កាលពីម្សិលមិញនេះ ក្រុមហ៊ុន Huawei បានរៀបចំនូវសន្និសិទលើកទី 18 របស់ខ្លួនគឺ Global Analyst Conference នៅក្នុងទីក្រុង Shenzhen។ លោក Xu Zhijun ដែលជាអនុប្រធានរបស់ក្រុមហ៊ុន Huawei បាននិយាយថា ក្រុមហ៊ុន Huawei បាននឹងកំពុងតែផ្តោតទៅលើរថយន្តឆ្លាតវៃរបស់ BU ដែលនេះ គឺជាឧស្សាហកម្មថ្មីរបស់ខ្លួន។ គាត់បានអះអាងថា រថយន្ត Huawei នឹងមានមុខងារជាច្រើនដែលអាចប្រកួតប្រជែងបាននៅលើទីផ្សារ។
ក្រុមហ៊ុន Huawei បានវិនិយោគទឹកប្រាក់ច្រើនជាង 1 ពាន់លានដុល្លារអាមេរិកនៅក្នុងសមាសភាគនៃរថយន្តឆ្លាតវៃនៅក្នុងឆ្នាំនេះ ហើយក្រុមហ៊ុននេះ បានធ្វើការវិនិយោគទោលើសមាសភាគនៃការស្រាវជ្រាវ និងការអភិវឌ្ឍផងដែរ។ ប្រទេសចិនមានរថយន្តច្រើនជាង 30 លានគ្រឿងជារៀងរាល់ឆ្នាំ ហើយការអភិវឌ្ឍនាពេលអនាគតនឹងច្រើនជាងនេះ។ ជាមួយនឹងតួរលេខនេះ ក្រុមហ៊ុន Huawei មិនចាំបាច់ទៅកាន់ទីផ្សារក្រៅពីប្រទេសចិននោះទេដើម្បីពង្រីកវត្តមានរបស់ខ្លួននោះ។ ក្រុមហ៊ុន Huawei មានក្តីសង្ឃឹមក្នុងការក្លាយជាក្រុមហ៊ុនសកលមួយដែលមានការផ្គត់ផ្គង់មិនត្រឹមនៅក្នុងទីផ្សាររបស់ចិននោះទេ។
លោក Xu Zhijun បាននិយាយថា គ្រប់សមាសភាគទាំងអស់ ដែលក្រុមហ៊ុន Huawei បានធ្វើការផលិតនឹងត្រូវយកមកប្រើប្រាស់។ ជាមយយនឹងការបង្ហាញវត្តមាននៅក្នុងព្រឹត្តិការណ៍ Shanghai Auto Show រថយន្ត HuaweiCar បានផ្តល់អោយអ្នកគ្រប់គ្នានូវបទពិសោធន៍ជាច្រើននៃការបើកបរដោយស្វ័យប្រវត្តិនៅក្នុងទីប្រជុំជន។ លោកបាននិយាយថា ក្រុមការងាររបស់យើងខិតខំប្រឹងប្រែងយ៉ាងល្អបំផុត ហើយខ្ញុំសង្ឃឹមថាវានឹងល្អបំផុត។ យើងមិនមែនអួតអំពីវានោះទេ។ ក្រុមការងារប្រាប់យើងថា រថយន្តរបស់យើងអាចធ្វើដំណើរបានចម្ងាយ 1000 គីឡូម៉ែត្រដែលនេះ ពិតជាល្អជាងក្រុមហ៊ុន Tesla ។
សូមជំរាបថា ខណៈពេលដែលរថយន្តអេឡិចត្រូនិចជាច្រើន ដែលនឹងបង្ហាញវត្តមាននៅលើទីផ្សារនេះ នឹងមានឈ្មោះហៅថា “Huawei Car”។ ក្រុមហ៊ុន Huawei បានអះអាងថា ខ្លួនមិនត្រឹមតែបង្កើតនូវរថយន្តជាច្រើននោះទេ ប៉ុន្តែក្រុមហ៊ុននេះ ក៏មានគោលដៅក្នុងការជួយក្រុមហ៊ុនផលិតរថយន្តជាច្រើនបង្កើតនូវរថយន្តប្រណិតៗជាច្រើនផងដែរ។ នេះមានន័យថាយើងប្រហែលជាមិនឃើញរថយន្តទាំងនេះប្រើប្រាស់នូវឡូហ្គោរបស់ Huawei នោះទេ។ ក្រុមហ៊ុននេះក៏មានគោលដៅក្នុងការបង្កើតនូវរថយន្តប្រណិតជាច្រើនដែលក្រុមហ៊ុននេះនឹងជួយក្រុមហ៊ុនជាច្រើនទៀតដើម្បីសម្រេចនូវសមិទ្ធិផលនេះ៕
