យោងតាមព័ត៌មានថ្មីនៅថ្ងៃនេះ បាននិយាយថា LG Display ctronics ដែលជាក្រុមហ៊ុនអេឡិចត្រូនិកដ៏ធំមួយរបស់ប្រទេសកូរ៉េខាងត្បូង បានប្រកាសអំពីផែនការជាច្រើនក្នុងការពង្រីកទៅលើផលិតកម្មរបស់ខ្លួនទៅលើរោងចក្រផលិត OLED TV នៅក្នុងទីក្រុង Guangzhou ប្រទេសចិន ដើម្បីបំពេញនូវតម្រូវការកើនឡើងខ្លាំងទៅលើផលិតផលអេក្រង់ OLED TV របស់ខ្លួននោះ។
នៅក្នុងរបាយការណ៍ចេញពី TheElec បានបញ្ជាក់ថា រោងចក្រនេះ នឹងធ្វើការផលិតនូវអេក្រង់ពីចំនួន 60,000 បន្ទះក្នុងមួយខែទៅ 90,000 បន្ទះនៅក្នុងមួយខែ នៅមុនខែកក្កដាឆ្នាំ 2021 ខាងមុខនេះ។ ប្រភពដដែលបានបន្ថែមថា នៅក្នុងការពង្រីកនេះ គឺមានការបង្កើនដល់ទៅ 50% ដែលមានការបង្កើនដល់ទៅ 30,000 នៅក្នុងរោងចក្រនេះ។
ជាមួយនឹងការបន្ថែមនេះ ក្រុមហ៊ុន LG នឹងមិនចំណាយនូវធនធានជាច្រើននោះទេ នៅក្នុងការ upgrade ដោយក្រុមហ៊ុនគ្រាន់តែធ្វើការពង្រឹងបន្ថែមទៅលើការផលិតនេះ ដើម្បីអោយមានចំនួន 90,000 ក្នុងមួយខែប៉ុណ្ណោះ។ សម្រាប់រោងក្រដែលធ្វើការផលិតនៅក្នុងប្រទេសកូរ៉េខាងត្បូង គឺអាចផលិតបានចំនួន 170,000 ក្នុងមួយខែ។ ក្រុមហ៊ុន LG នឹងបន្តក្នុងការពង្រីកទៅលើអាជីវកម្មអេក្រង់ជាច្រើនទៀតនៅក្នុងអាជីវកម្មរបស់ខ្លួន។
ក្រុមហ៊ុន LG Display មានគម្រោងក្នុងការនាំចេញនូវអេក្រង់ OLED ចំនួន 8 លានបន្ទះផងដែរ ដែលនឹងធ្វើការនាំចេញនៅឆ្នាំនេះ ខណៈពេលដែលឆ្នាំ 2020 នេះ គឺមានចំនួន 4.5 លានបន្ទះ។ ក្រុមហ៊ុន LG Display បានបញ្ចូលគ្នានៃអាជីវកម្មរបស់ខ្លួននៅក្នុងប៉ុន្មានឆ្នាំនេះ។ តួរលេខនេះ ក៏អាចធ្វើអោយមានផ្នែកខ្លះនៃអាជីវកម្មរបស់ក្រុមហ៊ុននេះ ដំណើរការមិនបានល្អផងដែរ។ សូមជំរាបថា ក្រុមហ៊ុន LG Display គឺជាអាជីវកម្មមួយដែលស្ថិតនៅក្នុងស្នូលនៃអាជីវកម្មជាច្រើន ដែលត្រូវបានគេរំពឹងថា នឹងទទួលបាននូវប្រាក់ចំណេញនៅក្នុងពេលខាងមុខនេះ៕