ថេប្លេត Huawei MatePad 10.8 បានបង្ហាញខ្លួនជាផ្លូវការហើយនៅក្នុងប្រទេសចិន។ ថេប្លេតនេះ ប្រកាសចេញជាមួយនឹងផលិតផលជាច្រើនផងដែរដូចជាកុំព្យូទ័រ Huawei MateBook D15 2020 Ryzen Edition notebook, Huawei TalkBand B6 និង Huawei Kids Watch 4X។ អ្វីដែលសំខាន់ជាងគេនោះ ថេប្លេត MatePad 10.8 នេះ ទ្រទ្រង់ទៅលើកម្រិតភាពច្បាស់ 2K បន្ទះឈីប flagship processor ថាមពលថ្មធំ និងទ្រទ្រង់ទៅលើប៊ិច M-Pencil stylus ថែមទៀត។
លក្ខណៈសម្បត្តិរបស់ថេប្លេត Huawei MatePad 10.8
ថេប្លេត Huawei MatePad 10.8 នេះមានអេក្រង់ទំហំ 10.8-inch IPS LCD ដែលមានកម្រិតភាពច្បាស់ 1600 x 2560 pixels និង 280ppi pixel ផងដែរ។ ថេប្លេតនេះប្រើប្រាស់នូវបន្ទះឈីប Kirin 990 chipset SoC និងរ៉េមទំហំ 6GB ផងដែរ។ វាមានម៉េមូរីក្នុងម៉ាស៊ីនទំហំ 256 GB ផងដែរ។ ថេប្លេតនេះដំណើរការនូវ EMUI 10.1ដែលផ្អែកនៅលើ Android 10 OS ។ វាក៏មានការទ្រទ្រង់ទៅលើ microSD card slot ផងដែរ។ ថេប្លេតនេះមានកាមេរ៉ាខាងមុខទំហំ f/2.0 aperture 8-megapixel ។ កាមេរ៉ាខាងក្រោយរបស់វាគឺមានទំហំ 13-megapixel ជាមួយនឹង f/1.8 aperture និង autofocus ផងដែរ។ វាមិនមានភ្លើង LED Flash នោះទេ។
សម្រាប់ថេប្លេត MatePad 10.8 នេះមានថាមពលថ្មទំហំ 7,500mAh ជាមួយនឹងបច្ចេកវិទ្យា 22.5W fast charging ផងដែរ។ ថេប្លេតនេះមានប្រព័ន្ធសំលេង Harmon Kardon ផងដែរ។ វាក៏មានការទ្រទ្រង់ទៅលើ Histen 6.1 sound effects ថែមទៀត។សម្រាប់លក្ខណៈពិសេសជាច្រើនទៀតនៅលើថេប្លេត MatePad 10.8 នេះគឺមាន fingerprint scanner, LTE, Wi-Fi 6, Bluetooth 5.0, USB-C និង 3.5mm audio jack ផងដែរ។ ថេប្លេតនេះគឺមានវិមាត្រ 257 x 170 x 7.2mm និងទម្ងន់ 500g ។
តម្លៃ និងកាលបរិច្ឆេទរបស់ថេប្លេត Huawei MatePad 10.8
ថេប្លេត Huawei MatePad 10.8 នេះបង្ហាញខ្លួននៅក្នុងប្រទេសចិនជាមួយនឹង 4 ម៉ូឌែលដូចជា 6GB+64GB storage (Wi-Fi only) មានតម្លៃ 2,399 Yuan (~$342), 6GB+128GB (Wi-Fi only) មានតម្លៃ 2,799 Yuan (~$399), 6GB+256GB storage (Wi-Fi only ជាមួយនឹង keyboard) មានតម្លៃ 3,599 Yuan (~$513) និង 6GB+128GB (LTE) មានតម្លៃ 3,199 Yuan (~$456) ។ ថេប្លេតនេះនឹងដាក់លក់នៅថ្ងៃទី 13 ខែសីហាខាងមុខនេះ៕
