កាលពីដើមសប្តាហ៍នេះ DxOMark បានចេញផ្សាយនូវពិន្ទុនៃការតេស្តទៅលើសំឡេងរបស់វាសម្រាប់ស្មាតហ្វូន Huawei Mate 30 Pro 5G នេះ។ DxOMark គឺល្បីឈ្មោះទៅលើការតេស្តទៅលើកាមេរ៉ា និងសំឡេងសម្រាប់ស្មាតហ្វូនជាច្រើន ហើយពេលនេះ DxOMark ក៏ផ្តល់នូវពិន្ទុនៃការធ្វើតេស្តទៅលើសំឡេងរបស់ស្មាតហ្វូននេះសរុបមានចំនួន 61 ពិន្ទុ។ នេះមិនទាន់ល្អបំផុតនោះទេ ប៉ុន្តែសម្រាប់ពិន្ទុនៃការតេស្តទៅលើសំឡេងរបស់វានោះគឺស្ថិតនៅក្នុងចំណាត់ថ្នាក់កំពូលនៃបញ្ជីរបស់ស្មាតហ្វូនជាច្រើនទៀតដែលត្រូវបានធ្វើតេស្តរួចនោះ។

តាមការបញ្ជាក់របស់ក្រុមហ៊ុននេះ ស្មាតហ្វូន Huawei Mate 30 Pro 5G គឺមានចំណាត់ថ្នាក់ល្អនៅក្នុងការតេស្តទៅលើសំឡេងនៃការថតរបស់វា។  នៅក្នុងការថតសំឡេង កម្រិតនៃសំឡេងរបស់វាគឺទទួលបាននូវពិន្ទុល្អផងដែរ។ សម្រាប់សំឡេង Noise ខាងក្រោយរបស់ស្មាតហ្វូននេះក៏មានបញ្ហាផងដែរនៅក្នុងអំឡុងពេលនៃការថតសំឡេងផងដែរ។

សម្រាប់ពិន្ទុនៃការថតសំឡេងនេះគឺខ្ពស់បំផុតហើយនៅលើ DxOMark ។ នេះធ្វើអោយស្មាតហ្វូន Huawei Mate 30 Pro 5G ល្អបំផុតនៅក្នុងការតេស្តទៅលើការថតសំឡេងរបស់វានោះ។ ស្មាតហ្វូន Mate 30 Pro 5G ដែលទទួលបាននូវពិន្ទុខ្ពស់បែបនេះដែលពិតជាគួរអោយសរសើរមែនទែន៕