no-alternative title
no-alternative title
no-alternative title
no-alternative title
no-alternative title
no-alternative title
no-alternative title

ក្រុមហ៊ុន Huawei បានពិចារណាលក់បន្ទះឈីប Kirin ប៉ុន្តែមិនសំរាប់ស្មាតហ្វូនទេ គឺសម្រាប់តែឧបករណ៍ IoT ប៉ុណ្ណោះ

នៅឆ្នាំនេះក្នុងព្រឹត្តិការណ៍ IFA 2019 ក្រុមហ៊ុន Huawei ទើបតែបញ្ចេញនូវបន្ទះឈីប Kirin 990 5G ដែលជាបន្ទះឈីប 5G ដំបូងបំផុតរបស់ពិភពលោកដែលបង្កើតឡើងដោយបច្ចេកវិទ្យា 7nm EUV នេះ។ សម្រាប់បន្ទះឈីប Kirin គឺជានិមិត្តរូបនៃស្មាតហ្វូនជាច្រើនរបស់ក្រុមហ៊ុន Huawei ។ ក្រុមហ៊ុន Huawei គឺមិនទាន់ចាត់ទុកថាបន្ទះឈីបទាំងនេះ នឹងក្លាយជាផលិតផលសម្រាប់ធ្វើពាណិជ្ជកម្មនោះទេ។ ប៉ុន្តែអ្វីដែលលោក Richard Yu បានប្រកាសនៅក្រោយព្រឹត្តិការណ៍ IFA 2019 ដែលពិតជាមានរឿងដែលគួរអោយភ្ញាក់ផ្អើលមែនទែន។

 

no-alternative title

តាមការបញ្ជាក់របស់ Globaltimes នៅក្នុងបទសម្ភាសន៍ជាមួយនឹងព្រឹត្តិការណ៍ IFA នេះ លោក Richard Yu ដែលជា CEO របស់ក្រុមហ៊ុន Huawei បានអះអាងថា ក្រុមហ៊ុន Huawei ពេលនេះនឹងដាក់លក់បន្ទះឈីប Kirin chipsets ទៅកាន់ឧស្សាហកម្មជាច្រើន ប៉ុន្តែនេះគឺសម្រាប់ IoT ។ ក្រុមហ៊ុននេះ នៅតែប្រើប្រាស់នូវបន្ទះឈីប Kirin សម្រាប់ស្មាតហ្វូនជាច្រើនរបស់ខ្លួន។ កាលពីមុន Huawei គឺមិនដែលនិយាយអំពីការលក់បន្ទះឈីប Kirin របស់ខ្លួនទៅកាន់ក្រុមហ៊ុនផ្សេងនោះទេ។ 

លោក Brody Ji ប្រធានផ្នែកផលិតផលជាន់ខ្ពស់របស់ក្រុមហ៊ុននេះ បានអះអាងថា សម្រាប់ក្រុមហ៊ុន Huawei បន្ទះឈីប Kirin គឺមិនមែនសម្រាប់អាជីវកម្មនោះទេ ប៉ុន្តែផលិតផល ឬបច្ចេកវិទ្យាដែលដើរតួយ៉ាងសំខាន់សម្រាប់ប្រកួតប្រជែងជាមួយនឹងស្មាតហ្វូនជាច្រើនទៀតដែលមាននៅលើទីផ្សារ។ សំណួរដ៏ធំមួយសួរថា ហេតុអ្វីបានជាពេលនេះ មានការផ្លាស់ប្តូរចិត្តវិញនោះ? នេះ គឺដោយសារតែការហាមប្រាមពីសហរដ្ឋអាមេរិក។ វាពិតជាអាចទៅរួចដែលក្រុមហ៊ុនបច្ចេកវិទ្យានេះ ត្រូវបានគេរំពឹងថាបាត់បង់នូវប្រាក់ចំណូលជាច្រើនដោយសារតែការហាមប្រាមនេះ នេះគឺដោយសារតែខាតបង់នៅក្នុងទីផ្សារអន្តរជាតិ និងជាលទ្ធផលវាក៏បង្ករជាបញ្ហាហិរញ្ញវត្ថុផងដែរ។ 

នៅពេលនេះ មានផលិតផលជាច្រើនរបស់ក្រុមហ៊ុន Huawei ដែលវាអាចធ្វើអោយមានការកើនឡើងទៅលើប្រាក់ចំណូលរបស់ក្រុមហ៊ុននេះ។ ជាមួយនឹងបន្ទះឈីបថ្មីនេះ នឹងជួយក្រុមហ៊ុន Huawei នៅក្នុងការពង្រីកទៅលើការតភ្ជាប់របស់ខ្លួនជាមួយនឹងក្រុមហ៊ុនជាច្រើនទៀត និងការបង្កើតនូវស្ពានជាច្រើន ដែលជួយពួកគេនាពេលអនាគត។ ជាមួយនឹងការបង្ហាញនូវអេក្រង់ Honor Smart Screen យើងដឹងថា ក្រុមហ៊ុន Huawei ចង់ធ្វើការបង្កើតនូវប្រព័ន្ធឆ្លាតវៃដែលអនុញ្ញាតអោយឧបករណ៍ជាច្រើនអាចធ្វើការតភ្ជាប់គ្នាបានយ៉ាងងាយស្រួល។ វត្តមាននៃផលិតផលនេះ ក៏ជាបើកទ្វារសម្រាប់ក្រុមហ៊ុន Huawei ក្នុងការធ្វើទីផ្សារសម្រាប់ប្រព័ន្ធប្រតិបត្តិការ HarmonyOS កាន់តែមានប្រសិទ្ធិភាព ល្បឿនលឿនជាងមុនថែមទៀតផងដែរ៕

 

 

no-alternative title

no-alternative title
ព័ត៌មានពាណិជ្ជកម្ម