អស់រយៈពេលជាច្រើនខែមកហើយ ពាក្យចចាមអារ៉ាមជាច្រើន គឺបាននិយាយថា ក្រុមហ៊ុន Samsung នឹងបង្ហាញនូវស្មាតហ្វូនត្រកូល Galaxy S21 series ស៊េរីថ្មីរបស់ខ្លួននៅថ្ងៃទី 14 ខែមករានេះ។ នៅថ្ងៃនេះ ដើម្បីបញ្ចប់នូវមន្ទិលសង្ស័យទាំងអស់នេះ ក្រុមហ៊ុនបច្ចេកវិទ្យាយក្សរបស់ប្រទេសកូរ៉េខាងត្បូងនេះ បានចេញបញ្ជាក់ថា ព្រឹត្តិការណ៍ Galaxy Unpacked 2021 នឹងធ្វើឡើងនៅថ្ងៃទី 14 ខែមករានេះពិតមែនហើយ។ នៅក្នុងសេចក្តីប្រកាសរបស់ក្រុមហ៊ុននេះ នៅមិនទាន់បញ្ចាក់អំពីលក្ខណៈសម្បត្តិជាច្រើនទៀតរបស់ស្មាតហ្វូន Galaxy S21 series នេះទេ។

ក្រុមហ៊ុននៅមិនបង្ហាញនូវឈ្មោះរបស់ស្មាតហ្វូនដែលគ្រោងនឹងបង្ហាញខ្លួននៅក្នុងសប្តាហ៍ក្រោយនេះទេ។ របាយការណ៍ជាច្រើនបញ្ជាក់ថា ស្មាតហ្វូន Flagships ថ្មីរបស់ក្រុមហ៊ុនបច្ចេកវិទ្យាយក្សរបស់កូរ៉េខាងត្បូងនេះ នឹងមានឈ្មោះហៅថា Galaxy S21, Galaxy S21+ និង Galaxy S21 Ultra។ នៅក្នុងការផ្សព្វផ្សាយថ្មីនេះ មានការបង្ហាញអំពីកាមេរ៉ារបស់ស្មាតហ្វូន Galaxy S21 នេះ។ នៅក្នុងរូបភាពនេះ មានការបង្ហាញអំពីកាមេរ៉ារបស់ស្មាតហ្វូន Galaxy S21 ផងដែរ។ របាយការណ៍ជាច្រើននាពេលថ្មីៗនេះ មានការទម្លាយថា ស្មាតហ្វូន Galaxy S21, S21+ និង S21 Ultra នឹងមានអេក្រង់ទំហំ 6.2-inch, 6.7-inch និង 6.8-inch S-AMOLED ជាមួយនឹងការឌីស្សាញជាមួយនឹង punch-hole។

សម្រាប់ម៉ូឌែលប្រភេទ Ultra គឺមានកម្រិតភាពច្បាស់ QHD+ និងស្មាតហ្វូនម៉ូឌែលមួយទៀត គឺមានកម្រិតអេក្រង់ FHD+។ ស្មាតហ្វូនទាំងនេះគឺមានកម្រិត 120Hz refresh rate និងបច្ចេកវិទ្យាស្កេនក្រយ៉ៅដៃក្រោមអេក្រង់។ ស្មាតហ្វូននេះ មានថាមពលថ្មទំហំ 4,000mAh, 4,800mAh និង 5,000mAh។ ស្មាតហ្វូន Galaxy S21 និង S21+ នឹងមានកាមេរ៉ា 12-megapixel (main) + 12-megapixel (ultra wide) + 64-megapixel (telephoto) ។ សម្រាប់ម៉ូឌែល Ultra នេះគឺមានកាមេរ៉ាទំហំ  108-megapixel (main) + 12-megapixel (ultrawide) + 10-megapixel (telephoto) + 10-megapixel (telephoto) ។ សម្រាប់ម៉ូឌែល Ultra នេះគឺមានកាមេរ៉ាខាងមុខទំហំ40-megapixel selfie ខណៈពេលដែលស្មាតហ្វូន S21 និង S21 Plus គឺមានកាមេរ៉ាខាងមុខទំហំ 10-megapixel selfie។

ស្មាតហ្វូន Galaxy S21 series គឺមានបន្ទះឈីប Snapdragon 888 ឬ Exynos 2100 SoC ។ ក្រុមហ៊ុន Samsung នឹងប្រកាសបង្ហាញនូវកាសស្តាប់ Galaxy Buds Pro earbuds ជាមួយនឹងស្មាតហ្វូន Galaxy S21 series នៅថ្ងៃទី 14 ខែមករានេះផងដែរ៕