ស្មាតហ្វូនដែលអាចបត់បានជាច្រើនត្រូវបានគេគិតថា គឺជាអនាគតនៃស្មាតហ្វូនជាច្រើននាពេលខាងមុខ ហើយក្រុមហ៊ុន Samsung គឺជាក្រុមហ៊ុនឈានមុខគេមួយនៅក្នុងបច្ចេកវិទ្យានេះ ដែលមានផលិតផលចំនួន 2 ដែលដាក់លក់ហើយនៅក្នុងទីផ្សារជាច្រើនរបស់ពិភពលោក។ ក្រុមហ៊ុន Samsung Electronics ក៏កំពុងតែធ្វើការនៅលើស្រទាប់អេក្រង់ដែលប្រើប្រាស់នៅលើស្មាតហ្វូនដែលអាចបត់បានរបស់ខ្លួនផងដែរ។ កាលពីខែមុននេះ មានការរាយការណ៍ថា ក្រុមហ៊ុនបច្ចេកវិទ្យានេះក៏មានគម្រោងក្នុងការផលិតនូវកញ្ចក់អេក្រង់ស្មាតហ្វូនដែលអាចបត់បានរបស់ខ្លួនផងដែរ។ ពេលនេះ ក្រុមហ៊ុននេះបានបញ្ជាក់ថាខ្លួនមានប៉ាតង់ចំនួន 3 ផ្សេងគ្នានៃអេក្រង់របស់ស្មាតហ្វូននេះ។
សម្រាប់ទិដ្ឋភាពទាំងពីរនៃស្មាតហ្វូនដែលអាចបត់បាននេះគឺមានត្រចៀកបត់ និងស្រទាប់នៃអេក្រង់នេះ។ ក្រុមហ៊ុននេះនឹងប្រើប្រាស់នូវស្រទាប់នៅលើអេក្រង់សម្រាប់ស្មាតហ្វូននេះ។ សម្រាប់ស្មាតហ្វូនជាច្រើនដែលមានវត្តមាននៅលើទីផ្សារមានដូចជា Galaxy Fold, Huawei Mate X, Huawei Mate Xs និង Motorola Razr ដែលប្រើប្រាស់នូវស្រទាប់ផ្លាស្ទិកសម្រាប់អេក្រង់ OLED ដែលអាចបត់បានរបស់ពួកគេ។ ស្មាតហ្វូន Z Flip នេះគឺជាស្មាតហ្វូនដែលមានអេក្រង់ UTG (Ultra-Thin Glass) ដែលពិតជាធន់មែនទែនក្នុងការប្រើប្រាស់។
ប៉ុន្តែក្រុមហ៊ុន Samsung Electronics ក៏មានការផ្គត់ផ្គង់នូវស្រទាប់ជាផ្លាស្ទិក និងកញ្ចក់ UTG សម្រាប់ស្មាតហ្វូនដែលអាចបត់បានជាច្រើនរបស់ខ្លួនពីក្រុមហ៊ុន Samsung Display ។ វាមានតម្លៃ $40 សម្រាប់ក្រុមហ៊ុន Samsung Electronics ក្នុងការផលិតអេក្រង់ UTG នេះដែលប្រើប្រាស់នៅលើស្មាតហ្វូន Galaxy Z Flip ដែលមានតម្លៃ $2 ប៉ុណ្ណោះសម្រាប់កញ្ចក់ធម្មតា។ ក្រុមហ៊ុន Samsung Electronics មានប៉ាតង់ទៅលើស្រទាប់នៃអេក្រង់ចំនួន 3 ដែលធ្វើការផលិតពី polyimide ។ ក្រុមហ៊ុននេះគឺមានប៉ាតង់ទៅលើស្រទាប់អេក្រង់ចំនួន ៣ នោះគឺ
•Polyimide film
•Polyimide film + UTG
•UTG
ក្រុមហ៊ុនបច្ចេកវិទ្យា Samsung នេះត្រូវគេរំពឹងថានឹងបញ្ចេញនូវស្មាតហ្វូនដែលអាចបត់បានចំនួន ២ ទៀតនៅក្នុងឆមាសទី ២ ឆ្នាំនេះនោះគឺស្មាតហ្វូន Galaxy Fold និង Galaxy Fold 2 ដែលមានតម្លៃថោកជាងមុននោះ៕
