no-alternative title
no-alternative title
no-alternative title
no-alternative title
no-alternative title
no-alternative title

ថេប្លេត Honor V6 នឹងបង្ហាញខ្លួននៅថ្ងៃទី 13 មិថុនា ខាងមុខនេះ ជាមួយនឹងបន្ទះឈីប Kirin 985 ប្រភេទ 5G និងមានថ្មទំហំដល់ទៅ 7250mAh

នៅថ្ងៃនេះ ក្រុមហ៊ុន Honor បានរៀបចំនូវសន្និសីទ Smart Life របស់ខ្លួន ដែលបានបង្ហាញចេញនូវផលិតផលមួយនៅក្នុងចំណោមផលិតផលជាច្រើន ដែលខ្លួនបានទម្លាយកាលពីពេលកន្លងទៅផងដែរ នោះគឺថេប្លេត  Honor V6។ សព្វថ្ងៃនេះ បើក្រឡេកមើលទីផ្សារថេប្លេត គឺមានការធ្លាក់ចុះខ្លាំង ប៉ុន្តែសម្រាប់ក្រុមហ៊ុន Huawei និង Honor មិនរងផលប៉ះពាល់នោះទេ គឺក្រុមហ៊ុនបងប្អូននេះ រក្សាបាននូវចំណាត់ថ្នាក់របស់ខ្លួននៅលើទីផ្សារផងដែរ។ ក្រុមហ៊ុនជាច្រើន ក៏បានប្រកាន់ខ្ជាប់នូវការ បង្ហាញនូវផលិតផលថ្នាក់ខ្ពស់ជាច្រើនរបស់ខ្លួនរហូតដល់ថ្នាក់កណ្តាល និងផលិតផលលំដាប់ថ្នាក់ថវិកាថែមទៀតផង។ 

 

no-alternative title

បើសិនជានិយាយពី ថេប្លេត Huawei MatePad Pro 5G បង្ហាញខ្លួនកាលពីឆ្នាំមុននេះ ហើយវាក៏ជាថេប្លេត 5G ដំបូងបំផុតរបស់ពិភពលោកផងដែរ។ ថេប្លេត  Honor V6 នេះ គឺក្លាយជាថេប្លេតដំបូងបំផុតដែលមានការទ្រទ្រង់នូវបច្ចេកវិទ្យា 5G connectivity និង WiFi 6។ ថេប្លេត Honor V6 នេះ មានអេក្រង់ពេញគែមទំហំ 10.4 អីង ជាមួយនឹងកម្រិតភាពច្បាស់ 2K និងកម្រិតអេក្រង់ដល់ទៅ 84% បើធៀបទៅនឹងតួខ្លួនរបស់វាថែមទៀត។ សម្រាប់ការឌីស្សាញផ្នែកខាងក្រោយរបស់ថេប្លេតនេះគឺមានការជម្រុញជាមួយនឹង Tindal effect។ ថេប្លេតនេះ គឺមាន 3 ពណ៌ សម្រាប់ធ្វើការជ្រើសរើសនោះគឺ  Wizard of OZ, Titanium Sky Silver និង  Magic Night Black។ 

ថេប្លេតនេះថ្មីនេះ ប្រើប្រាស់នូវបន្ទះឈីប  Kirin 985 ដែលមានការទ្រទ្រង់នូវបច្ចេកវិទ្យា  5G និង WiFi 6+ដែលមានកម្រិត 160MHz bandwidth និង dynamic narrow-bandwidth technology មានសមត្ថភាព អាចធ្វើការដោនឡូតបានលឿនជាងមុន និងមានស្ថេរភាពក្នុងការប្រើប្រាស់ថែមទៀតផង។

ថេប្លេតនេះ ក៏មានការ upgrade ទៅកាន់ប្រព័ន្ធ  Histen 6.1 3D sound effect ដែលអភិវឌ្ឍដោយក្រុមហ៊ុនបច្ចេកវិទ្យា Huawei និង amplitude speakers ធំចំនួន 4 គ្រាប់ផងដែរ។ ថេប្លេត នេះគឺមានថាមពលថ្មទំហំ 7250mAh និងរន្ធដោតថាមពលថ្ម USB-C port  និងមានបច្ចេកវិទ្យា 22.5W super fast charging ផងដែរ។ ថេប្លេត Honor V6 នេះ ទ្រទ្រង់នូវប៊ិច ដែលមានកម្រិតនៃការចុចដល់ទៅ 4096 ថែមទៀតផង។ ប៊ិចនេះហៅថា  Magic Pencil ហើយវាមានភាពងាយស្រួលក្នុងការគូរគំនូរ។ 

សូមជំរាបថា ក្រុមហ៊ុន Honor ក៏បានចែករំលែកនូវរូបភាពដែលត្រូវបានគូរដោយសិល្បៈករនៅលើថេប្លេតនេះផងដែរ។ បើនិយាយអំពីកាមេរ៉ាវិញនោះ ថេប្លេត Honor V6 នេះគឺមានកាមេរ៉ាខាងមុខទំហំ 8-megapixels និងមានកាមេរ៉ាខាងក្រោយទំហំ 13MP។ ក្រុមហ៊ុន Honor នៅមិនទាន់បញ្ជាក់អំពីតម្លៃ និងកាលបរិច្ឆេទនៃការដាក់លក់របស់វានៅឡើយទេ។ យើងនឹងរង់ចាំរហូតដល់ថ្ងៃទី 13 ខែមិថុនាខាងមុខនេះ៕

 

no-alternative title

no-alternative title
ព័ត៌មានពាណិជ្ជកម្ម