Petal Search ត្រូវបានគេមើលឃើញថា គឺជាដំណោះស្រាយនៃការចាប់ផ្តើមរបស់អ្នកប្រើប្រាស់ក្រុមហ៊ុន Huawei ដែលពេលនេះ គឺបានក្លាយជាគម្រោងដ៏ធំមួយ។ កន្លងមក មានរបាយការណ៍ជាច្រើន បានបញ្ជាក់ថា សេវាកម្មនេះ នៅមិនទាន់អាចធ្វើការជំនួសអោយសេវាកម្មរបស់ Google បានទេ ប៉ុន្តែគម្រោងនេះ នៅតែមានគោលដៅក្នុងការប្រកួតប្រជែងជាមួយនឹងក្រុមហ៊ុនបច្ចេកវិទ្យាយក្ស Google ដដែល នេះបើតាមការបញ្ជាក់របស់ Android Authority។
ខណៈពេលដែលបញ្ហាជាច្រើនរបស់ក្រុមហ៊ុន Huawei បានជួបប្រទះនៅក្នុងពេលនេះ ទៅលើការផលិតរបស់ខ្លួនសម្រាប់ស្មាតហ្វូនជាច្រើននោះ គឺអាចនឹងមានរឿងអាក្រក់ៗជាច្រើនទៀតកើតឡើងផងដែរ ដោយសារតែការដាក់ទណ្ឌកម្មរបស់សហរដ្ឋអាមេរិក។ ក្រុមហ៊ុននេះ បានប្រឈមមុខទៅនឹងការរឹតបន្តឹងជាច្រើនទៅលើការអភិវឌ្ឍ និងការស្រាវជ្រាវផងដែរ។ ជាមួយនឹងសេវាកម្ម Petal Search នេះ ប្រហែលជាការប្រកួតប្រជែងដ៏ធំមួយរបស់ក្រុមហ៊ុន Huawei ជាមួយនឹងក្រុមហ៊ុន Google ប៉ុន្តែមនុស្សជាច្រើននៅមិនទាន់បានស្គាល់ប្រើប្រាស់នូវសេវាកម្មនេះនៅឡើយទេ។
របាយការណ៍ជាច្រើនបញ្ជាក់ថា ក្រុមហ៊ុន Huawei គឺមានគម្រោងក្នុងការពង្រីកនូវ Petal Search ដើម្បីអោយដំណើរការជា search engine ទូទៅ នេះមានន័យថា គឺជាការពង្រីកទៅលើវិសាលភាពសម្រាប់ប្រតិបត្តិការជាច្រើនរបស់ខ្លួន។ របាយការណ៍ខាងលើនេះ បានបន្តថា ការហាមប្រាមទៅលើក្រុមហ៊ុន Huawei ក្នុងការប្រើប្រាស់នូវ Google នេះ គឺបានធ្វើអោយក្រុមហ៊ុននេះ មើលឃើញនូវចន្លោះប្រហោងជាច្រើនថែមទៀតដែលខ្លួនត្រូវតែបំពេញនៅពេលខាងមុខ៕