Huawei បានបន្ថែមអ្នកអភិវឌ្ឍកម្មវិធីចំនួន 500,000 នាក់ទៀតហើយ ដើម្បីអភិវឌ្ឍប្រព័ន្ធ HarmonyOS របស់ខ្លួនអោយកាន់តែខ្លាំង និងសំបូរបែប

កាលពីដើមសប្តាហ៍នេះ ក្រុមហ៊ុនបច្ចេកវិទ្យា Huawei បានរៀបចំនូវព្រឹត្តិការណ៍មួយក្នុងការបង្ហាញនូវវត្តមានរបស់ប្រព័ន្ធប្រតិបត្តិការ HarmonyOS និងផលិតផលឆ្លាតវៃជាច្រើនទៀតផងដែរ។ នៅក្នុងព្រឹត្តិការណ៍នេះ ក្រុមហ៊ុននេះ បានប្រកាសចេញជាមួយនឹងប្រព័ន្ធប្រតិបត្តិការ HarmonyOS នេះ ជាមួយនឹងការប្រើប្រាស់នូវ Tag ថា “One as All, All as One” ផងដែរ។

នៅក្នុងព្រឹត្តិការណ៍នេះ ក្រុមហ៊ុនបច្ចេកវិទ្យាយក្សរបស់ចិននេះ បានបានបង្ហាញនូវប្រព័ន្ធប្រិតបត្តិការរបស់ខ្លួនជាមួយនឹងផលិតផលឆ្លាតវៃជាច្រើនទៀតដូចជាថេប្លេត MatePad Pro នាឡិកា Watch 3 series និងផលិតផលជាច្រើនទៀតផងដែរ។ បន្ថែមពីនេះទៀតនោះ ក្រុមហ៊ុននេះ បានអះអាងថា ខ្លួនមិនត្រឹមតែធ្វើការនៅលើផលិតផលឆ្លាតវៃទាំងអស់នេះទេ ប៉ុន្តែខ្លួនក៏ធ្វើការអភិវឌ្ឍទៅលើដំណោះស្រាយឆ្លាតវៃជាច្រើនទៀតសម្រាប់អ្នកប្រើប្រាស់ដើម្បីដោះស្រាយទៅលើគេហដ្ឋានឆ្លាតវៃ ការិយាល័យឆ្លាតវៃ ការធ្វើដំណើរឆ្លាតវៃ និងផលិតផលកម្សាន្តជាច្រើនទៀត។

លោក Wang Chenglu ប្រធានផ្នែក Consumer Business Group Software Department របស់ក្រុមហ៊ុននេះ បាននិយាយនៅក្នុងបទសម្ភាសន៍មួយថា ប្រព័ន្ធប្រតិបត្តិការ HarmonyOS របស់ក្រុមហ៊ុននេះ អនុញ្ញាតអោយអ្នកប្រើប្រាស់ទទួលបាននូវបទពិសោធន៍ដូចទៅនឹងការប្រើប្រាស់នូវ Android របស់ Google និង iOS របស់ Apple។ យ៉ាងណាមិញ ប្រព័ន្ធប្រតិបត្តិការ Huawei HarmonyOS  នឹងមានការបញ្ចូលគ្នានៃប្រព័ន្ធប្រតិបត្តិការទាំងនេះ។ ក្រុមហ៊ុននេះ ក៏មានគោលដៅក្នុងការអភិវឌ្ឍទៅលើរថយន្តឆ្លាតវៃរបស់ខ្លួនផងដែរ។

ក្រុមហ៊ុននេះបានធ្វើការវិនិយោគយ៉ាងខ្លាំងទៅលើរចនាសម្ព័ន្ធរបស់ប្រព័ន្ធប្រតិបត្តិការ HarmonyOS ដើម្បីបើកនូវមូលនិធិ  “Open Atom Open Source Foundation” ។ នៅក្នុងពេលនេះ វាមានអ្នកអភិវឌ្ឍកម្មវិធីច្រើនជាង  500,000 នាក់ដែលធ្វើការនៅលើប្រព័ន្ធប្រតិបត្តិការ HarmonyOS ៕