OPPO បង្ហាញចេញនូវ Ace2 EVA Transparent Edition ដែលមានការឌីស្សាញយ៉ាងអស្ចារ្យបំផុត

កាលពីថ្ងៃទី 21 ខែឧសភា ឆ្នាំ 2020 នេះ ស្មាតហ្វូនស៊េរីថ្មី OPPO Ace2 special edition ត្រូវបានគេប្រទះឃើញនៅលើ Weibo។ ស្មាតហ្វូននេះ គឺជាម៉ូដែលពិសេសនៃ Ace2 ដែលមានឈ្មោះថា EVA Transparent Edition ដែលដកស្រង់ចេញពីខ្សែភាពយន្តតុក្កតាដ៏ល្បីល្បាញនោះគឺ Neon Genesis Evangelion។ កាលពីពេលមុននេះ មានការបញ្ជាក់អំពីស្មាតហ្វូននេះផងដែរ ប៉ុន្តែវានៅមិនទាន់ប្រកាសនៅឡើយទេ។ នៅពេលនេះ យើងក៏បានឃើញនូវរូបរាងរបស់ស្មាតហ្វូននេះផងដែរ។

ស្មាតហ្វូនម៉ូឌែលពិសេសរបស់ OPPO នេះ គឺត្រូវបានចែករំលែកដំបូងបំផុតដោយ @i冰宇宙 នៅក្នុងប្លុករបស់ពួកគេ ដែលមានការទម្លាយថា ស្មាតហ្វូន Ace2 ម៉ូដែល EVA Transparent Edition នេះ គឺមានការពាក់ព័ន្ធទៅនឹងខ្សែភាពយន្ត Evangelion។ ខ្សែភាពយន្តនេះ គឺជាវគ្គចុងក្រោយនៃខ្សែភាពយន្ត 4 Film Series ដែលគ្រោងនឹងបញ្ចេញនៅក្នុងខែមិថុនា ឆ្នាំ 2020 នេះ។ វាក៏មានការពន្យារពេលដោយសារតែមេរោគរាតត្បាតកូរ៉ូណាវីរុស។

ដូចអ្វីដែលឈ្មោះបានលើកឡើងនោះ ស្មាតហ្វូនម៉ូឌែលពិសេសនេះ នោះគឺ OPPO Ace2 នេះ គឺមានការឌីស្សាញយ៉ាងអស្ចារ្យបំផុត។ នៅផ្នែកខាងក្រោយរបស់ស្មាតហ្វូននេះ មានការផ្តោតទៅលើភាពយន្តតុក្កតា។ ស្មាតហ្វូននេះ មានការឌីស្សាញប្លែក និងស្រស់ស្អាតមែនទែន។ ស្មាតហ្វូននេះ គឺមានការផលិតឡើងនៅក្នុងចំនួនមានកំណត់ប៉ុណ្ណោះ។ ស្មាតហ្វូននេះ មានការពេញនិយមខ្លាំងមែនទែននៅក្នុងទីផ្សារមួយចំនួនធំ។ គួរបញ្ជាក់ថា ស្មាតហ្វូន OPPO Ace2 បានបង្ហាញខ្លួននៅក្នុងខែមេសា ឆ្នាំ 2020 នេះ ដែលនេះ គឺជាស្មាតហ្វូន Flagship របស់ក្រុមហ៊ុននេះ៕