នៅពេលដែលមានវត្តមានរបស់បន្ទះឈីប Flagship Snapdragon 888 SoC ថ្មីចេញពីក្រុមហ៊ុន Qualcomm នោះ គេមើលឃើញថា ក្រុមហ៊ុននិមួយយៗ បានដណ្តើមគ្នាប្រើប្រាសលើស្មាតហ្វូនខ្លួន ដែលពេលនេនះ គឺកំពុងតែមានការប្រកួតប្រជែងគ្នានៅលើទីផ្សារកាន់តែខ្លាំង។ រហូតដល់ពេលមួយនោះ មានក្រុមហ៊ុនផលិតស្មាតហ្វូនជាច្រើន បានប្រាថ្នា ចង់ប្រើប្រាស់នូវបន្ទះឈីបនេះ អោយបានមុនគេថែមទៀតផង។ ប៉ុន្តែអ្វីៗ គឺបានដឹងហើយ ដោយពេលនេះ ក្រុមហ៊ុន Xiaomi បានយកឈ្នះក្រុមហ៊ុនជាច្រើនតាមរយៈការបង្ហាញនូវស្មាតហ្វូនមួយដែលប្រើប្រាស់នូវបន្ទះឈីបថ្មីនេះនៅក្នុងខែធ្នូកន្លងទៅនេះ។
.jpg)
សម្រាប់វត្តមាន mi 11 នោះ ក្រុមហ៊ុន Xiaomi នឹងមានការប្រកួតប្រជែងជាច្រើនទៀត ជាមួយនឹងក្រុមហ៊ុននានា ដែលគ្រោងនឹងបញ្ចេញនូវស្មាតហ្វូនថ្មីៗនៅលើទីផ្សារ។ ក្រុមហ៊ុន iQOO ក៏បានបង្ហាញនូវស្មាតហ្វូន Flagship ម៉ូឌែលថ្មីរបស់ខ្លួននោះគឺ iQOO 7 ផងដែរ។ នៅក្នុងរយៈពេលប៉ុន្មានសប្តាហ៍កនន្លងមកនេះ គឺមានការព្យាករណ៍ជាច្រើនអំពីស្មាតហ្វូន iQOO 7 នេះផងដែរ ខណៈដែលមានបែកធ្លាយជាច្រើនពីស្មាតហ្វូននេះ ប៉ុន្តែមិនមានការបង្ហាញអំពីតម្លៃរបស់ស្មាតហ្វូននេះទេ។ នៅថ្ងៃនេះ ប្រធានគ្រប់គ្រងរបស់ iQOO លោក @戈蓝V បានបង្ហោះអំពីតម្លៃរបស់ស្មាតហ្វូន iQOO 7 ហើយ នៅលើ Weibo ។
តាមការបញ្ជាក់របស់គាត់ ស្មាតហ្វូន iQOO 7 នេះ នឹងមានតម្លៃប្រហាក់ប្រហែលទៅនឹងស្មាតហ្វូន Flagship ផងដែរ។ គាត់បានបង្ហើបថា ស្មាតហ្វូន iQOO 7 និង Xiaomi Mi 11 គឺជាផលិតផល ដែលមានតម្លៃប្រហែលគ្នា។ សម្រាប់ស្មាតហ្វូន iQOO 7 នេះ គាត់បាននិយាយថា លក្ខណៈពិសេសអំពីឧស្សាហកម្មនេះ គឺថា ផលិតផលជាច្រើនគឺមានតម្លៃប្រហាក់ប្រហែលគ្នា នឹងជាស្មាតហ្វូនដែលខុសៗគ្នាផងដែរ។ តម្លៃរបស់ស្មាតហ្វូន iQOO7 នេះ អាចនឹងស្រដៀងគ្នាទៅនឹងស្មាតហ្វូន Xiaomi Mi 11 នេះ។
និយាយពីសមត្ថភាពវិនោះ ស្មាតហ្វូននេះ មានបន្ទះឈីប Snapdragon 888 SoC រ៉េមទំហំ 8GB និងថាមពលថ្មទំហំ 4000 mAh ។ ថាមពលថ្មរបស់ស្មាតហ្វូននេះ គឺមានបច្ចេកវិទ្យាសាកថ្ម 120W ultra fast charging និងអាចសាកថ្មពេញនៅក្នុងពេលត្រឹមតែ 15 នាទីប៉ុណ្ណោះ។ ស្មាតហ្វូន iQOO7 នេះ ប្រើប្រាស់នូវអេក្រង់ AMOLED punch-hole ដែលមានកម្រិតអេក្រង់ refresh rate 120Hz ថែមទៀតផង។ កាន់តែពិសេសជាងនេះទៀតនោះ ស្មាតហ្វូននេះ ប្រើប្រាស់នូវ Monster Touch screen dual-control pressure sensing, Monster Engine dual-line linear motors និង dual stereo speakers ផងដែរ៕
