មានពាក្យចចាមអារ៉ាមជាច្រើន ដែលផ្សព្វផ្សាយអំពីស្មាតហ្វូន Samsung Flagship 2021 ដែលប្រហែលជាមានឈ្មោះហៅថា Samsung Galaxy S21 Series ហើយអ្វីដែលកាន់តែពិសេសជាងនេះទៀតនោះ ស្មាតហ្វូននេះ នឹងប្រើប្រាស់នូវអេក្រង់របស់ក្រុមហ៊ុន BOE។ នៅពេលនេះ SamMobile ក៏មានការទម្លាយនូវការបែកធ្លាយថ្មីមួយដែលមានការបញ្ជាក់អំពីព័ត៌មានមុនយក្សរបស់ចិននេះ។ មានរបាយការណ៍ជាច្រើន បានអះអាងថា ក្រុមហ៊ុន Samsung នឹងបោះបង់ចោលនូវបន្ទះអេក្រង់ Samsung របស់ពួកគេសម្រាប់ម៉ូឌែល S21 នេះ។
បន្ទះអេក្រង់របស់ក្រុមហ៊ុន BOE នេះ នៅមិនទាន់ទ្រទ្រង់នូវកម្រិត 120Hz refresh rates នៅឡើយទេ។ ប្រភពខាងក្នុងឧស្សាហកម្មនេះ បានអះអាងថា ក្រុមហ៊ុន Samsung បានស្នើសុំជាផ្លូវការនូវសំណើរមួយទៅកាន់ក្រុមហ៊ុន BOE ក្នុងការចាប់ផ្តើមនូវការសាកល្បងផលិត។ នៅក្នុងសំណើរផ្លូវការនេះ គឺមានការស្នើសុំនូវតម្លៃនៃផលិតផល លក្ខខណ្ឌក្នុងការបង់ប្រាក់ និងកម្រិតគុណភាពនៃអេក្រង់។ នេះប្រហែលជាមានន័យថា ស្មាតហ្វូនម៉ូឌែល Galaxy S21 នេះមិនមានការទ្រទ្រង់ទៅលើកម្រិតអេក្រង់ 120Hz refresh rate នោះទេ ប៉ុន្តែកម្រិតអេក្រង់របស់វា គឺត្រឹមតែ 90Hz ប៉ុណ្ណោះ។
នៅក្នុងសំណើរដែលស្នើរទៅកាន់ក្រុមហ៊ុន BOE របស់ចិននេះ គឺមានការផ្តោតទៅលើបន្ទះអេក្រង់កម្រិតត្រឹមតែ 90Hz refresh-rate ប៉ុណ្ណោះ។ បន្ថែមពីនេះទៀតនោះ សំណើរនេះ ក៏បានផ្ញើទៅកាន់ក្រុមហ៊ុន Samsung Display ផងដែរសម្រាប់កម្រិតអេក្រង់ 60Hz និង 120Hz refresh-rate របស់វា។ SamMobile បានរាយការណ៍ថា ស្មាតហ្វូនខ្លះនៅក្នុងត្រកូល Galaxy S21 នេះ នៅតែអាចប្រើប្រាស់នូវកម្រិតអេក្រង់ដល់ទៅ 120Hz ដែលធ្វើការផលិតឡើងដោយក្រុមហ៊ុន Smsung Display ផងដែរ៕