ក្រុមហ៊ុន LG Electronics កំពុងតែបង្ហាញនូវដំណោះស្រាយនៃបច្ចេកវិទ្យា Digital Signage កម្រិតខ្ពស់បំផុតរបស់ខ្លួន ដែលត្រូវបានគេអោយឈ្មោះថា គឺ LG LED Signage ( ម៉ូឌែល LSAA) ដែលជាបច្ចេកវិទ្យាអេក្រង់ចុងក្រោយបំផុត និងការឌីស្សាញចុងក្រោយបំផុតផងដែរ។ សម្រាប់ម៉ូឌែល LSAA នេះ គឺផ្តល់នូវគុណភាពរូបភាពល្អប្រសើរជាងមុន និងងាយស្រួលក្នុងការតម្លើងជាងម៉ូឌែលជំនាន់មុនៗរបស់វា ដែលក្រុមហ៊ុន LG បានចាត់ទុកថាជាដំណោះស្រាយនៃបច្ចេកវិទ្យា digital signage ដ៏ឈានមុខនៅក្នុងឧស្សាហកម្មនេះ។
សម្រាប់ម៉ូឌែល LSAA នេះ គឺមានការឌីស្សាញជាលក្ខណៈ block-assembly ដែលអាចធ្វើការបង្កើតបានទៅជាអេក្រង់ដែលមានទំហំធំបាន។ ក្រុមហ៊ុន LG បានឌីស្សាញទៅលើដំណោះស្រាយនេះជាមួយនឹង LED cabinet hub (600W x 337.5H x 44.9D mm) ដើម្បីផ្តល់នូវថាមពល និងសញ្ញាដោយមិនចាំបាច់តម្លើងនូវធុងកាប៊ីណេតហើយវាពិតជាសន្សំទាំងពេលវេលា កម្លាំង និងតម្លៃថែមទៀត។ បច្ចេកវិទ្យានេះគឺមានកម្រិតភាពច្បាស់ដល់ទៅ 4K UHD និងកម្រិត 16:9 aspect ratio ។ ថាមពលរបស់វាអាចបញ្ជូនទៅកាន់អេក្រង់នីមួយៗបានតាមរយៈ pin connectors នៅលើគែមរបស់ LED cabinet hub នេះ។
អ្វីដែលកាន់តែអស្ចារ្យជាងនេះទៀតនោះ សម្រាប់ LED cabinet អនុញ្ញាតអោយអ្នកតម្លើងជាច្រើនអាចធ្វើការតភ្ជាប់នូវអេក្រង់ជាច្រើនជាមួយគ្នាដើម្បីបានទំហំណាមួយដែលពួកគេត្រូវការ។ នៅក្នុងការតម្លើងគឺងាយស្រួល និងអាចពង្រីកបានទៅតាមចិត្តរបស់អ្នក។ សម្រាប់ម៉ូឌែល LSAA នេះអាចដាក់នៅទីតាំងផ្សេងៗគ្នាទៅតាមតម្រូវការរបស់អតិថិជនផងដែរ។
LG LSAA នេះ គឺមានបន្ទះឈីប Image Processor ជាមួយនឹងបច្ចេកវិទ្យា AI ដែលត្រូវគេរកឃើញនៅលើទូរទស្សន៍កម្រិតខ្ពស់ជាច្រើនរបស់ក្រុមហ៊ុន LG ជាមួយនឹងបច្ចេកវិទ្យា self-emissive display technology របស់វាផងដែរ។ កាន់តែពិសេសជាងនេះទៀតនោះ វាក៏ជួយសន្សំសំចៃថាមពលក្នុងការប្រើប្រាស់ផងដែរ។ ដំណោះស្រាយនៃ LED signage ថ្មីបំផុតរបស់ក្រុមហ៊ុន LG នេះគឺចាប់ផ្តើមដាក់លក់នៅក្នុងខែនេះនៅក្នុងអាមេរិកខាងជើង និងអ៊ឺរ៉ុប ហើយបន្តទៅកាន់អាមេរិកឡាទីន និងអាស៊ី៕
