នៅថ្ងៃនេះ ក្រុមហ៊ុន ASUS Republic of Gamers (ROG) បានប្រកាសនូវកិច្ចសហការជាមួយនឹងផលិតករតន្ត្រី និង DJ លោកAlan Walker ដើម្បីបង្កើតនូវមាតិកាហ្គេម បច្ចេកវិទ្យា និងបទពិសោធន៍ជាច្រើនទៀតដែលនឹងជួយលើកកំពស់ និងការនាំយកនូវហ្គេមកាន់តែអស្ចារ្យសម្រាប់អ្នកប្រើប្រាស់ជាច្រើនទៀតផងដែរ។
ភាពអស្ចារ្យសម្រាប់អ្នកលេងហ្គេមជំនាន់ក្រោយ ៖ នៅក្នុងរយៈពេលប៉ុន្មានឆ្នាំនេះ អ្នកលេងហ្គេមជាច្រើន គឺមិនត្រឹមតែមានប្រភេទអត្តពលិក និងអ្នកដែលចិត្តលេងហ្គេមប៉ុណ្ណោះទេ ប៉ុន្តែវាថែមទាំងមានអ្នក Creators ជាច្រើនថែមទៀតផង។ ក្រុមហ៊ុន ROG គឺមានគោលដៅផ្តោតទៅលើការនាំមុខគេទៅលើបច្ចេកវិទ្យាហ្គេមជាមួយនឹងផលិតផលថ្មីៗកាន់តែអស្ចារ្យដើម្បីអាចជួយបង្កើតនូវភាពច្នៃប្រឌិតកាន់តែច្រើនថែមទៀតសម្រាប់អ្នកប្រើប្រាស់។ នៅក្នុងនាមជាអ្នកលេងហ្គេម ផលិតករតន្ត្រី លោក Alan Walker គឺជាមនុស្សដែលមានភាពលេចធ្លោរនៅក្នុងការបង្កើតនូវភាពអស្ចារ្យជាច្រើនទៀតសម្រាប់មនុស្សជំនាន់ក្រោយ។ ជំនាញ បទពិសោធន៍ និងការចាប់អារម្មណ៍របស់គាត់នៅក្នុងការលេងហ្គេមធ្វើអោយគាត់ក្លាយជាដៃគូម្នាក់របស់ក្រុមហ៊ុន ROG ។
លោក Walker បាននិយាយថា “ការធ្វើការងារជាមួយនឹងក្រុមហ៊ុន ROG ពិតជាអស្ចារ្យណាស់សម្រាប់ខ្ញុំ។តន្រ្តីនិងហ្គេមគឺជាពិភពពីរដែលខ្ញុំចូលចិត្តបំផុត។ ខ្ញុំបានបង្កើតនូវមាតិកាជាច្រើនសម្រាប់អ្នកលេងហ្គេមជាច្រើនចាប់តាំងពីខ្ញុំចាប់ផ្តើមធ្វើការងាររបស់ខ្ញុំ ហើយកិច្ចសហការគ្នាជាមួយនឹងក្រុមហ៊ុន ROG នេះ គឺជាផ្លូវមួយថ្មីអស្ចារ្យបន្ថែមទៀតសម្រាប់ខ្ញុំក្នុងការតភ្ជាប់ទៅកាន់អ្នកលេងហ្គេមជាច្រើនទៀត។”
នៅក្នុងនាមជាអ្នកបង្កើតថ្មីនៅលើ YouTube លោក Alan Walker ក៏មានកេរ្តិ៍ឈ្មោះនៅក្នុងផ្នែកតន្រ្តី និងការលេងហ្គេមផងដែរ។ គាត់បានបង្កើតនូវស្នាដៃធំជាច្រើនជាមួយនឹងតារាល្បីៗជាច្រើនទៀតដូចជា Hans Zimmer, A$AP Rocky និង Sabrina Carpenter រួមជាមួយនឹងការបង្កើតនូវវីដេអូថ្មីៗនៅលើ YouTube ថែមទៀត។ លោក Walker ប្តេជ្ញាចិត្តក្នុងការនាំយកនូវស្នាដៃថ្មីនៃការងាររបស់គាត់សម្រាប់ទស្សនិកជនរបស់គាត់ និងអ្នកលេងហ្គេមជាច្រើនទៀតនៅជុំវិញពិភពលោក។
លោក Walker បានបង្កើតនូវបទភ្លេងជាច្រើននៅក្នុងកិច្ចសហការជាមួយនឹងស្ទូឌីយោហ្គេមជាច្រើននៅជុំវិញពិភពលោក។ ក្រុមហ៊ុន PUBG Corporation ក៏មានស្នាដៃរបស់លោក Walkers ដូចជា On My Way និង Live Fast ជាមួយនឹង A$AP Rocky នៅក្នុងហ្គេម PUBG Mobile របស់ពួកគេផងដែរ។ លោក Walker ក៏ធ្វើការផលិតនូវ Ghost featuring Au/Ra សម្រាប់អាល់ប៊ុម Death Stranding: Timefall សម្រាប់វីដេអូហ្គេម Hideo Kojima’s 2019 ផងដែរ។ នៅថ្ងៃនេះ គាត់ចាប់ផ្តើមស្នាដៃថ្មីរបស់គាត់ជាមួយនឹងក្រុមហ៊ុន ROG ។
ក្រុមហ៊ុន ROG និងលោក Alan Walker កំពុងតែស្វែងរកនូវវិធីជាច្រើនទៀតកាន់តែមានភាពងាយស្រួលក្នុងការពង្រឹងដល់ Content Creators និងអ្នកលេងហ្គេមទាំងអស់នៅជុំវិញពិភពលោក។ ថ្មីៗនេះ ក្រុមហ៊ុនROG ក៏ប្រកាសបង្ហាញនូវកុំព្យូទ័រម៉ូឌែលថ្មីគឺ ROG Zephyrus G14 សម្រាប់អ្នកដែលចូលចិត្តលេងហ្គេម Creator និងតន្រ្តីករផងដែរ។ សម្រាប់កុំព្យូទ័រ ROG Zephyrus G14 នេះមានអេក្រង់ទំហំ 14-inch បន្ទះឈីប 8-core 16-thread AMD® Ryzen™ 9 CPU ជំនាន់ចុងក្រោយបំផុត និងក្រាហ្វិកកាត NVIDIA® GeForce RTX™ 2060 GPU ថែមទៀត។ វាមានទម្ងន់ស្រាលមែនទែនក្នុងការប្រើប្រាស់។
អ្វីដែលកាន់តែអស្ចារ្យជាងនេះទៀតនោះ កុំព្យូទ័រនេះគឺឌីស្សាញឡើងយ៉ាងពិសេសសម្រាប់លោក Walker តែម្តងដោយសារតែគាត់ចូលចិត្តតន្រ្តី ការលេងហ្គេម និងការធ្វើដំណើរញឹកញាប់នៅក្នុងការងាររបស់គាត់។ កុំព្យូទ័រនេះពិតជាល្អឥតខ្ចោះសម្រាប់ការងាររបស់គាត់។ កុំព្យូទ័រ Zephyrus G14 នេះមានអេក្រង់កម្រិត IPS Level ដែលមានការផ្ទៀងផ្ទាត់ចេញពីស្ថាប័ន Pantone® Validatedនិងបំពាក់នូវបច្ចេកវិទ្យា Adaptive Sync ជាមួយនឹងបច្ចេកវិទ្យា refresh rate technology ដែលធ្វើអោយការលេងហ្គេមនេះកាន់តែអស្ចារ្យបំផុតក្នុងការប្រើប្រាស់។
កុំព្យូទ័រនេះមានភ្ជាប់ជាមួយនឹងបច្ចេកវិទ្យា Dolby Atmos technology ដែលផ្តល់នូវកម្រិតសំឡេង Surround Sound ពិរោះគ្មានគូប្រៀបនោះទេ។ វាក៏មានអេក្រង់ AniMe Matrix LED ដែលផ្តល់នូវភាពច្នៃប្រឌិតកាន់តែអស្ចារ្យក្នុងការប្រើប្រាស់ផងដែរ។ ការឌីស្សាញផ្តាច់មុខសម្រាប់ម៉ូឌែល Zephyrus G14សម្រាប់លោក Walker នេះគឺបង្កើតនូវភាពច្នៃប្រឌិតថ្មីកាន់តែអស្ចារ្យថែមទៀតសម្រាប់អ្នកដែលចូលចិត្តលេងហ្គេម និងអ្នកបង្កើតថ្មី។ សម្រាប់កុំព្យូទ័រ Zephyrus G14 នេះនឹងបង្ហាញខ្លួននៅចុងឆ្នាំនេះ។
ស្នាដៃថ្មីៗនៅក្នុងឆ្នាំ 2020៖ ចាប់ផ្តើមពីខែសីហា ឆ្នាំ 2020 នេះ ក្រុមហ៊ុន ROG និងលោក Alan Walker នឹងធ្វើការផលិតនូវវីដេអូជាច្រើនដែលផ្តល់អោយទស្សនិកជនជាច្រើនបានមើលឃើញនូវបទចម្រៀងថ្មីរបស់លោក Walker គម្រោងថ្មីៗជាច្រើនជាមួយនឹង ROG និងមាតិកានៅក្រោយឆាក (behind-the-scenes content)សម្រាប់អ្នកគាំទ្ររបស់គាត់ផងដែរ៕