Xiaomi បញ្ចេញនូវរបាយការណ៍ហិរញ្ញវត្ថុនៅក្នុងត្រីមាសទី 1 ឆ្នាំ 2020 របស់ខ្លួន ជាមួយនឹងមានលទ្ធផលពិតជាល្អមែនទែន

កាលពីថ្ងៃពុធនេះ ក្រុមហ៊ុន Xiaomi បានបង្ហាញនូវរបាយការណ៍អំពីប្រតិបត្តិការរបស់ខ្លួនសម្រាប់ត្រីមាសទី 1 ឆ្នាំ 2020។ សម្រាប់ត្រីមាសទី 1 នៅក្នុងឆ្នាំ 2020 នេះ គឺមានការគ្របដណ្តប់ដោយសារតែមេរោគរាតត្បាតកូរ៉ូណាវីរុសនៅក្នុងប្រទេសចិន ដែលឆាប់ៗនេះ អាចក្លាយទៅជាវិបត្តិសុខភាពពិភពលោក។  ទោះបីជាមានបញ្ហាប្រឈមទៅដល់ផ្នែកសេដ្ឋកិច្ចដែលបណ្តាលមកពីមេរោគរាតត្បាតនេះក៏ដោយ នៅក្នុងត្រីមាសទី 1 របស់ក្រុមហ៊ុន Xiaomi គឺពិតជាល្អមែនទែននៅក្នុងរបាយការណ៍នេះ។ សម្រាប់ប្រាក់ចំណេញរបស់ក្រុមហ៊ុននេះគឺហួសពីការរំពឹងទុក ខណៈដែលស្មាតហ្វូន 5G នេះ គឺដំណើរការបានយ៉ាងល្អផងដែរ។

នៅក្នុងត្រីមាសទី 1 ឆ្នាំ 2020 នេះ ប្រាក់ចំណេញរបស់ក្រុមហ៊ុន Xiaomi Group នេះគឺឈានដល់ទៅ 49.7 ពាន់លានយ័នដែលមានការកើនឡើងដល់ទៅ 13.6% បើធៀបទៅនឹងឆ្នាំមុននេះ។ ក្រុមហ៊ុននេះក៏បង្ហោះនូវប្រាក់ចំណេញដុលរបស់ខ្លួនចំនួន 2.3 ពាន់លានយ័នដែលមានការកើនឡើង 10.6% បើធៀបទៅនឹងឆ្នាំមុននេះ។ អាជីវកម្មស្មាតហ្វូននេះគឺមានចំនួន 30.3 ពាន់លានយ័នដែលមានការកើនឡើង 12.3% ។ នេះគឺមានចំនួន 61.0% នៃប្រាក់ចំណេញសរុបរបស់ក្រុមហ៊ុននេះនៅក្នុងត្រីមាសទី 1 នេះ។

ទីផ្សារក្រៅប្រទេសរបស់ក្រុមហ៊ុន Xiaomi នេះ គឺរួមចំណែកនូវទឹកប្រាក់ចំនួន 24.8 ពាន់លានយ័ននៅក្នុងប្រាក់ចំនេញសម្រាប់ត្រីមាសទី 1 ឆ្នាំ 2020 នេះ ដែលមានការកើនឡើង 47.8% ។ នេះគឺជាលើកដំបូងបំផុតដែលប្រាក់ចំនេញក្រៅប្រទេសរបស់ក្រុមហ៊ុនបច្ចេកវិទ្យា Xiaomi នេះគឺមានការកើនឡើងដល់ទៅ 50%។ នៅក្នុងចំនួនស្មាតហ្វូននេះ ក្រុមហ៊ុន Xiaomi លក់ស្មាតហ្វូននេះបានច្រើនជាង 29.2 លានគ្រឿងដែលមានការបង្ហាញអំពីកំណើនរបស់ស្មាតហ្វូននេះដែលមានចំនួន  4.7% ។ តាមការបញ្ជាក់នៅក្នុងទិន្នន័យរបស់ក្រុមហ៊ុនស្រាវជ្រាវ Canalys នេះ ចំណែកទីផ្សារពិភពលោករបស់ក្រុមហ៊ុន Xiaomi នេះគឺមានការកើនឡើងដល់ទៅ  11.1% ហើយក្រុមហ៊ុននេះជាប់ចំណាត់ថ្នាក់ទី 4 របស់ពិភពលោកថែមទៀត។

តាមទិន្នន័យរបស់ក្រុមហ៊ុន Canalys បានបង្ហាញថា អត្រារបស់ស្មាតហ្វូន 5G របស់ក្រុមហ៊ុន Xiaomi នេះ នៅក្នុងទីផ្សាររបស់ចិន គឺមានការកើនឡើងដល់ទៅ 25.9% ដែលខ្ពស់ជាងនៅលើកម្រិតមធ្យមនៃទីផ្សារ។ ក្រុមហ៊ុននេះគឺមានលទ្ធផលដ៏ល្អនៅលើផលិតផល IoT របស់ខ្លួនជាច្រើនរួមជាមួយនឹងអាជីវកម្មទូរទស្សន៍ឆ្លាតវៃផងដេរ។ នៅថ្ងៃទី 31 ខែមីនានេះ ចំនួននៃឧបករណ៍ដែលអាចតភ្ជាប់គ្នាបាននៅលើ Xiaomi IoT platform នេះគឺឈានដល់ទៅ 252 លានគ្រឿងដែលនេះមានការកើនឡើង 42.6% បើធៀបទៅនឹងឆ្នាំមុននេះ។ ចំនួននៃអ្នកប្រើប្រាស់ដែលមានច្រើនជាងឧបករណ៍ចំនួន 5 ឬច្រើនជាងនេះនៅលើ  Xiaomi IoT platform គឺឈានដល់ទៅ 4.6 លាននាក់ ដែលមានការកើនឡើងដល់ទៅ 67.9%។ 

អ្នកប្រើប្រាស់ជាប្រចាំទៅលើជំនួយការឆ្លាតវៃ XiaoAI voice assistant គឺឈានដល់ទៅ 70.5 លាននាក់ ដែលមានការកើនឡើង  54.9% បើធៀបទៅនឹងឆ្នាំមុននេះ។ ជាចុងក្រោយ អ្នកប្រើប្រាស់ប្រចាំខែនៅលើកម្មវិធី Mijia appនេះគឺឈានដល់ទៅ 40 លាននាក់។ នៅលើ MIUI platform អ្នកប្រើប្រាស់ប្រចាំខែគឺមានចំនួន 330 លាននាក់ដែលមានការកើនឡើង26.7% បើធៀបទៅនឹងឆ្នាំមុននេះ៕