no-alternative title

Xiaomi Mi10 Pro Plus ដែលប្រើលេខកូដ M20027J1SC ត្រូវបានគេប្រទៈឃើញថា បំពាក់ឈីប Snapdragon 865+ នៅលើ Geekbench

បើយោងតាមរយះរបាយការណ៍ថ្មីមួយបាននិយាយថាស្មាតហ្វូន Flagship ជំនាន់ថ្មីរបស់ក្រុមហ៊ុន Xiaomi គឺប្រើប្រាស់លេខកូដសំគាល់ម៉ូដែល M20027J1SC។ ស្របពេលដែលក្រុមហ៊ុនល្បីឈ្មោះលំដាប់ថ្នាក់ពិភពលោករបស់ចិនមួយនេះត្រូវបានគេរំពឹងថានឹងប្រកាសចេញស្មាតហ្វូន Flagship ជំនាន់ថ្មីរបស់ខ្លួនស្រឡាយ Xiaomi Mi 10 Series នៅខែសីហាខាងមុខនេះ។ ជាងនេះទៅទៀតក្រុមហ៊ុន Xiaomi ត្រូវបានគេដឹងទៀតថានឹងចាប់យកបន្ទះឈីបកំពូលជំនាន់ចុងក្រោយបំផុតរបស់ក្រុមហ៊ុន Qualcomm គឺ Snapdragon 865+ ដើម្បីបំពាក់នៅលើស្មាតហ្វូនកំពូលជំនាន់ថ្មីរបស់ខ្លួន។ 

ដោយកំពូលស្មាតហ្វូនជំនាន់ថ្មីនោះគឺមានម៉ូដែល Xiaomi Mi 10 Pro Plus និង Mi 10 Pro Max។ ងាកមកលើបញ្ចីតេស្តសមត្ថភាពស្មាតហ្វូនរបស់បណ្តាញ Geekbench វិញបានទម្លាយចេញនូវកំលាំងម៉ាស៊ីនរបស់ស្មាតហ្វូន Xiaomi ដែលមានលេខកូដម៉ូដែល M20027J1SC នេះផងដែរ។ ជាមួយនឹងការទម្លាយចេញនូវគុណម្បត្តិនៃស្មាតហ្វូនដែលប្រើលេខកូដសំគាល់ដូចនេះ Xiaomi ត្រូវបានគេជឿជាក់ថាបាននឹងកំពុងធ្វើតេស្តទៅលើគ្រឿងបន្លាស់ខាងក្នុងនៃស្មាតហ្វូនកំពូលជំនាន់ថ្មីរបស់ខ្លួនមុននឹងថ្ងៃប្រកាសចេញផ្លូវការណ៍មកដល់។ តាមរយះបញ្ចីតេស្តសមត្ថភាពនៅលើកម្មវិធី Geekbench 5 បានបង្ហាញថាស្មាតហ្វូន Xiaomi មានដែលមានលេខកូដ M20027J1SC គឺទទួលបានពិន្ទុ 903 សម្រាប់អង្គគណនា Single-core និងពិន្ទុ 3233 សម្រាប់អង្គគណនា Multi-core ដែលរត់នៅលើ motherboard ជាប្រភេទ CAS។ 

រូបភាពពាណិជ្ជកម្ម
no-alternative title

 

យើងដឹងហើយថា Xiaomi បានធ្វើការប្រកាសចេញកំពូលស្មាតហ្វូន Mi 10 និង Mi 10 Pro ដែលកំពុងមានវត្តមានចរាចរណ៍លក់លើទៅផ្សារក្នុងពេលបច្ចុប្បន្នគឺប្រើប្រាស់បន្ទះឈីប Snapdragon 865  SoC ដូចនេះសម្រាប់ជំនាន់ថ្មីបន្ទាប់របស់ពូកវានឹងលោតទៅប្រើប្រាស់កំពូលឈីបស៊េរីចុងក្រោយគឺ Snapdragon 865+ SoC យ៉ាងពិតប្រាកដ។ ហើយពូកវាក៏នឹងមានរ៉េមទំហំធំចាប់ពី 12GB ថែមទៀតផង។ ស្របពេលជាមួយគ្នាដែរកាលពីដើមសប្តាហ៍នេះគេក៏បានប្រទះឃើញស្មាតហ្វូនជំនាន់ថ្មីប្រើប្រាស់លេខកូដ M20027J1SC ដូចគ្នានេះនៅលើបណ្តាញតេស្តសមត្ថភាព AnTuTu Benchmark ផងដែរដោយវាទទួលបានពិន្ទុ 687,422។ 

ជុំវិញពាក្យចចាមអារ៉ាមជាច្រើនបាននិយាយថាស្មាតហ្វូនកំពូលជំនាន់ថ្មីចុងក្រោយរបស់ Xiaomi ដែលនឹងមកដល់ឆាប់ៗនេះគឺមានអេក្រង់ទំហំ 6.67” ប្រភេទ Curved AMOLED Display ទ្រទ្រង់ការបង្ហាញក្នុងកម្រិត Full-HD+ ជាមួយកម្រិតល្បឿន refresh rate ឡើងដល់ 120Hz។ ដោយឡែកសម្រាប់ប្រព័ន្ធកាមេរ៉ាថតរូបរបស់វាវិញគឺមិនទាន់មានប្រភពណាមួយដឹងច្បាស់នោះទេ ដោយគ្រាន់តែបានសន្និដ្ឋានថាអាចនឹងមានកាមេរ៉ាក្រោយ 3 ទៅ 4 គ្រាប់ជាមួយលែនគោលទំហំអាចត្រឹម 48MP ឬក៏លោតដល់ 108MP ហើយអាចនឹងប្រើប្រាស់នូវលែន SuperWide ជាមួយនឹងលទ្ធភាពអាចផលិតរូបភាពជា Macro Camera និងអាចពង្រីកប្លង់បានក្នុងកម្រិតខ្ពស់បំផុត “High Optical Zoom”។ ហើយសម្រាប់ព័ត៌មានដែលច្បាស់ការណ៍ជាងគេនោះគឺថាស្មាតហ្វូនកំពូលជំនាន់ថ្មីនេះនឹងទ្រទ្រង់នូវបច្ចេកវិទ្យាសាកថ្មល្បឿនលឿនបំផុតកំលាំងដល់ 120W Fast Battery Charging។ ប៉ុន្តែគួរអោយស្តាយដោយសារតែគេមិនទាន់ដឹងច្បាស់ថា Xiaomi នឹងប្រកាសចេញស្មាតហ្វូនកំពូលជំនាន់ថ្មីចុងក្រោយរបស់ខ្លួននៅថ្ងៃណានោះទេនាខែសីហានោះ។ អីចឹងមានតែរងចាំតាមដានទាំងអស់គ្នាជាបន្តទៀតតែប៉ុណ្ណោះ៕

 

ព័ត៌មានពាណិជ្ជកម្ម
អត្ថបទគួរចាប់អារម្មណ៍
 HONOR X7b ថ្មអមតៈ ធន់មាំស្វិត ថតរូបច្បាស់ស្អាតកម្រិតអាជីព មានលក់ជាផ្លូវការហើយតម្លៃត្រឹមតែ 169$ ប៉ុណ្ណោះ!

HONOR X7b ថ្មអមតៈ ធន់មាំស្វិត ថតរូបច្បាស់ស្អាតកម្រិតអាជីព មានលក់ជាផ្លូវការហើយតម្លៃត្រឹមតែ 169$ ប៉ុណ្ណោះ!

ដោយ ប៉េងលីន
រថយន្តអគ្គិសនី Xpeng P7i Wing Edition បង្ហាញខ្លួនជាមួយលក្ខណៈសម្បត្តិខ្ពស់ជាងម៉ូដែលមុន នឹងមានតម្លៃ 30900 ដុល្លារ

រថយន្តអគ្គិសនី Xpeng P7i Wing Edition បង្ហាញខ្លួនជាមួយលក្ខណៈសម្បត្តិខ្ពស់ជាងម៉ូដែលមុន នឹងមានតម្លៃ 30900 ដុល្លារ

ដោយ ប៉េងលីន
រថយន្តអគ្គិសនី Aito M9 មានការបញ្ជាទិញច្រើនជាង 60,000 គ្រឿងហើយក្រោយពីការប្រកាសចេញបាន 86 ថ្ងៃ

រថយន្តអគ្គិសនី Aito M9 មានការបញ្ជាទិញច្រើនជាង 60,000 គ្រឿងហើយក្រោយពីការប្រកាសចេញបាន 86 ថ្ងៃ

ដោយ ប៉េងលីន
ការឌីស្សាញផ្នែកខាងក្រៅ និងខាងក្នុងនៃរថយន្ត Kia K4 ត្រូវបានបង្ហាញចេញនៅមុនការមកដល់នៅថ្ងៃទី 27 ខែមេសា

ការឌីស្សាញផ្នែកខាងក្រៅ និងខាងក្នុងនៃរថយន្ត Kia K4 ត្រូវបានបង្ហាញចេញនៅមុនការមកដល់នៅថ្ងៃទី 27 ខែមេសា

ដោយ ប៉េងលីន
នៅពេលនេះ តាក់ស៊ីហោះ បានចាប់ផ្តើមដាក់លក់នៅលើទីផ្សារអនឡាញនៅក្នុងប្រទេសចិនហើយ

នៅពេលនេះ តាក់ស៊ីហោះ បានចាប់ផ្តើមដាក់លក់នៅលើទីផ្សារអនឡាញនៅក្នុងប្រទេសចិនហើយ

ដោយ ប៉េងលីន
Geely Radar RD6 Horizon នឹងក្លាយជារថយន្តអគ្គិសនីប្រភេទ Pick Up Truck ដែលមានសន្ទុះល្បឿនលឿនបំផុត ហើយនឹងបង្ហាញវត្តមានលើទីផ្សារឆាប់ៗនេះ

Geely Radar RD6 Horizon នឹងក្លាយជារថយន្តអគ្គិសនីប្រភេទ Pick Up Truck ដែលមានសន្ទុះល្បឿនលឿនបំផុត ហើយនឹងបង្ហាញវត្តមានលើទីផ្សារឆាប់ៗនេះ

ដោយ ប៉េងលីន