មកដល់ថ្ងៃនេះ គឺនៅសល់ប៉ុន្មានថ្ងៃទៀតប៉ុណ្ណោះ ដល់ពេលនៃការធ្វើបទបង្ហាញរបស់ក្រុមហ៊ុន Apple ហើយក្រុមហ៊ុនបច្ចេកវិទ្យានេះ ក៏ត្រៀមខ្លួនក្នុងការរៀបចំនូវព្រឹត្តិការណ៍នេះផងដែរ។ តាមការបញ្ជាក់នៅក្នុងព័ត៌មានថ្មីនេះ ក្រុមហ៊ុន Apple បានត្រៀមខ្លួនក្នុងការផលិតទ្រង់ទ្រាយធំទៅលើស្មាតហ្វូន iPhone 12 series ហើយក្រុមហ៊ុនបច្ចេកវិទ្យានេះក៏មានគម្រោងក្នុងការប្រកាសលក់ស្មាតហ្វូន iPhone 12 នៅចុងខែកញ្ញា ឬដើមខែតុលានេះផងដែរ។
ក្រុមហ៊ុន Apple មានក្តីសង្ឃឹមក្នុងការផលិតស្មាតហ្វូន 5G iPhones ចំនួន 80 លានគ្រឿងចេញពីរោងចក្រជាច្រើនរបស់ខ្លួននៅចុងឆ្នាំនេះ។ សម្រាប់ទិន្នន័យផ្សេងទៀតនឹងធ្វើការផលិតនៅដើមឆ្នាំ 2021។ តាមការបញ្ជាក់នៅក្នុងពាក្យចចាមអារ៉ាមជាច្រើននោះ នៅក្នុងស្មាតហ្វូនចំនួន ៨០ លានគ្រឿងនេះ ៤០% គឺជាស្មាតហ្វូន iPhone 12 Max ។ តាមការបញ្ជាក់នៅក្នុងខ្សែសង្វាក់ផ្គត់ផ្គង់នេះ ក្រុមហ៊ុនបច្ចេកវិទ្យា Apple បានធ្វើការកាត់បន្ថយទៅលើការពន្យារពេលជាច្រើនខែរហូតដល់ត្រឹមតែប៉ុន្មានសប្តាហ៍ប៉ុណ្ណោះ។ ការតម្លើងស្មាតហ្វូន iPhone 12 នេះនឹងធ្វើឡើងនៅដើមខែតុលានេះ។ ប្រភពនៃខ្សែសង្វាក់ជាច្រើនរាយការណ៍ថា ក្រុមហ៊ុនបច្ចេកវិទ្យា Apple បានចាប់ផ្តើមធ្វើការផលិតទ្រង់ទ្រាយធំទៅលើ AirTags ឬ Bluetooth trackers ដែលជួយអ្នកការពារកុំអោយវត្ថុសំខាន់របស់អ្នកបាត់បង់ផងដែរ។
បន្ថែមពីនេះទៀតនោះ ក្រុមហ៊ុន Apple ក៏ធ្វើការបង្កើនទៅលើការផលិតថេប្លេត iPads នាពេលខាងមុខនេះជាមួយនឹងការលក់ដល់ទៅ 27 លានគ្រឿងនៅក្នុងចន្លោះខែកញ្ញាដល់ខែធ្នូនេះ។ ក្រុមហ៊ុន Apple មិនមានគម្រោងថ្មីសម្រាប់ស្មាតហ្វូន iPhone SE នៅក្នុងឆ្នាំ 2021 នេះ។ ពាក្យចចាមអារ៉ាមកាលពីសប្តាហ៍មុននេះ ស្មាតហ្វូន iPhone 12 Pro នឹងមានសេនស័រ 64MP sensor និង 5x optical zoom ។ នៅឆ្នាំក្រោយនេះ ស្មាតហ្វូន iPhone 13 ប្រហែលជាមានកាមេរ៉ាទំហំ 48MP ជំនួសអោយកាមេរ៉ាទំហំ 64MP ៕
