Zoom Out ខណៈពេលដែលកាមេរ៉ាគោលរបស់វាគឺមានទំហំ 12MP (26mm)។ សម្រាប់សេនស័រ 12MP Ultra-Wide Sensor នេះគឺមានកម្រិត 120-degree field-of-view និង f/2.4 aperture។ សម្រាប់កាមេរ៉ាគោលរបស់វាគឺមានភ្ជាប់ជាមួយនឹងមុខងារ f/1.8 aperture និង OIS ផងដែរ។ មុខងារជាច្រើនទៀតនៅលើកាមេរ៉ាថ្មីនេះគឺមានដូចជា Smart HDR និង Night Mode រួមជាមួយនឹងភ្លើង dual-tone LED flash ដែលមានកម្រិតភ្លឺច្បាស់ជាងមុនដល់ទៅ 36% ថែមទៀត។

សម្រាប់មុខងារស្ថេរភាពទៅលើវីដេអូក៏មានការពង្រឹងបន្ថែមផងដែរ ហើយពេលនេះវាមានឈ្មោះហៅថា Cinematic។ ក្រុមហ៊ុនបច្ចេកវិទ្យា Apple និយាយថា ស្មាតហ្វូននេះអាចធ្វើការថតវីដេអូដែលមានកម្រិតខ្ពស់បើធៀបជាមួយនឹងស្មាតហ្វូនធម្មតា។ អ្នកអាចធ្វើការថតវីដេអូដោយគ្រាន់តែចុចនៅលើ Shutter Button នៅក្នុង Photo Mode។ សម្រាប់ Audio Zoom ក៏ស៊ីគ្នាជាមួយនឹងប្រព័ន្ធសំឡេងនៅលើ Video Framing ថែមទៀត។ ស្មាតហ្វូន iPhone 11 អាចធ្វើការថតនៅក្នុងកម្រិត [email protected] ជាមួយនឹងកម្រិត Extended Dynamic Range នៅក្នុងកម្រិត [email protected]។ 

សម្រាប់ផ្នែកខាងមុខរបស់ស្មាតហ្វូននេះគឺមានភ្ជាប់ជាមួយនឹង Wide Lens ដែលមានកាមេរ៉ាខាងមុខទំហំ 12MP Selfie ដែលមានន័យថា ស្មាតហ្វូននេះ អាចធ្វើការថតរូបភាព Landscape Mode បានយ៉ាងល្អ។ សម្រាប់កាមេរ៉ា Selfie នេះ អាចធ្វើការថតវីដេអូកម្រិត [email protected] និង 4K EDR នៅក្នុងកម្រិត 30fps។ កាមេរ៉ានេះ ក៏មានមុខងារសម្រាប់ធ្វើការថត 120fps Slow-mo recording ហើយក្រុមហ៊ុន Apple ហៅថា "slofies"។ សម្រាប់មុខងារ Smart HDR គឺអាចដំណើរការសម្រាប់កាមេរ៉ាខាងមុខផងដែរ។

បច្ចេកវិទ្យា Face ID អាចដំណើរការលឿនជាងមុនដល់ទៅ 30% ហើយវាក៏ប្រើប្រាស់នូវកញ្ចក់ខាងមុខ និងខាងក្រោយដែលរឹងមាំក្នុងការប្រើប្រាស់។ សម្រាប់ iPhone 11 នេះ ក៏មានការពង្រឹងទៅលើប្រព័ន្ធសំឡេង និងមុខងារ Dolby Atmos ផងដែរ។ ស្មាតហ្វូននេះ ប្រើប្រាស់នូវបន្ទះឈីបថ្មី A13 Bionic ដែលមានកម្លាំងខ្លាំងជាងមុន 20% បើធៀបជាមួយនឹងបន្ទះឈីប A12 កាលពីឆ្នាំមុននេះ ហើយវាក៏យកឈ្នះទៅលើបន្ទះឈីប Snapdragon 855 សម្រាប់ការតេស្ត៍ទៅលើ CPU និង GPU នៅក្នុងការធ្វើតេស្ត៍របស់ Apple នោះ។ iPhone 11 នឹងមានពណ៌ខ្មៅ លឿន បៃតង ស ស្វាយ និងពណ៌ក្រហម។ សម្រាប់ថាមពលថ្មនេះ គឺប្រើប្រាស់បានយូរជាង iPhone XR។

ស្មាតហ្វូន iPhone 11 នេះ មានភ្ជាប់ជាមួយនឹងប្រព័ន្ធការពារទឹក និងធូលី IP68 (ការប្រើប្រាស់នៅក្រោមទឹក 2 ម៉ែត្ររយៈពេល 30 នាទី) ប្រព័ន្ធ Wi-Fi 6 និង Gigabit LTE លឿនជាងមុនថែមទៀត។ សម្រាប់ iPhones នេះនៅមិនទាន់ដំណើរការនូវ 5G នៅឡើយទេ។ សម្រាប់ការ Pre-orders របស់ស្មាតហ្វូននេះ គឺចាប់ផ្តើមនៅថ្ងៃទី 13 កញ្ញាខាងមុខនេះ ហើយសម្រាប់ iPhone 11 នឹងអាចរកទិញបាននៅថ្ងៃទី 20 ខែកញ្ញាខាងមុខនេះ នៅក្នុងប្រទេសចំនួន 30 រួមមានសហរដ្ឋអាមេរិកផងដែរ។ សម្រាប់ iPhone 11 គឺមានទំហំ 64GB/128GB/256GB ។ iPhone XR គឺមានតម្លៃ $599។ ប្រសិនបើអ្នកទិញស្មាតហ្វូន iPhone 11 នេះ អ្នគអាចទទួលបាននូវសេវាកម្មមួយឆ្នាំ Apple TV+ ខណៈពេលដែល Apple Arcade នឹងធ្វើការបង់ក្នុងតម្លៃ $4.99 ក្នុងមួយខែ។ សម្រាប់ iPhone 11 ដំណើរការនូវប្រព័ន្ធប្រតិបត្តិការ iOS 13 ដែលនឹងបង្ហាញខ្លួននៅក្នុងថ្ងៃទី 19 ខែកញ្ញាខាងមុខនេះ៕

 

no-alternative title

no-alternative title
ព័ត៌មានពាណិជ្ជកម្ម