កាលពីសប្តាហ៍មុននេះ ក្រុមហ៊ុន Redmi នៅក្នុងប្រទេសឥណ្ឌា បានប្រកាសបង្ហាញនូវស្មាតហ្វូន Redmi Note 9 Pro និង  Redmi Note 9 Pro Max។ ស្មាតហ្វូនទាំងពីរនេះ គឺជាម៉ូឌែលចុងក្រោយបំផុតនៅក្នុងត្រកូលនៃស្មាតហ្វូន Redmi Note Series ហើយវាពិតជាមានលក្ខណៈសម្បត្តិជាច្រើនដែលគួរអោយចាប់អារម្មណ៍ខ្លាំងមែនទែន។ អ្នកគាំទ្រជាច្រើនរបស់ស្មាតហ្វូននេះ មានការភ្ញាក់ផ្អើលជាមួយនឹងវត្តមានរបស់ម៉ូឌែលថ្មី “Max” នេះខ្លាំងមែនទែន។

នៅពេលនេះ ក្រុមហ៊ុន Xiaomi នៅក្នុងប្រទេសម៉ាឡេស៊ី ក៏បានប្រកាសដែរថា ខ្លួនក៏មានគម្រោងក្នុងការប្រកាសបង្ហាញនូវស្មាតហ្វូន Redmi Note នៅសប្តាហ៍ក្រោយនេះដែរ ហើយស្មាតហ្វូននេះ នឹងបង្ហាញខ្លួនជាស្មាតហ្វូន Redmi Note 9S ផងដែរ។ ស្មាតហ្វូន  Redmi Note 9S គ្រោងនឹងបង្ហាញខ្លួននៅថ្ងៃទី 23 ខែមីនានេះ ហើយបើតាមរយៈរូបភាពផ្សព្វផ្សាយថ្មីនេះបានបញ្ជាក់ថា ស្មាតហ្វូននេះ នឹងមានកាមេរ៉ា 4 គ្រាប់នៅខាងក្រោយ។ រូបភាពមួយផ្សេងទៀតក៏មានការបង្ហោះនៅលើ Facebook page ដែលមានការបញ្ជាក់ថា ស្មាតហ្វូននេះ នឹងមានអេក្រង់ punch hole នៅកណ្តាលរបស់អេក្រង់នេះតែម្តង។  នេះមិនមែនជាស្មាតហ្វូន Redmi Note ដំបូងបំផុតនោះ ទេដែលមានភ្ជាប់ជាមួយនឹង “S” នៅផ្នែកខាងក្រោយនៃឈ្មោះរបស់វានោះ។

សូមជំរាបថា កាលពីឆ្នាំមុននេះ ក្រុមហ៊ុន Xiaomi ក៏ប្រកាសបង្ហាញស្មាតហ្វូន Redmi Note 7S នៅក្នុងប្រទេសឥណ្ឌាផងដេរដែលនេះគឺជា version មួយរបស់ស្មាតហ្វូន Redmi Note 7 ដែលមានកាមេរ៉ាគោលខាងក្រោយទំហំ 48MP។ ស្មាតហ្វូននេះ ត្រូវបានប្រកាសចេញខ្លួនកាលពីប៉ុន្មានខែមុននេះបន្ទាប់ពីស្មាតហ្វូន Redmi Note 7 បង្ហាញខ្លួនជាមួយនឹងកាមេរ៉ាគោលទំហំ  12MP៕