មួយរយ់ចុងក្រោយនេះ ក្រុមហ៊ុន LG កំពុងតែប្រឹងប្រែងយ៉ាងខ្លាំងនៅក្នុងអាជីវកម្មស្មាតហ្វូន ហើយថ្មីៗនេះ ក្រុមហ៊ុននេះ បានបញ្ជាក់ថា ខ្លួននឹងចាកចេញពីទីផ្សារស្មាតហ្វូនផងដែរ។ ក្រុមហ៊ុននេះ មានគម្រោងក្នុងការបិទអាជីវកម្មស្មាតហ្វូនរបស់ខ្លួននៅក្នុងរយៈពេលប៉ុន្មានខែនេះ ប៉ុន្តែក្រុមហ៊ុននេះ នឹងលក់នូវអាជីវកម្មរបស់ខ្លួនផងដែរ។ តើនឹងមានអ្វីដែលកើតឡើងសម្រាប់ស្មាតហ្វូនជាច្រើនរបស់ក្រុមហ៊ុននេះ។ ខណៈពេលដែលរឿងនេះ នៅមិនទាន់ដឹងនៅឡើយទេនោះ ព័ត៌មានលម្អិតរបស់ស្មាតហ្វូន LG Rollable និងស្មាតហ្វូន LG Rainbow ពេលនេះ ក៏បែកធ្លាយនៅលើអនឡាញផងដែរ។
រូបភាពជាច្រើនសន្លឹករបស់ស្មាតហ្វូន LG Rollable ក៏មានការបែកធ្លាយនៅលើអនឡាញផងដែរដែលមានការបង្ហាញនូវផ្នែកខាងក្រោយរបស់ស្មាតហ្វូននេះផងដែរ។ ស្មាតហ្វូនមួយទៀតដែលមានឈ្មោះហៅថា LG Rainbow ឬ LG V70 ក៏បង្ហាញខ្លួននៅលើអ៊ីនធឺរណិតផងដែរ។ របាយការណ៍នេះ បានអះអាងថា ស្មាតហ្វូន LG V70 នេះ មិនទាន់បង្ហាញខ្លួននៅក្នុងខែឧសភា ឬខែមិថុនានេះទេ។ ជាក់ស្តែង មានការបញ្ជាក់ថា ស្មាតហ្វូននេះ គឺស្លាប់បាត់ហើយក៏នឹងមិនបង្ហាញវត្តមាននៅលើទីផ្សារនោះទេ។ ស្មាតហ្វូន LG Rollable មិនប្រើប្រាស់នូវបន្ទះឈីប Qualcomm Snapdragon 888 នោះទេ។
សូមជំរាបថា ក្រុមហ៊ុន LG បានបញ្ចេញនូវស្មាតហ្វូន ដែលមានអេក្រង់រមូរកាលពីដើមឆ្នាំនេះនៅក្នុងព្រឹត្តិការណ៍ CES 2021 ហើយស្មាតហ្វូននេះ នឹងបង្ហាញខ្លួននៅឆ្នាំនេះផងដែរ។ ប៉ុន្តែពេលនេះ ក្រុមហ៊ុនបច្ចេកវិទ្យានេះ បែរជាដកខ្លួនចេញពីទីផ្សារស្មាតហ្វូនទៅវិញដូចនេះការប្រកាសចេញនូវវត្តមានរបស់ស្មាតហ្វូននេះនឹងត្រូវបញ្ឈប់ត្រឹមនេះជាក់ជាមិនខាន៕
