គិតមកដល់ពេលនេះ ក្រុមហ៊ុន Xiaomi បានឈរនៅចំណាត់ថ្នាក់លេខ 3 ជាស្មាតហ្វូនដែលធំបំផុតរបស់ពិភពលោក ហើយក្រុមហ៊ុននេះ ក៏ក្លាយជាក្រុមហ៊ុននាំមុខគេនៅក្នុងទីផ្សារមួយចំនួនផងដែរ។ ក្រុមហ៊ុន Xiaomi ត្រូវបានគេមើលឃើញថា គឺបានទាញយកនូវអត្ថប្រយោជន៍ជាច្រើនពីក្រុមហ៊ុន Huawei នៅក្នុងទីផ្សារស្មាតហ្វូន បើធៀបជាមួយនឹងក្រុមហ៊ុនស្មាតហ្វូនចិនជាច្រើនផ្សេងទៀត។
នៅពេលនេះ ក្រុមហ៊ុន Xiaomi ក៏មានគម្រោងក្នុងការរីកចម្រើនបន្តទៅមុខបន្តទៀតអោយកាន់តែខ្លាំងផងដែរ ប៉ុន្តែអ្វីៗគឺមិន អាចដំណើរការបានតលូនទេ ដោយាសារតែមានឧបសគ្គជាច្រើននៅតាមអមជាមួយនឹងជោគជ័យនេះជានិច្ច។ ថ្មីៗនេះ មានការលើកឡើងថា ក្រុមហ៊ុននេះ នឹងជួបប្រទៈនូវកត្តាមួយចំនួនដែលនឹងអាចបញ្ឈប់នូវការរីកចម្រើនលឿន។ រឿងដែលធំជាងគេនោះ គឺដោយសារតែមេរោគរាតត្បាតកូរ៉ូណាវីរុសនៅក្នុងប្រទេសឥណ្ឌា ស្របពេលដែលប្រទេសនេះ គឺនាំមុខនៅលើពិភពលោកដែលមានមនុស្សឆ្លងមេរោគកូរ៉ូណាជាច្រើននៅក្នុងមួយថ្ងៃ។
សព្វថ្ងៃនេះ ការលក់ស្មាតហ្វូនជាច្រើននៅក្នុងប្រទេសឥណ្ឌា ក៏មានការធ្លាក់ចុះខ្លាំងផងដែរ។ ការធ្លាក់ចុះទៅលើតម្រូវការនេះនឹងធ្វើអោយក្រុមហ៊ុន Xiaomi ដែលកំពុងតែនាំមុខគេនៅលើទីផ្សារនេះ ក៏នឹងមានការធ្លាក់ចុះដូចគ្នា ដែលនេះ គឺជាកត្តាមួយនាំអោយដំណើរការរីកចម្រើនឆ្ពោះទៅមុខក្រុមហ៊ុននេះ មានការយឺតយ៉ាវវិញផងដែរ។ ក្រុមអ្នកវិភាគជាច្រើនព្យាករណ៍ថា ក្រុមហ៊ុន Xiaomi នឹងលក់ស្មាតហ្វូន 190 លានគ្រឿងនៅឆ្នាំនេះ ជាជាងផែនការរបស់ខ្លួនចំនួន 240 លានគ្រឿង។
ក្រុមហ៊ុនម៉ាកយីហោជាច្រើនដូចជា OPPO, vivo, realme និង OnePlus ក៏បានរំពឹងថា ការលក់របស់ខ្លួននឹងមានការធ្លាក់ចុះប្រហែលជា 20% នេះ គឺដោយសារតែមេរោគរាតត្បាតកូរ៉ូណាវីរុសនៅក្នុងប្រទេសឥណ្ឌា។ មួយវិញទៀត តម្លៃរបស់ស្មាតហ្វូនជាច្រើនក៏មានតម្លៃថ្លៃជាងមុន ហើយនេះក្លាយជាកត្តាដែលធ្វើអោយក្រុមហ៊ុន Xiaomi មិនអាចរីកលូតលាស់លឿនបានទៅមុខ។ នេះមានន័យថា ការលក់ដាច់របស់ក្រុមហ៊ុននេះគឺដោយសារតែស្មាតហ្វូនដែលមានតម្លៃទាប៕
