Asus ZenFone 8 Series ត្រូវបានគេបញ្ជាក់ថា នឹងមានការប្រើប្រាស់នូវបច្ចេកវិទ្យា IP68 អាវក្រោះការពារទឹក និងធូលីរួមជាមួយនិងមុខងារថ្មីៗជាច្រើន

បច្ចុប្បន្ននេះ មានស្មាតហ្វូន Android ជាច្រើន គឺត្រូវបានក្រុមហ៊ុននានាបំពាក់នូវបច្ចេកវិទ្យា IP68 ដែលជាអាវក្រោះការពារទឹក និងធូលីស្ទើរតែគ្រប់ក្រុមហ៊ុនហើយ។ នៅថ្ងៃនេះ យោងតាមការទម្លាយចេញពីក្រុមហ៊ុន Asus ថ្មីៗនេះ បាននិយាយថាស្មាតហ្វូនស៊េរីថ្មី Asus ZenFone 8 ក៏នឹងមានការទ្រទ្រង់នូវ IP68 សម្រាប់ការពារការជ្រាបទឹក និងធូលីផងដែរ។ ស្មាតហ្វូន  Asus ZenFone 8 នេះ គឺនឹងបង្ហាញខ្លួននៅថ្ងៃទី 13 ខែឧសភានេះហើយ។ 

ស្មាតហ្វូន Asus ZenFone 8 Series ត្រូវបានគេបញ្ជាក់ថា គឺនឹងមាន 3 ម៉ូដែលរ រួមមានដូចជា ស្មាតហ្វូន ZenFone 8 Mini, ZenFone 8 Pro និង ZenFone 8 ហើយស្មាតហ្វូនទាំងនេះ ក៏នឹងប្រើប្រាស់នូវបន្ទះឈីប Qualcomm Snapdragon 888។ ក្នុងនោះក៏នឹងមានស្មាតហ្វូនទី 4 ផងដែរនោះ គឺ ZenFone 8 Flip ដែលថ្មីៗនេះទម្លាយនៅលើអនឡាញផងដែរ។ នៅក្នុងរបាយការណ៍ថ្មីៗនេះ ស្មាតហ្វូន  Asus ZenFone 8 Series នេះ នឹងមានរន្ធដោតកាសស្តាប់ 3.5mm Headphone Jack។ 

ក្រុមហ៊ុន Asus បានអះអាងថា កន្លងមក ដោយសារតែកង្វះខាតទៅលើទំហំនៃ PCB សម្រាប់ស្មាតហ្វូន ZenFone 7 Series ដូចនេះ ស្មាតហ្វូននេះ គឺមិនមានរន្ធដោតកាសស្តាប់នោះទេ។ បន្ទះឈីប Snapdragon 865 នៅលើស្មាតហ្វូន ZenFone 7 Series នេះ ក៏មិនមាន Snapdragon X55 នោះដែរ ដែលនេះ គឺជាហេតុផលដែលទំហំគ្រប់គ្រាន់ក្នុងការដាក់នូវរន្ធដោតកាសស្តាប់នេះ។ ប៉ុន្តែបន្ទះឈីប Snapdragon 888 គឺមិនមានបញ្ហានោះទេដោយសារតែបន្ទះឈីបនេះ គឺមានភ្ជាប់ជាមួយនឹងម៉ូដឹមនេះ។ ក្រុមហ៊ុននេះក៏រក្សាទុកនូវរន្ធកាត microSD card slot នៅលើស្មាតហ្វូននេះផងដែរ។

សម្រាប់ស្មាតហ្វូន  Asus ZenFone 8 Mini នេះគឺមានអេក្រង់ទំហំ 5.92-inch OLED ។ អេក្រង់របស់ស្មាតហ្វូននេះ គឺមានកម្រិត 120Hz Refresh Rate និង  Full HD+ (2400×1080) ថែមទៀត។ បន្ថែមពីនេះទៀតនោះ ស្មាតហ្វូននេះគឺមានកាមេរ៉ា 64MP Sony IMX686 និង Sony IMX663 sensor ផងដែរ។ ស្មាតហ្វូននេះគឺមាន  30W charging ផងដែរ។

ចំពោះស្មាតហ្វូន Asus ZenFone 8 Pro វិញ គឺនឹងមានអេក្រង់ទំហំ 6.67-inch រីឯស្មាតហ្វូនផ្សេងទៀតនឹងមានអេក្រង់ធំជាង ហើយវាក៏នឹងមានបន្ទះឈីបដូចគ្នាផងដែរ។ គ្មានស្មាតហ្វូនណាមួយនៅក្នុងចំណោមម៉ូឌែលទាំងនេះ ដែលមានកាមេរ៉ាបង្វិលបាននោះ។ របាយការណ៍ជាច្រើនថ្មីនេះ បាននិយាយថា វានឹងមានស្មាតហ្វូន  ZenFone 8 Flip ដែលនឹងមានបង្ហាញខ្លួនផងដែរ៕