ថ្មីៗនេះ ក្រុមហ៊ុន Samsung ទើបតែប្រកាសចេញនូវ version ថ្មីមួយនៃកាសស្តាប់ឥតខ្សែរបស់ខ្លួន Galaxy Buds Pro។ សម្រាប់កាសស្តាប់ជំនាន់ថ្មីនេះ ត្រូវបានក្រុមហ៊ុនកូរ៉េខាងត្បូងនេះដាក់ឈ្មោះហៅថា LANEIGE Neo Cushion Edition ហើយវានិងបង្ហាញខ្លួនមួយខែក្រោយបន្ទាប់ពីក្រុមហ៊ុននេះបង្ហាញនូវកាសស្តាប់ Galaxy Buds Pro Adidas Originals Special Pack។
ជាមួយគ្នានេហ ក្រុមហ៊ុននេះ ក៏បានធ្វើការសហការជាមួយនឹងក្រុមហ៊ុនម៉ាកសញ្ញាគ្រឿងសំអាងរបស់ប្រទេសកូរ៉េខាងត្បូង នៅក្នុងការប្រកាសបង្ហាញនូវ version ថ្មីរបស់កាសស្តាប់ Galaxy Buds Pro ផងដែរ។ សម្រាប់ version ថ្មីនេះ គឺមានពណ៌ Phantom Violet និងមានឈ្មោះហៅថា LANEIGE Neo Cushion ។ ក្រុមហ៊ុននេះមានគោលដៅទៅលើស្ត្រីជំនាន់ MZ នៅក្នុងប្រទេសកូរ៉េខាងត្បូងជាមួយនឹងវត្តមានរបស់កាសស្តាប់ Galaxy Buds Pro នេះ។ កាសស្តាប់ថ្មីនេះ គឺអាចរកទិញបាននៅថ្ងៃទី 12 ខែឧសភានេះនៅក្នុងចំនួនមានកំណត់។
កាសស្តាប់ស៊េរីថ្មី Galaxy Buds Pro LANEIGE Neo Cushion Edition នេះ គឺមានតម្លៃ 199,000 KRW ឬ 177 ដុល្លារអាមេរិក ហើយអតិថិជនអាចធ្វើការ Pre-order បាននៅលើវេបសាយជាច្រើនចាប់ពីថ្ងៃទី 11 ខែឧសភា ឆ្នាំ 2021 នេះ។ សម្រាប់កាសស្តាប់ថ្មីនេះ អាចរកទិញបាននៅលើវេបសាយផ្លូវការរបស់ក្រុមហ៊ុន Samsung, Powder Room និងហាងអនឡាញ Amorepacific ផងដែរ។ កាសស្តាប់នេះ មានការគឺទ្រទ្រង់នូវ Bluetooth 5.0, intelligent AND, a 360 degree sound, fast charging និង wireless charging ថែមទៀតផង។
ក្រុមហ៊ុន Samsung Electronics បានបន្ថែមថា យើងមានគម្រោងក្នុងការសហការជាមួយនឹងម៉ាកយីហោថែរក្សាសម្រស់ជាច្រើនសម្រាប់ជំនាន់ MZ ដែលអាចបង្ហាញនូវភាពស៊ីវិល័យរបស់គេជាមួយនឹងពណ៌ ‘Phantom Violet’ នោះ។ យើងនឹងបន្តក្នុងការបង្ហាញនូវផលិតផលជាច្រើន ដើម្បីបំពេញនូវរសជាតិថ្មីសម្រាប់អតិថិជនជាច្រើនជាមួយនឹងការឌីស្សាញ និងពណ៌ថ្មីរបស់ផលិតផល Galaxy នេះ៕