ការបែកធ្លាយថ្មីបង្ហាញថា Samsung Galaxy Z Fold3 នឹងមានកាមេរ៉ាក្រោមអេក្រង់ និងកាមេរ៉ាក្រោយថ្មី រួមនិងប៊ិច S Pen ទៀតផង

ការបង្ហាញវត្តមានរបស់ Samsung Galaxy Z Fold 2 ដែលជាស្មាតហ្វូនអេក្រង់បត់បានជំនាន់ទីពីរនោះ បានបញ្ជាក់ថា អេក្រង់របស់វា គឺមានការ Upgrade ច្រើនមែនទែនបើធៀបទៅនឹងស្មាតហ្វូន Galaxy Fold ជំនាន់ទីមួយ ដោយអេក្រង់ គឺមានលក្ខណៈសម្បត្តិកាន់តែល្អជាងមុន ហើយអេក្រង់ដែលមាន Notch គឺតិចជាងមុន និងអេក្រង់ខាងក្រៅកាន់តែធំជាងមុនថែមទៀត។ នៅក្នុងការបែកធ្លាយថ្មីៗនេះ គឺមានការទម្លាយថា ស្មាតហ្វូន Galaxy Z Fold3 នឹងមានការ upgrade ច្រើនជាងស្មាតហ្វូន Galaxy Z Fold2 នេះ។

ស្មាតហ្វូន Galaxy Z Fold 3 នេះ មានការឌីស្សាញកាមេរ៉ាខាងក្រោយថ្មី ដែលមានមានលក្ខណៈប្លែកពីស្មាតហ្វូន Galaxy S21 Series។ រូបភាពបែកធ្លាយជាច្រើននេះ បានបង្ហាញថា ស្មាតហ្វូននេះមានកាមេរ៉ាបញ្ឈរ 3 គ្រាប់ និងភ្លើង LED Flash ផងដែរ។

របាយការណ៍ជាច្រើន បានអះអាងថា ស្មាតហ្វូន Galaxy Z Fold3 នេះ គឺមានការទ្រទ្រង់នូវ S pen ផងដែរ។ ការបែកធ្លាយនេះ បានបញ្ជាក់ថា អ្នកប្រើប្រាស់ស្មាតហ្វូន Z Fold3 នេះ អាចសរសេរ Notes ដោយប្រើប្រាស់នូវ S Pen នេះនៅក្នុងពេលខលវីដេអូផងដែរ។ 

ថ្មីៗនេះ មានរបាយការណ៍ជាច្រើន បានអះអាងថា ស្មាតហ្វូនដែលអាចបត់បាននេះ គឺមានរន្ធសម្រាប់ដាក់ប៊ិច S Pen នោះទេ វានៅមិនទាន់ដឹងថា តើប៊ិចនេះ ភ្ជាប់មកជាមួយស្រាប់ ឬដាក់លក់ដាច់ដោយឡែកនោះ។ សម្រាប់ S Pen នេះ គឺធានាថា មិនមានការប៉ះពាល់ដល់អេក្រង់ ដែលអាចបត់បាននៅពេលដែលប្រើប្រាស់នោះទេ។ Galaxy Z Fold3 ត្រូវគេរំពឹងថានឹងមានកាមេរ៉ាខាងក្រោមអេក្រង់ដំបូងបំផុតរបស់ពិភពលោកផងដែរ។ ស្មាតហ្វូន Galaxy Fold3 នេះនឹងមាន screen-to-body ratio ខ្ពស់ជាងម៉ូឌែលមុននេះ។ ស្មាតហ្វូននេះ នឹងមានកញ្ចក់ការពារ Gorilla Glass Victus ផងដែរ៕