នៅទីបំផុត បន្ទាប់ពីការបង្ហាញនូវស្មាតហ្វូន Galaxy A32 5G កាលពីខែមុនមក នៅថ្ងៃនេះ ក្រុមហ៊ុន Samsung ក៏បានប្រកាសចេញជាផ្លូវការនូវម៉ូឌែលប្រភេទ LTE ផងដែរ។ ស្មាតហ្វូន Galaxy A32 គឺជាស្មាតហ្វូនថ្នាក់កណ្តាលដំបូងបំផុតរបស់ក្រុមហ៊ុន Samsung ដែលមានលក្ខណៈខុសប្លែកពីស្មាតហ្វូន Galaxy A32 5G។ ស្មាតហ្វូន Galaxy A32 គឺជាស្មាតហ្វូនថ្នាក់កណ្តាលដំបូងបំផុតរបស់ក្រុមហ៊ុន Samsung ដែលមានកម្រិអេក្រង់ refresh-rate ខ្ពស់ក្នុងការប្រើប្រាស់។
ស្មាតហ្វូន Galaxy A32 (4G) នេះ មានអេក្រង់ 6.4-inch Super AMOLED Infinity-U display ជាមួយនឹងកម្រិត 90Hz refresh rate, Full HD+ ប្រព័ន្ធស្កេនក្រយ៉ៅដៃក្រោមអេក្រង់ និងកញ្ចក់ការពារ Gorilla Glass 5 ថែមទៀតផង។ ស្មាតហ្វូន Galaxy A32 5G នេះ មានអេក្រង់ទំហំ 6.5-inch HD+ LCD Infinity-V ជាមួយនឹងកម្រិត 60Hz refresh rate តែប៉ុណ្ណោះ។ ស្មាតហ្វូននេះ ដំណើរការនូវប្រព័ន្ធប្រតិបត្តិការ Android 11 និងបន្ទះឈីប octa-core processor, 4GB/6GB/8GB RAM និង64GB/128GB ។ ស្មាតហ្វូននេះអាចបន្ថែមនូវ microSD card slot បានថែមទៀតផង។
បើនិយាយអំពីការថតរូបភាពនោះ ស្មាតហ្វូនGalaxy A32 នេះ គឺមានកាមេរ៉ាខាងមុខទំហំ 20MP selfie(F2.2 aperture) និងកាមេរ៉ាខាងក្រោយទំហំ 64MP ផងដែរ។ ស្មាតហ្វូននេះមានកាមេរ៉ាខាងក្រោយទំហំ 8MP ultrawide, 5MP depth sensor, និង 5MP macro ។ សម្រាប់ការតភ្ជាប់ទំនាក់ទំនងនៅលើស្មាតហ្វូននេះមានដូចជា dual-SIM card slot, GPS, Wi-Fi b/g/n/ac, Bluetooth 5.0, USB Type-C port និងរន្ធដោតកាសស្តាប់ផងដែរ។ ស្មាតហ្វូននេះមានថាមពលថ្មទំហំ 5,000mAh និងបច្ចេកវិទ្យាសាកថ្ម 15W fast charging ។ ស្មាតហ្វូននេះក៏ប្រើប្រាស់នូវ Samsung Pay និង Samsung Knox ផងដែរ។
ស្មាតហ្វូន Galaxy A32 នឹងមាន 4 ពណ៌សម្រាប់ធ្វើការជ្រើសរើសនោះគឺពណ៌ Awesome Black, Awesome Blue, Awesome Violet និង Awesome White ។ ក្រុមហ៊ុនបច្ចេកវិទ្យាយក្សរបស់ប្រទេសកូរ៉េខាងត្បូងនេះមិនទាន់បង្ហាញអំពីកាលបរិច្ឆេទនៃការលក់ស្មាតហ្វូននេះនៅឡើយទេ ប៉ុន្តែស្មាតហ្វូននេះនឹងដាក់លក់នៅក្នុងប្រទេសរុស្សនៅក្នុងតម្លៃ RUB 19,990 ($268)សម្រាប់ទំហំ 4GB+64GB និងតម្លៃ RUB 21,990 ($294)សម្រាប់ទំហំ 128GB ៕