របាយការណ៍ថ្មីបង្ហាញថា ក្រុមហ៊ុន OPPO បានយកឈ្នះក្រុមហ៊ុន Huawei ទៅលើទីផ្សារស្មាតហ្វូនដែលប្រើប្រាស់នូវបច្ចេកវិទ្យា 5G

នៅខណៈពេលដែលពិភពលោក កំពុងតែឆ្ពោះទៅកាន់បច្ចេកវិទ្យា 5G នោះ ការប្រើប្រាស់នូវ bandwidth ត្រូវបានគេបញ្ជាក់ថា នឹងថ្មីជាងមុន ហើយនិងមានលឿនជាងមុន គឺជាចំណុចលក់មួយសម្រាប់ការលក់ស្មាតហ្វូន។ ចាប់ពីពេលនេះ គឺមែនមានតែស្មាតហ្វូនម៉ូឌែល Flagship នោះទេ សម្បីតែស្មាតហ្វូនដែលមានតម្លៃសមរម្យជាច្រើនពេលនេះ ក៏ទទួលបានបច្ចេកវិទ្យា 5G ផងដែរ។ តាមការបញ្ជាក់នៅក្នុងរបាយការណ៍ចេញពី  MScience បានអោយដឹងថា ការប្រើប្រាស់ទៅលើបច្ចេកវិទ្យា 5G នេះ សម្រាប់ក្រុមហ៊ុនបច្ចេកវិទ្យាយក្សរបស់ចិននេះ គឺបានឈ្នះទៅលើក្រុមហ៊ុនប្រកួតប្រជែងរបស់ខ្លួន។ 

របាយការណ៍នេះបានធ្វើការចែករំលែកនូវអត្រានៃការប្រើប្រាស់នូវបច្ចេកវិទ្យា 5G នៅក្នុងសហរដ្ឋអាមេរិក និងចិនផងដែរ។យើងអាចមើលឃើញថា ស្មាតហ្វូន Galaxy S20 series របស់ក្រុមហ៊ុន Samsung គឺជាការចាប់ផ្តើមទៅលើការប្រើប្រាស់នូវបច្ចេកវិទ្យា 5G នៅក្នុងសហរដ្ឋអាមេរិក។ បន្ថែមពីនេះទៀតនោះ នេះគឺមានការគាំទ្រជាច្រើនពីអ្នកប្រើប្រាស់របស់សហរដ្ឋអាមេរិកផងដែរ។ ទន្ទឹមនឹងនេះផងដែរនោះ ប្រទេសចិនបាននាំមុខទៅលើសហរដ្ឋអាមេរិកទៅលើបច្ចេកវិទ្យា 5G ផងដែរ។ នៅក្នុងឆ្នាំ 2021 នេះ ស្មាតហ្វូន  Galaxy S21 series ក៏មានការកើនឡើងនៅក្នុងការប្រើប្រាស់នៅសហរដ្ឋអាមេរិកផងដែរ ខណៈពេលដែលនៅសហរដ្ឋអាមេរិកគឺមានការប្រែប្រួលបន្តិចបន្តួចប៉ុណ្ណោះ។

នៅក្នុងពេលនេះ ក្រុមហ៊ុន OPPO នេះក៏យកឈ្នះទៅលើក្រុមហ៊ុន Huawei ទៅលើបច្ចេកវិទ្យា 5G ផងដែរនៅក្នុងរបាយការណ៍នេះ។ សម្រាប់អ្នកដែលមិនដឹងនោះ ក្រុមហ៊ុនបច្ចេកវិទ្យា Huawei បានកាត់ផ្តាច់ទំនាក់ទំនងរបស់ខ្លួនជាមួយនឹងក្រុមហ៊ុន TSMC ដោយសារតែការដាក់ទណ្ឌកម្មរបស់សហរដ្ឋអាមេរិក។ ក្រុមហ៊ុន OPPO ក៏មានស្មាតហ្វូនជាច្រើនដែលមានការទ្រទ្រង់ទៅលើបច្ចេកវិទ្យា5G ផងដែរពីស្មាតហ្វូនប្រណិតរហូតដល់ស្មាតហ្វូនថ្នាក់កណ្តាល៕