ព័ត៍មានថ្មី៖ ស្មាតហ្វូនដែលអាចបត់បាន Galaxy Fold 2 នឹងមិនបង្ហាញខ្លួននៅក្នុងព្រឹត្តិការណ៍ UNPACKED ខាងមុខនេះទេ

មកទល់នឹងថ្ងៃនេះ ក្រុមហ៊ុន Samsung ត្រូវបានសារព័ត៌មានជាច្រើនបាន ចុះផ្សាយអំពីព្រឹត្តិការណ៍ Unpacked ដែលគ្រោងនឹងធ្វើឡើងនៅថ្ងៃទី 5 ខែសីហាខាងមុខនេះ។ ក្រុមហ៊ុនបច្ចេកវិទ្យានេះ ត្រូវគេរំពឹងថា នឹងប្រកាសចេញនូវស្មាតហ្វូន Note 20 series នៅក្នុងព្រឹត្តិការណ៍នេះ។ ព័ត៌មានថ្មីនេះនិយាយថា ស្មាតហ្វូន Galaxy Fold 2 (Galaxy Z Fold 2)នឹងមិនប្រកាសបង្ហាញខ្លួននៅក្នុងព្រឹត្តិការណ៍នេះទេ។

លោក Max Weinbach ដែលជាសមាជិកនៅក្នុង  XDA Developers ធ្វើការបង្ហោះថា គាត់ច្បាស់ 100% ដែលវត្តមានរបស់ស្មាតហ្វូន  Galaxy Fold 2 នឹងពន្យារពេល។ សម្រាប់ហេតុផលនោះ គឺថាកម្មវិធី Software នេះ គឺមិនទាន់រួចរាល់នោះទេសម្រាប់ខែកញ្ញានេះ។  បន្ថែមពីនេះទៀតនោះ គាត់បាននិយាយថា សម្រាប់ software version របស់ស្មាតហ្វូន Fold 2 នេះគឺធ្វើការតេស្តជា blv0 ហើយក្រុមហ៊ុនបច្ចេកវិទ្យា Samsung អាចនឹងប្រកាសបង្ហាញនៅក្នុងខែកញ្ញានេះ។ លោក Max ក៏ធ្វើការចែករំលែកនូវរូបភាព Screenshot របស់ការអភិវឌ្ឍទៅលើ Software របស់ស្មាតហ្វូន Fold 2 ។ ស្មាតហ្វូន Galaxy Fold 2 គឺស្ថិតនៅក្នុងបញ្ជីនៃការធ្វើតេស្តជាមួយនឹងវត្តមានរបស់ស្មាតហ្វូន Note 20 និង Z Flip 5G ដែលមានការបង្ហាញនៅលើ Galaxy Store ផងដែរ។

តាមការបញ្ជាក់របស់គាត់ គឺបាននិយាយថា ក្រុមហ៊ុន Samsung បានធ្វើតេស្តទៅលើស្មាតហ្វូនមួយនៅក្នុងរយៈពេលមួយខែ ឬ ពីរខែមុនពេលដែលព្រឹត្តិការណ៍នេះចាប់ផ្តើម។ ក្រុមហ៊ុន Samsung អាចនឹងប្រកាសបង្ហាញនូវស្មាតហ្វូន Fold 2 នៅក្នុងចុងខែកញ្ញា ឬដើមខែតុលានេះ ជាមួយនឹងស្មាតហ្វូន S20 Fan Edition។ ស្មាតហ្វូននេះ គឺបង្ហាញខ្លួននៅក្នុងវិញ្ញាបនបត្រ 3C របស់ចិនជាមួយនឹង 25W charger ផងដែរ។ ស្មាតហ្វូននេះ នឹងមានលេខម៉ូឌែល SM-F9160 និងមានថាមពលថ្មភ្លោះគឺទំហំ 2,275 និង 2,090mAh ។ នៅក្នុងព្រឹត្តិការណ៍ Unpacked នៅថ្ងៃទី 5 ខែសីហានេះ គឺមានការបង្ហាញវត្តមានរបស់ស្មាតហ្វូន Note 20, Note 20 Ultra, Galaxy Z Flip 5Gនិង Galaxy Buds Live TWS ផងដែរ៕