នៅថ្ងៃនេះ vivo ដែលជាក្រុមហ៊ុនបច្ចេកវិទ្យាយក្សមួយរបស់ប្រទេសចិន បានប្រកាសចេញនូវគម្រោងនៅក្នុងការពង្រីកទៅលើកម្មវិធី Software ថ្មីៗរបស់ខ្លួនដើម្បីទ្រទ្រង់ស្មាតហ្វូន Flagship អោយកាន់តែមានភាពខ្លាំង និងមានភាពទំនើបកម្មថ្មីជានិច្ចពីមួយឆ្នាំទៅមួយឆ្នាំ។ ឧទាហរណ៍ដូចជា X-Series ស្មាតហ្វូនមានសមត្ថភាពដ៏ខ្លាំងក្លា ដែលក្រុមហ៊ុននេះបានប្រកាសចេញនៅក្នុងនៅឆ្នាំនេះអញ្ចឹង។
តាមដំណឹងថ្មីនេះ គឺបានបញ្ជាក់ថា ក្រុមហ៊ុន vivo មានបំណងនៅក្នុងការអាប់ដេត OS ទៅលើប្រព័ន្ធប្រតិបត្តិការ Android នៅក្នុងរយៈពេល 3 ឆ្នាំសម្រាប់ស្មាតហ្វូន X-Series។ គោលការណ៍ថ្មីនេះ ត្រូវបានក្រុមហ៊ុនបញ្ជាក់ថា នឹងចាប់ផ្តើមអាប់ដេតចាប់ពីខែកក្កដា ឆ្នាំ 2021 ខាងមុខនេះហើយ។ ក្រុមហ៊ុន vivo បាននិយាយបន្តថា ស្មាតហ្វូន X-Series នឹងទទួលបាននូវសមាសភាគកម្រិតខ្ពស់ដែលអាចប្រើប្រាស់បានជាច្រើនឆ្នាំ។ ស្មាតហ្វូននេះ នឹងទទួលបាននូវការអាប់ដេតរយៈពេលយ៉ាងតិច 3 ឆ្នាំដើម្បីសុវត្ថិភាពទិន្នន័យរបស់អ្នកប្រើប្រាស់ និងការបន្ថែមនូវមុខងារថ្មីៗផងដែរ។
បន្ថែមពីនេះទៀតនោះ គោលការណ៍ថ្មីនេះ ក៏នឹងដាក់អោយដំណើរការនៅលើស្មាតហ្វូនជាច្រើនសម្រាប់ទីផ្សារនៅអ៊ឺរ៉ុប អូស្រា្តលី និងទីផ្សារប្រទេសឥណ្ឌា។ ស្មាតហ្វូនជាច្រើនទៀត នឹងទទួលបាននូវការអាប់ដេតផងដែរ។ តាមការបញ្ជាក់នៅក្នុងការព្យាករណ៍របស់ IDC បាននិយាយថា ស្មាតហ្វូនចំនួន 345.5 លានគ្រឿង របស់ក្រុមហ៊ុននេះ បាននាំចេញនៅលើពិភពលោកនៅក្នុងត្រីមាសទី 1 ឆ្នាំនេះ ដែលមានការកើនឡើង 25.5% ពីឆ្នាំមុននេ។ ក្រុមហ៊ុន vivo គឺជាប់ចំណាត់ថ្នាក់លេខ 5 ជាក្រុមហ៊ុន ដែលនាំមុខគេនៅលើពិភពលោកជាមួយនឹងចំណែកទីផ្សារចំនួន 10.1% ៕
