យោងតាមព័ត៌មានថ្មីៗនេះ បានអោយដឹងថា ក្រុមហ៊ុន Apple នឹងប្រកាសចេញនូវ iPhone 12 ចំនួន 4 ម៉ូឌែលនៅចុងឆ្នាំនេះ ខណៈពេលដែលរយៈពេលប៉ុន្មានខែកន្លងមកនេះ គឺមានការបែកធ្លាយព័ត៌មានចចាមអារ៉ាមជាច្រើនស្តីពីស្មាតហ្វូនជំនាន់ក្រោយនេះ ។ អ្នកវិភាគជាច្រើនរបស់ក្រុមហ៊ុន Barclays បាននិយាយថា នៅក្នុងប្រអប់របស់ស្មាតហ្វូនថ្មីនេះ នឹងមិនមានកាសស្តាប់ EarPods និង Charger ទេ។
ប្រភពខាងលើនេះ បាននិយាយថា ក្រុមហ៊ុនបច្ចេកវិទ្យាយក្សរបស់អាមេរិកនេះ បានប្រកាសលុបចោលនូវរន្ធដោតកាសស្តាប់ 3.5មម headphone jack នៅលើស្មាតហ្វូនជាច្រើនរបស់ខ្លួន ចាប់តាំងពីការបង្ហាញវត្តមានរបស់ស្មាតហ្វូន iPhone 7 មកម្លេះ។ ដូច្នេះ ប្រសិនបើការវិភាគរបស់អ្នកវិភាគជាច្រើន របស់ក្រុមហ៊ុន Barclays នេះ ក្លាយជាការពិតមែននោះ ក្នុងប្រអប់នេះ នឹងមិនមាន Charger នៅលើស្មាតហ្វូននេះនោះទេ ហើយ iPhone Xs & iPhone XR អាចនឹងមិនមានរន្ធដោតកាសស្តាប់ និង iPhone 11 series នឹងមិនមាន 3D Touch ផងដែរ។
បន្ថែមពីនេះទៀតនោះ ក្រុមហ៊ុនដែលមានមូលដ្ឋាននៅក្នុងចក្រភពអង់គ្លេស ថែមទាំងបានបញ្ជាក់ទៀតថា នៅក្នុងប្រអប់របស់ស្មាតហ្វូននេះ គឺមិនមានកាសស្តាប់ EarPods នោះទេ។ ក្រុមហ៊ុន Apple ត្រូវគេរំពឹងថា នឹងបង្ហាញខ្លួននូវស្មាតហ្វូនថ្មីនេះ ជាផ្លូវការនៅក្នុងខែកញ្ញាខាងមុខនេះ។ អ្នកវិភាគរបស់ Barclays បាននិយាយថា ស្មាតហ្វូន iPhone 12 series ចំនួន 2 គឺមានកាមេរ៉ា 3 គ្រាប់ និងសេនស័រ LiDAR sensor ដែលបានបង្ហាញខ្លួននៅលើiPad Pro 2020 ផងដែរ។ ព្រឹត្តិការណ៏នេះ ក៏ អាចនឹងមានថេប្លេត iPad Pro 2020 មួយទៀតផងដែរ ដែលនឹងបង្ហាញខ្លួននៅចុងឆ្នាំនេះ ៕