Acer Spin 7 5G ដែលជាកុំព្យូទ័រកូនកាត់ស៊េរីថ្មីបានបង្ហាញខ្លួនជាមួយនឹងបន្ទះឈីប Snapdragon 8cx 5G ជំនាន់ទី 2

នៅឆ្នាំនេះ យើងបានឃើញនូវការកើនឡើងយ៉ាងខ្លាំងទៅលើកុំព្យូទ័រ laptops ដែលប្រើប្រាស់នូវបន្ទះឈីប ARM ជាមួយនឹងវត្តមានរបស់កុំព្យូទ័រ MacBooks ដំបូងបំផុតដែលមានបន្ទះឈីប ARM។ ក្រុមហ៊ុន Qualcomm ក៏ទើបតែបង្ហាញនូវបន្ទះឈីប Snapdragon 8cx platform ជំនាន់ទី 2 របស់ខ្លួនដែលមានការទ្រទ្រង់នូវបច្ចេកវិទ្យា 5G connectivity ផងដែរ។ បន្ទះឈីបនេះ នឹងក្លាយជាផ្នែកមួយដ៏សំខាន់នៅក្នុងប្រព័ន្ធប្រតិបត្តិការ Windows នៅលើយុទ្ធសាស្រ្តរបស់ ARM នេះ។ 

នៅថ្ងៃនេះ ក្រុមហ៊ុន Acer បានប្រកាសថា ខ្លួននឹងក្លាយជាក្រុមហ៊ុន OEM ដំបូងបំផុតដែលប្រើប្រាស់នូវបន្ទះឈីបដែលផ្អែកនៅលើ ARM នេះនោលើកុំព្យូទ័រថ្មីរបស់ខ្លួននោះគឺ  Acer Spin 7 ដែលជាប្រភេទ Windows 10 2-in-1។ សមិទ្ធិផលថ្មីនេះ នឹងផ្តល់នូវភាពងាយស្រួលក្នុងការប្រើប្រាស់ដែលអនុញ្ញាតអោយអ្នកប្រើប្រាស់ជា Tablet Mode ឬ Stand Mode បានដោយគ្មានបញ្ហាអ្វីឡើយ។ 

សម្រាប់បន្ទះឈីបថ្មីនេះ គឺមានការទ្រទ្រង់ទៅលើបណ្តាញ LTE និង 5G networks ខណៈដែលម៉ូឌឹម Snapdragon X55 Modem នេះក៏ប្រើប្រាស់នៅលើបន្ទះឈីប  Snapdragon 8cx ជំនាន់ទី 2 ផងដែរ។ ដូច្នេះ នៅពេលលោកអ្នកប្រើប្រាស់នៅលើកុំព្យូទ័រ Acer Spin 7 នេះ នោះលោក នឹងអ្នកអាចដំណើរការនូវបច្ចេកវិទ្យា 5G networks បានយ៉ាងរលូន។ បន្ថែមពីនេះ កុំព្យូទ័រ  2-in-1 នេះ ក៏មាន Touchpad, Keyboard ដែលផ្តល់នូវភាពងាយស្រួលក្នុងការប្រើប្រាស់ផងដែរ។ 

កុំព្យូទ័រនេះ មានអេក្រង់ទំហំ 14-inch IPS LCD ជាមួយនឹងកម្រិតពណ៌ 100% sRGB color gamut ។ អេក្រង់នេះ គឺការពារដោយកញ្ចក់ Gorilla Glass និងមានស្រទាប់ការពារមេរោគថែមទៀត៕