នៅក្នុងរយៈពេល 2 ឆ្នាំមុននេះ Huawei ដែលជាក្រុមហ៊ុនផលិតស្មាតហ្វូនរបស់ចិន បានរងនូវបំរាមនៃការហាមប្រាមជាច្រើនចេញពីសហរដ្ឋអាមេរិក។ មកដល់ពេលនេះ រដ្ឋាភិបាលរបស់សហរដ្ឋអាមេរិក នៅតែបន្តក្នុងការរឹតបន្តឹងទៅលើការហាមប្រាមក្រុមហ៊ុន Huawei រឹតតែខ្លាំង។ ប៉ុន្តែការហាមប្រាមរបស់ក្រុមហ៊ុន Huawei នេះ មិនត្រឹមតែមានការជះឥទ្ធិពលដល់ក្រុមហ៊ុន Huawei តែមួយនោះទេ គឺថែមទាំងមានការជះឥទ្ធិពលដល់អាជីវកម្មស្មាតហ្វូនរបស់ក្រុមហ៊ុននេះថែមទៀតផង។ តែទោះជា បី ជាស្ថានភាពអាជីវកម្មស្មាតហ្វូនរបស់ក្រុមហ៊ុននេះ មានស្ថានភាពយឺតបន្តិចមែន ប៉ុន្តែអាជីវកម្មថេប្លេត គឺមានការកើនឡើងមិនធម្មតានោះទេ ដោយសារតែក្រុមហ៊ុន Huawei គឺមានអាជីវកម្មជាច្រើន។
នៅក្នុងរបាយការណ៍ថ្មីៗដែលចេញពី IDC បានបង្ហាញថា អាជីវកម្មថេប្លេតរបស់ក្រុមហ៊ុន Huawei នេះ គឺមានការកើនឡើងខ្លាំងមែនទែន។ ការនាំចេញទៅលើថេប្លេតរបស់ក្រុមហ៊ុននេះនៅក្នុងត្រីមាសទី 1 ឆ្នាំ 2021 នេះគឺខ្ពស់មែនទែន។ ការនាំចេញសរុបគឺមានចំនួន 39.9 លានគ្រឿង ដែលមានការកើនឡើងចំនួន 55.2% ដែលនេះ គឺជាលើកដំបូងបំផុតដែលទីផ្សារថេប្លេតនេះគឺមានការកើនឡើងខ្លាំងនោះ។
យ៉ាងណាមិញ iPad របស់ក្រុមហ៊ុន Apple នេះគឺគ្រប់គ្រងទីផ្សារថេប្លេតផងដែរ។ ក្រុមហ៊ុន Apple នាំចេញនូវថេប្លេតចំនួន 12.7 លានគ្រឿងនៅក្នុងត្រីមាសនេះ ដែលមានការកើនឡើងចំនួន 64.3% បើធៀបទៅនឹងឆ្នាំមុននេះ។ សម្រាប់ក្រុមហ៊ុន Apple គឺមានចំនែកទីផ្សារចំនួន 31.7% ដែលមានការកើនឡើងពីឆ្នាំមុននេះចំនួន 30% ពីឆ្នាំមុននេះ។ក្រុមហ៊ុន Apple តែងតែគ្រប់គ្រងទៅលើទីផ្សារថេប្លេតជានិច្ច។
ក្រុមហ៊ុនដែលតាមពីក្រោយក្រុមហ៊ុន Apple នោះ គឺមានក្រុមហ៊ុន Samsung, Lenovo, Amazon និង Huawei។ ការនាំចេញថេប្លេតរបស់ក្រុមហ៊ុន Samsung គឺមានការកើនឡើងចំនួន 60.8% នៅត្រីមាសនេះ។ ក្រុមហ៊ុន Lenovo, Amazon និង Huawei គឺសុទ្ធតែមានការកើនឡើងទៅលើទីផ្សាររបស់ខ្លួនផងដែរ។ កំណើនរបស់ក្រុមហ៊ុន Huawei គឺមានប្រហែលជា 1.7% ៕