នៅក្នុងខែតុលា ឆ្នាំ 2020 នេះក្រុមហ៊ុន Huawei បានបង្ហាញជាផ្លូវការអំពីវត្តមានរបស់ស្មាតហ្វូន Mate 40 series របស់ខ្លួន។ ស្មាតហ្វូននេះ គឺមាន 4 ម៉ូឌែលនោះគឺ Huawei Mate 40, Mate 40 Pro, Mate 40 Pro + និង Mate 40 RS ។ ស្មាតហ្វូន Mate 40 និង Mate 40 Pro នឹងដាក់លក់នៅថ្ងៃនេះ។ នៅក្នុងការលក់ដំបូងនេះ ស្មាតហ្វូន Huawei Mate 40 នេះគឺលក់នៅក្នុងតម្លៃចាប់ផ្តើម 4999 yuan ($774) ហើយវាលក់អស់រលីងនៅក្នុងពេលត្រឹមតែ 11 វិនាទីប៉ុណ្ណោះ។

យោងតាមទិន្នន័យព័ត៌មាននៅលើ JD.com មានការបង្ហាញថា ស្មាតហ្វូន Huawei Mate 40 series គឺជាស្មាតហ្វូនដែលមានការពេញនិយមខ្លាំងជាងគេ។ ទិន្នន័យនេះ មានការបង្ហាញនៅក្នុងពេលត្រឹមតែ 1 ម៉ោងប៉ុណ្ណោះ ចំនួនអ្នកស្វែងរកនូវស្មាតហ្វូន Mate 40 series នេះ មានចំនួន 600% ខ្ពស់ជាងស្មាតហ្វូន Mate 30 series ក្នុងរយៈពេលដូចគ្នា។ នៅលើ JD.com នេះ ក៏មានការលក់ស្មាតហ្វូន Mate 40 Series នៅថ្ងៃដំបូង នៅក្នុងក៏មានការផ្តល់នូវលក្ខណៈពិសេសមួយចំនួនផងដែរ៖

•ការសងលុយជូនវិញនៅក្នុងពេលមួយខែ

•ការដូរថ្មថ្មីមួយឆ្នាំពេញ

•ការដូរស្មាតហ្វូនចាស់យកស្មាតហ្វូនថ្មី Mate 40 series ជាមួយនឹងការទទួលបាននូវទឹកប្រាក់ខ្ពស់ដល់ទៅ  3,000 yuan ($448) (អាស្រ័យទៅលើស្ថានភាពទូរស័ព្ទចាស់)

គួរបញ្ជាក់ផងដែរថា ស្មាតហ្វូន Mate 40 Pro, Mate 40 Pro+ និង Mate 40 RS Porsche Design ប្រើប្រាស់នូវបន្ទះឈីប Kirin 9000 ខណៈដែលស្មាតហ្វូន Mate 40 គឺប្រើប្រាស់នូវបន្ទះឈីប Kirin 9000E ប៉ុណ្ណោះ។ បន្ទះឈីប Kirin 9000 5G នេះ ប្រើប្រាស់នូវដំណើរការ 5nm ដែលមានត្រង់ស៊ីស្ទ័រចំនួន 15.3 ពាន់លាន CPU ចំនួន 8-Core ក្រាហ្វិកកាត 24-core Mali-G78 GPU ផងដែរ៕