Honor X10 Max 5G បានបង្ហាញខ្លួននៅលើបញ្ជីរបស់ Geekbench នៅមុនការប្រកាសជាផ្លូវការនៅសប្តាហ៍ក្រោយនេះ

កាលពីពេលថ្មីៗនេះ មានរបាយការណ៍ជាច្រើន បានការទម្លាយថា ស្មាតហ្វូន Honor X10 Max 5G នេះ គ្រោងនឹងបង្ហាញខ្លួនជាផ្លូវការនៅថ្ងៃទី 2 ខែកក្កដាខាងមុខនេះ ជាមួយនឹងលេខម៉ូដែល KKG-AN00។ ស្មាតហ្វូនដែលមានលេខកូដ KKG-AN00 នេះថ្មីៗនេះក៏បង្ហាញខ្លួននៅលើប្រព័ន្ធ Database របស់ក្រុមហ៊ុនទូរគមនាគមន៍ TENAA របស់ចិនជាមួយនឹងលក្ខណៈសម្បត្តិជាច្រើន និងរូបភាពជាច្រើនរបស់វាផងដែរ។ 

ស្មាតហ្វូននេះ បានបង្ហាញខ្លួននៅលើ Geekbench Benchmarking Platform ដែលមានការបញ្ជាក់អំពីលក្ខណៈសម្បត្តិជាច្រើនរបស់វាផងដែរ។ តាមរយៈនៃបង្ហាញខ្លួននៅលើបញ្ជីរបស់ Geekbench នេះ គឺមានការទម្លាយថា ស្មាតហ្វូននេះ ប្រើប្រាស់នូវបន្ទះឈីប MediaTek octa-core processor ដែលមានប្រេកង់ 2.0GHz។ បន្ទះឈីបនេះ គឺមានលេខកូដ MT6873 ដែលជាបន្ទះឈីប Dimensity 800 5G SoC។ បន្ទះឈីប SoC នេះ គឺមានរ៉េមទំហំ 8GB និងដំណើរការនូវប្រព័ន្ធប្រតិបត្តិការ Android 10។ ស្មាតហ្វូននេះ មានពិន្ទុតេស្ត single-core ចំនួន 539 នៅលើ Geekbench 5។ ស្មាតហ្វូននេះមានពិន្ទុតេស្ត multi-core ចំនួន 2186 ។

របាយការណ៍ជាច្រើនទម្លាយថាស្មាតហ្វូន Honor X10 Max 5G នេះមានអេក្រង់ 7.09-inch IPS LCD ជាមួយនឹង waterdrop notch។ អេក្រង់របស់ស្មាតហ្វូននេះ មានបច្ចេកវិទ្យា RGBW technology ដែលពង្រឹងទៅលើគុណភាពភ្លឺច្បាស់នៅពេលថតក្រោមពន្លឺព្រះអាទិត្យថែមទៀត។ ស្មាតហ្វូននេះក៏មានប្រព័ន្ធស្កេនក្រយ៉ៅដៃនៅចំហៀងរបស់ស្មាតហ្វូននេះផងដែរ។ 

នៅក្នុងប្រទេសចិន ស្មាតហ្វូន Honor X10 Max នឹងមានរ៉េមទំហំ  6GB និង 8GB ហើយសម្រាប់ Storage របស់វាគឺ  64GB និង 128GB។ ស្មាតហ្វូននេះ មានថាមពលថ្មទំហំ 4,900mAh ជាមួយនឹងបច្ចេកវិទ្យា 22.5W fast charging ថែមទៀតផង។ ស្មាតហ្វូននេះ មានកាមេរ៉ាភ្លោះទំហំ 48-megapixel + 2-megapixel និងកាមេរ៉ាខាងមុខទំហំ  8-megapixel ។ ស្មាតហ្វូននេះមានវិមាត្រ 176.46 x 84.91 x 8.3mm និងទម្ងន់ 227 g ៕