ស្មាតហ្វូនស៊េរីថ្មី Nova 8 Pro Honor of Kings ត្រូវបានក្រុមហ៊ុន Huawei ប្រកាសចេញជាផ្លូវការហើយ!

កាលពីចុងខែធ្នូ ឆ្នាំមុននេះ ក្រុមហ៊ុន Huawei បានបង្ហាញនូវស្មាតហ្វូនចំនួន 2 ម៉ូដែល គឺ Huawei Nova 8 និង Nova 8 Pro ជាមួយនឹងតម្លៃចាប់ផ្តើមពី 3299 yuan ($511)។ ក្រៅពីស្មាតហ្វូនទាំង 2 ម៉ូដែលនេះ ស្មាតហ្វូន Nova 8 Pro series របស់ក្រុមហ៊ុន Huawei នេះ ក៏មានម៉ូឌែលមួយទៀតដែលមានឈ្មោះហៅថា Honor of Kings។

នៅថ្ងៃនេះ ស្មាតហ្វូន Huawei Nova 8 Pro Honor of Kings បានប្រកាសបង្ហាញវត្តមានជាផ្លូវការហើយ។ ស្មាតហ្វូននេះមានទំហំ 8GB+128GB ដែលមានតម្លៃចាប់ផ្តើមពី 3999 yuan ($619)។ ការលក់ស្មាតហ្វូននេះ គឺចាប់ផ្តើមពីវេលាម៉ោង 0:00 នៅថ្ងៃទី 13 ខែមករានេះ។ ផ្នែកខាងក្រោយរបស់ស្មាតហ្វូននេះ គឺមាន HUAWEI logo និង មានការប្រើប្រាស់នូវ  themes, ringtones, notifications និងជាច្រើនទៀត។ សម្រាប់លក្ខណៈសម្បត្តិរបស់ស្មាតហ្វូននេះ គឺមិនមានការប្រែប្រួលនោះទេ គឺស្រដៀងគ្នាទៅនឹងអ្វីដែលយើងបានឃើញនៅលើស្មាតហ្វូនម៉ូឌែលដំបូងរបស់វាផងដែរ។ 

ស្មាតហ្វូន Huawei Nova 8 Pro នេះ គឺមានបន្ទះឈីប Kirin 985 5G SoC និងមានអេក្រង់ 6.72-inch 120Hz ។ អេក្រង់នេះ គឺមានកម្រិត 10bit color depth និង  HDR10 ផងដែរ។ ស្មាតហ្វូននេះ ក៏មានប្រភេទអេក្រង់ 90fps ultra-high frame rate version របស់ខ្លួនផងដែរ។ ជាក់ស្តែង យើងបានរាយការណ៍អំពីម៉ូឌែលពិសេសរបស់ស្មាតហ្វូន Huawei Nova 8 Pro នៅក្នុងខែធ្នូ ឆ្នាំ 2020 នេះផងដែរ។ ប៉ុន្តែនៅពេលនោះ យើងនៅមិនទាន់បានដឹងអំពីលក្ខណៈសម្បត្តិពិសេសរបស់ស្មាតហ្វូននេះទេ៕