ខណៈពេលដែលយើងកំពុងតែធ្វើការទន្ទឹងរង់ចាំវត្តមានរបស់ស្មាតហ្វូន Galaxy Note 20 series នៅថ្ងៃទី 5 ខែសីហាខាងមុខនេះ ក្រុមហ៊ុន Samsung ក៏ចាប់ផ្តើមធ្វើការកក់ទិញស្មាតហ្វូននេះផងដែរ។ ដូចនេះ អ្នកគាំទ្រស្មាតហ្វូននេះអាចចាប់យកនូវឱកាសដ៏អស្ចារ្យនេះបានហើយ។ នៅពេលនេះ លោកអ្នកអាចធ្វើការចុះឈ្មោះ ដើម្បីទទួលបាននូវស្មាតហ្វូននេះមុនគេ នៅពេលដែលវាបង្ហាញខ្លួននៅលើទីផ្សារតាមរយៈគេហទំព័រផ្លូវការរបស់ក្រុមហ៊ុននេះ។ លោកអ្នកក៏អាចធ្វើការ Pre-order ទៅលើស្មាតហ្វូននេះបានផងដែរ ដោយមិនមានការបង់ថ្លៃ ឬបញ្ហាអ្វីនោះទេ។ អ្វីដែលអ្នកត្រូវបំពេញនោះ គឺឈ្មោះ លេខកូដតំបន់ និងអ៊ីម៉ែលរបស់អ្នកតែប៉ុណ្ណោះ។
បន្ថែមពីនេះទៀតនោះ ការចុះឈ្មោះកក់ទិញស្មាតហ្វូន Samsung Galaxy Note 20 នេះនឹងទទួលបាននូវទឹកប្រាក់ $50ដែលលោកអ្នកអាចប្រើប្រាស់សម្រាប់ទិញទំនិញជាច្រើនទៀតរបស់ក្រុមហ៊ុននេះថែមទៀតផង។ ស្មាតហ្វូននេះ អាចធ្វើការចុះឈ្មោះទិញពីថ្ងៃនេះរហូតដល់ថ្ងៃទី ៤ ខែសីហាខាងមុខនេះ។ សម្រាប់ស្មាតហ្វូន Note 20 series នេះនឹងមានអេក្រង់ទំហំ Note 20 series ជាមួយនឹងកម្រិត refresh rate 60Hz ខណៈពេលដែលស្មាតហ្វូន Ultra នឹងមានអេក្រង់ 6.9-inch AMOLED Infinity Dynamic ជាប្រភេទអេក្រង់គែមកោងជាមួយនឹងកម្រិត refresh rate 120Hz ថែមទៀត។
ស្មាតហ្វូន Galaxy Note 20 នឹងប្រើប្រាស់នូវបន្ទះឈីប SoC Exynos 990 របស់ក្រុមហ៊ុន Samsung ដែលមានល្បឿន 2.7 gigahertz ។ សម្រាប់បន្ទះឈីបនេះគឺមើលទៅនៅក្រោមបន្ទះឈីប Snapdragon 865 របស់ក្រុមហ៊ុន Qualcomm ដែលនឹងប្រើប្រាស់សម្រាប់ទីផ្សារនៅអ៊ឺរ៉ុប។ ស្មាតហ្វូននេះនឹងមានកាមេរ៉ាគោលទំហំ 12 megapixel main sensor ជាមួយនឹង 12 megapixel ultra-wide angle, និង 64 megapixel sensor ជាមួយនឹង 3x optical zoom។ សម្រាប់កាមេរ៉ាមុខរបស់ស្មាតហ្វូននេះគឺមានទំហំ 10 megapixel sensor ជាមួយនឹង f / 2.2 aperture និង Dual Pixel autofocus ផងដែរ។ ស្មាតហ្វូន Galaxy Note 20 នឹងមានការទ្រទ្រង់ទៅលើបច្ចេកវិទ្យា 5G support, Bluetooth 5 , NFC, USB Type-C 3.2 និង S Pen ផងដែរ៕
