ថ្មីៗនេះ ក្រុមហ៊ុន Qualcomm ទើបតែបង្ហាញនូវបន្ទះឈីបសម្រាប់ទូរស័ព្ទដំបូងបំផុតរបស់ខ្លួនដែលមានបញ្ចូលជាមួយនឹងម៉ូដឹម 5G ។ លោក Shen Yiren អនុប្រធានរបស់ក្រុមហ៊ុន oppo បានទម្លាយថា oppo នេះ នឹងធ្វើការប្រកាសបង្ហាញនូវស្មាតហ្វូនស៊េរីថ្មីរបស់ខ្លួនដែលប្រើប្រាស់នូវបន្ទះឈីបនេះ។ ខណៈពេលដែលគាត់នៅមិនទាន់ទម្លាយនូវឈ្មោះរបស់ស្មាតហ្វូននេះនៅឡើយទេ ស្មាតហ្វូននេះ ត្រូវបានគេជឿជាក់ថានេះ គឺជាស្មាតហ្វូន oppo Reno series ឬ K-series ហើយវានឹងក្លាយជាស្មាតហ្វូនដំបូងបំផុតរបស់ពិភពលោកដែលភ្ជាប់ជាមួយនឹងបន្ទះឈីប 7nm Snapdragon 5G ចុងក្រោយបំផុតនោះ។
សម្រាប់បន្ទះឈីប Qualcomm Snapdragon 855 នេះ គឺទ្រទ្រង់នូវម៉ូដឹម 5G ប៉ុន្តែសម្រាប់ Module នេះ គឺនៅដាច់ដោយឡែកពីបន្ទះឈីប។ សម្រាប់ នេះគឺដាក់អោយដំណើរការហើយនៅលើស្មាតហ្វូន 5G ជាច្រើន ប៉ុន្តែក្រុមហ៊ុនក៏ត្រៀមបង្ហាញនូវបន្ទះឈីបជាច្រើនទៀតដែលមានបញ្ចូលគ្នាជាមួយនឹងម៉ូដឹម 5G ដែលនៅជាប់ជាមួយនឹងបន្ទះឈីបតែម្តង។ បន្ទះឈីប Snapdragon 6xx និង Snapdragon 7xx series រួមជាមួយនឹងបន្ទះឈីប Snapdragon 8xx series នឹងបញ្ចូលនូវម៉ូដឹម 5G សម្រាប់ប្រើប្រាស់នៅលើស្មាតហ្វូនទាំងថ្នាក់កណ្តាល និងស្មាតហ្វូនថ្នាក់ប្រណិត។
បន្ទះឈីប Snapdragon 5G platforms ទាំង 3 នេះនឹងទ្រទ្រង់នូវកម្រិតហ្វ្រេកង់នៅក្នុងតំបន់ជាច្រើន នេះបើតាមការអះអាងរបស់ក្រុមហ៊ុន Qualcomm។ ស្មាតហ្វូនជាច្រើនដែលប្រើប្រាស់នូវបន្ទះឈីបនេះនឹងទ្រទ្រង់ទៅលើមុខងារ 5G ដែលមានដូចជា mmWave និង sub-6 GHz spectrum, TDD និង FDD modes, 5G multi-SIM, Dynamic Spectrum Sharing, និងស្តង់ដារ Standalone (SA) និង non-standalone (NSA) របស់រចនាសម្ព័ន្ធនៃបណ្តាញ Network ថែមទៀត។
ថ្មីៗនេះ ក្រុមហ៊ុន Qualcomm ក៏ទើបតែប្រកាសបង្ហាញនូវម៉ូដឹម X55 modem ដែលដំណើរការលឿនជាងមុន និងមានប្រសិទ្ធិភាពខ្ពស់ជាងមុន ប៉ុន្តែវានឹងមកដល់នៅក្នុងឆ្នាំ 2020 ខាងមុខនេះ។ សម្រាប់បន្ទះឈីប 5G processors នេះរួមជាមួយនឹងម៉ូដឹម 5G និងប្រើប្រាស់នូវបច្ចេកវិទ្យា “Snapdragon 5G Modem-RF System” របស់ក្រុមហ៊ុន Qualcomm ដែលមានការបញ្ចូលគ្នានៃម៉ូដឹម RF transceiver និង RF front-end ផងដែរ៕
