កាលពីពេលថ្មីៗនេះក្រុមហ៊ុន Midea ដែលជាក្រុមហ៊ុនផលិតឧបករណ៍ប្រើប្រាស់នៅក្នុងគេហដ្ឋានដ៏ធំបំផុតរបស់ប្រទេសចិន ទើបតែប្រកាសចេញនូវផលិតផលថ្មីរបស់ខ្លួននៅក្នុងទីផ្សារក្នុងស្រុករបស់ខ្លួន ដែលនេះ គឺជាទូរទឹកកកដំបូងបំផុតរបស់ពិភពលោក ដែលត្រូវបានក្រុមហ៊ុននេះសម្រេចដាក់អោយប្រើប្រាស់ជាមួយនូវប្រព័ន្ធប្រតិបត្តិការ HarmonyOS ដែលជាផលិតផលថ្មី ដែលមានការអភិឌ្ឍរបស់ក្រុមហ៊ុន Huawei។ ឧបករណ៍នេះ គឺជាផលិតផលឆ្លាតវៃរបស់ក្រុមហ៊ុននេះ ហើយវាក៏មានមុខងារពិសេសជាច្រើនសម្រាប់អ្នកប្រើប្រាស់ផងដែរ។
ក្រុមហ៊ុន Midea បានបញ្ជាក់ថា ទូរទឹកកកថ្មីនេះ គឺនឹងក្លាយជាផលិតផលឆ្លាតវៃបំផុតសម្រាប់ប្រើប្រាស់ក្នុងផ្ទះ ដោយសមិទ្ធិផលថ្មីនេះ គឺមានមុខងារពិសេសៗជាច្រើនសម្រាប់ផ្តល់អោយអ្នកប្រើប្រាស់។ ក្រុមហ៊ុនបានបន្តថា នៅលើទូរទឹកកកនេះ គឺមានមុខងារថ្មីៗដូចជា touch based interactions ដែលអាចជូនដំណឹងរបស់អ្នកប្រើប្រាស់អំពីគ្រឿងម្ហូបអាហារនៅក្នុងទូរថែមទៀតផង។ បន្ថែមពីនេះទៀតនោះ សម្រាប់ Touch នេះ គឺមានផ្តល់អោយអ្នកប្រើប្រាស់ជាច្រើននូវរូបមន្តក្នុងការធ្វើម្ហូបផងដែរ។ អ្នកអាចរៀបចំនូវម្ហូបអាហារអាស្រ័យទៅលើគ្រឿងផ្សំដែលមាននៅក្នុងទូរទឹកកកនេះផងដែរ។
ក្រុមហ៊ុនបច្ចេកវិទ្យាដ៏ធំរបស់ប្រទេសចិនមួយនេះ បានបន្ថែមថា ខ្លួននឹងផ្តល់នូវបទពិសោធន៍នៃការប្រើប្រាស់ដ៏អស្ចារ្យបន្ទាប់អ្នកប្រើប្រាស់ និងបង្កើននូវការលក់អោយកាន់តតែខ្លាំងថែមទៀត។ ក្រុមហ៊ុនបន្តថា សម្រាប់ឧបករណ៍ Midea នេះ អាចគ្រប់គ្រងទៅលើកម្រិតជាតិសើមបានយ៉ាងល្អនៅក្នុងទូរទឹកកកថែមទៀតផង។ ទូរទឹកកកថ្មីនេះ នឹងធ្វើអោយផ្លែឈើ និងបន្លឺនៅតែស្រស់ និងរក្សាទុកបានយូរ។ សម្រាប់ការចេញលក់នៅពេលនេះ គឺទូរទឹកកកនេះ មានតម្លៃ 7,999 Yuan (1,250 ដុល្លារអាមេរិក) ហើយក៏មានលក់នៅលើ Huawei Mall ផងដែរ៕