បែកធ្លាយនូវរូបភាពរបស់ Honor 50 បានបង្ហាញថា ស្មាតហ្វូនជំនាន់ថ្មីនេះ មានកាមេរ៉ាក្រោយចំនួន 3 គ្រាប់

រហូតមកដល់ពេលនេះ ស្មាតហ្វូនស៊េរីថ្មី HONOR 50 Series គឺកំពុងតែស្ថិតនៅក្នុងព័ត៌មានជាច្រើននៅលើបណ្តាញអ៊ីនធឺរណិត។ បើមើលទៅលើរូបភាពនៃការបែកធ្លាយរបស់ស្មាតហ្វូននេះ ត្រូវបានគេមើលឃើញថា គឺមានការឌីស្សាញរូបរាងថ្មីយ៉ាងទាក់ទាញយ៉ាងខ្លាំង។ ស្មាតហ្វូននេះ គឺត្រូវបានគេទម្លាយចេញកាលពីខែមេសាកន្លងទៅនេះ។ នៅពេលនេះ គឺមានរូបភាពថ្មីមួយទៀតហើយដែលបង្ហាញពីស្មាតហ្វូន HONOR 50 Series ដោយម្តងនេះ គឺមានការបង្ហាញយ៉ាងលម្អិតតែម្តង។

បើតាមការបញ្ជាក់នៅក្នុងរបាយការណ៍កាលពីខែមេសាកន្លងទៅ  គឺបានទម្លាយថា ការឌីស្សាញទៅលើស្មាតហ្វូន HONOR 50 Series គឺមានរូបភាពស្រដៀងគ្នាទៅនឹងស្មាតហ្វូន HONOR V40 Series និងស្មាតហ្វូន HUAWEI nova 8 series អញ្ចឹងដែរ។ ប៉ុន្តែនៅពេលនេះ រូបភាពថ្មី ដែលមានការចែករំលែកដោយ ZEALER នៅលើ Weibo គឺបានបង្ហាញអំពីការឌីស្សាញថ្មីរបស់ស្មាតហ្វូន HONOR 50 series នេះ។ ស្មាតហ្វូនថ្មីនេះ នឹងមាន 3 ម៉ូឌែលនោះគឺ HONOR 50, HONOR 50 Pro និង HONOR 50 Pro+ ផងដែរ។ នៅក្នុងរូបភាពនេះ បានបង្ហាញយ៉ាច្បាស់ថា ស្មាតហ្វូននេះ គឺមានកាមេរ៉ា 3 គ្រាប់។ ស្មាតហ្វូននេះ នឹងមានពណ៌ហៅថា ‘Jifeng Blue’។ 

សូមជំរាបផងដែរថា នៅក្នុងរបាយការណ៍មុនៗនេះ គឺបានិយាយថា ស្មាតហ្វូន HONOR 50 នេះគឺមានបន្ទះឈីប MediaTek Dimensity 1200 SoC ។ ស្មាតហ្វូន HONOR 50 Pro នេះ មានបន្ទះឈីប Qualcomm Snapdragon 888។ ស្របពេលដែលស្មាតហ្វូន HONOR 50 Pro+ គឺឺនេះមានកាមេរ៉ាខាងក្រោយ 4 គ្រាប់នៅខាងក្រោយ។ ទាំងនេះគឺគ្រាន់តែជាព័ត៌មានបឋមតែប៉ុណ្ណោះ សម្រាប់ព័ត៌មានផ្លូវការណ៍នោះ គឺរង់ចាំដល់នៃថ្ងៃសម្ពោធក្រុមការងារយើងខ្ញុំនឹងបន្តរាយការណ៍ជូនជាបន្តទៀត៕