RAZER BLADE PRO 17 ត្រូវបានក្រុមហ៊ុនធ្វើការអាប់ដែតកម្រិតអេក្រង់ឡើងរហូតដល់ទៅ 300Hz

ហ្គេមម៉ាស៊ីនរបស់ក្រុមហ៊ុន Razer បើនិយាយទៅ គឺប្រៀបដូចជាផលិតផលកុំព្យូទ័រយួដៃរបស់ Apple អញ្ចឹងដែរ គឺនៅពេលដែលនិយាយអំពីកុំព្យូទ័រយួរដៃសម្រាប់លេងហ្គេម។ សម្រាប់កុំព្យូទ័ររបស់ក្រុមហ៊ុននេះ មានច្រើនម៉ូឌែល ដែលមានការឌីស្សាញនិងលក្ខណៈសម្បត្តិទាក់ទាញខ្លាំងក្លាមែនទែន ជាពិសេស គឺមានតម្លៃថ្លៃថែមទៀតផង។ បន្ទាប់ពីការប្រកាសបង្ហាញនូវម៉ូឌែល15-inch models Razer Blade 15 និង Razer Blade 15 Advanced រួមជាមួយនឹងម៉ូឌែល 13-inch Razer Blade Stealth 13 រួចមក ពេលនេះក្រុមហ៊ុននេះ ក៏បង្ហាញនូវម៉ូឌែល flagship ដ៏ធំបំផុតរបស់ខ្លួននោះគឺ Razer Blade Pro 17។

បើទោះបីជាកុំព្យូទ័រ Razer Blade Pro 17 នេះ មើលទៅមិនមានអ្វីដែលប្លែកពីម៉ូឌែលឆ្នាំមុន ក៏ដោយក៏ក្រុមហ៊ុន Razer នៅតែហៅថា ម៉ាស៊ីននេះគឺជាផលិតផលថ្មីដដែល ពីព្រោះថា វាមានការកែប្រែទៅលើ Keyboard និងលក្ខណៈសម្បត្តិជាច្រើន។ លក្ខណៈសម្បត្តិសំខាន់បំផុតសម្រាប់ម៉ូឌែល Razer Blade Pro 17 នេះ គឺកម្រិតអេក្រង់ 144-Hz 1080p ហើយពេលនេះ អេក្រង់នេះ គឺអាចតម្លើងអេក្រង់ដល់ទៅកម្រិត 300Hz ទៀតផង។ បន្ថែមពីនេះទៀតនោះ Razer Blade Pro 17 នេះគឺមានបន្ទះឈីប 8-core 16-stream Intel Core i7-10875Hជាមួយនឹងកម្រិតប្រេកង់ 5.1 GHz នៅក្នុង Turbo Boost mode និងក្រាហ្វិកកាតដាច់ RTX 2070 Max-Q ឬ RTX 2080 Super Max- Q។

សម្រាប់កុំព្យូទ័រ Razer Blade Pro 17 នេះ ត្រូវបានក្រុមហ៊ុនបញ្ជាក់ថា នឹងមានដាក់លក់នៅចុងខែនេះនៅក្នុងតម្លៃចាប់ពី $ 2,599 ទៅដល់ $ 3,799 ប៉ុន្តែអាចរកទិញបាននៅលើហាងអនឡាញ និងហាងលក់រាយមួយចំនួននៅក្នុងសហរដ្ឋអាមេរិក និងកាណាដាប៉ុណ្ណោះ។ យោងតាមព័ត៌មានចុងក្រោយនេះ បានបញ្ជាក់ថា ម៉ាស៊ីនថ្មីនេះ អាចរកទិញបាននៅក្នុងអ៊ឺរ៉ុបផងដែរ ប៉ុន្តែវាមិនទាន់មានព័ត៌មានលម្អិតនៃកាលបរិច្ឆេទជាក់លាក់របស់វានៅឡើយទេ៕