ក្រុមហ៊ុន vivo បានប្រកាសចេញទូរស័ព្ទស៊េរីថ្មីគ្រួសារ V21 Series កាលពីចុងខែមេសា ឆ្នាំ 2021 ដែលមានដូចជាម៉ូដែល vivo V21, V21 5G និង V21e។ យ៉ាងណាមិញ vivo ក៏នៅមានមួយម៉ូដែលទៀត ដែលមិនទាន់ត្រូវបានប្រកាសចេញនោះគឺ vivo V21 SE។ ដែលម៉ូដែលចុងក្រោយនេះអាចនឹងត្រូវប្រកាសចេញក្នុងពេលឆាប់ៗនេះ។ ហើយក្នុងពេលនេះយើងក៏ទទួលបានព័ត៌មានខ្លះៗរបស់ vivo V21 SE តាមរយះកម្មវិធីតេស្ត Geekbench ផងដែរ។
យោងទៅលើទិន្នន័យ Database របស់កម្មវិធី Geekbench បានបង្ហាញថា V21 SE គឺប្រើលេខសំគាល់ម៉ូដែល V2061 ហើយទូរស័ព្ទសមាជិកចុងក្រោយក្នុងគ្រួសារ V21 នេះគឺប្រតិបត្តិការជាមួយ Android 11 និងស្រោបផ្ទៃកម្មវិធីប្រើប្រាស់ដោយ FuntouchOS។ ទិន្នន័យដដែលនេះបានបង្ហាញទៀត vivo V21 SE គឺប្រាស់បន្ទះឈីប Qualcomm Snapdragon 720G ភ្ជាប់ជាមួយរ៉េមទំហំ 8GB ប៉ុន្តែ បើតាមប្រភពមួយចំនួនបាននិយាយថាទូរស័ព្ទស៊េរីថ្មីនេះនឹងមានម៉ូដែលរ៉េមទំហំ 6GB ផងដែរ។ នៅលើតារាងពិន្ទុម៉ាស៊ីនរបស់ vivo V21 SE ទទួលបាន 553 នៅលើអង្គគណនា Single-core និង 1697 នៅលើអង្គគណនា Multi-core។
ដោយឡែកនាពេលកន្លងមកបណ្តាញ Google Play Console ក៏បានបង្ហាញពីគុណសម្បត្តិរបស់ vivo V21 SE ដូចគ្នានេះផងដែរ និងបានបញ្ជាក់បន្ថែមថា ទូរស័ព្ទនេះគឺមានបន្ទះអេក្រង់ជាប្រភេទ Notch-Screen ឬហៅថាអេក្រង់ឆកដំណក់ទឹកដូចបងៗដែលចេញមុនដែរ និងកម្រិតបង្ហាញ 1080px ជាមួយកម្រិតដង់ស៊ីតេភាពច្បាស់ 440ppi។ ជាចុងក្រោយទូរស័ព្ទស៊េរីថ្មីមួយនេះអាចនឹងត្រូវប្រកាសចេញផ្លូវការណ៍នៅសប្តាហ៍ក្រោយនេះ ដូច្នេះយើងនឹងស្វែងយល់បន្ថែមអោយបានលម្អិតពីគុណសម្បត្តិរបស់ vivo V21 SE៕