.jpg)
នៅក្នុងរបាយការណ៍ថ្មីមួយចេញពី Counterpoint Research ទម្លាយនូវតម្លៃដើមក្នុងការផលិតទៅលើស្មាតហ្វូន Samsung Galaxy Note 20 Ultra 5G ដែលមានតម្លៃ 549 ដុល្លារអាមេរិក។ Galaxy Note 20 Ultra 5G គឺជាស្មាតហ្វូនលំដាប់ High-End របស់ក្រុមហ៊ុនបច្ចេកវិទ្យានេះដែលមានបំពាក់នូវបច្ចេកវិទ្យាចុងក្រោយជាច្រើន ហើយវាក៏មានការពង្រឹងទៅលើសមាសភាគជាច្រើនរបស់វាថែមទៀតផង។
តាមការបញ្ជាក់របស់អ្នកវិភាគជាន់ខ្ពស់លោក Ethan Qi អោយដឹងថា ក្រុមហ៊ុន Samsung ពិតជាធ្វើបានល្អមែនទែនទៅលើការឌីស្សាញ ការផលិត និងការបញ្ចូលនូវបច្ចេកវិទ្យាកម្រិតខ្ពស់ជាច្រើន និងសមាសភាគជាច្រើនទៀតដែលមានពិតជាស្តើង និងស្រាលមែនទែនបើធៀបទៅនឹងស្មាតហ្វូន Flagship ជំនាន់មុននេះ។តម្លៃដើមរបស់ស្មាតហ្វូននេះគឺប្រហែលជា $550 ខណៈពេលដែលថ្លៃដើមទៅលើគ្រឿងសមាសភាគរបស់វា គឺមានតម្លៃ $468 ។ ស្មាតហ្វូននេះដាក់លក់នៅលើទីផ្សារនៅក្នុងតម្លៃ $1299 ។
ក្រុមហ៊ុន Samsung បានផ្តល់អោយស្មាតហ្វូននេះនូវបន្ទះឈីប Qualcomm Snapdragon 865+ សម្រាប់ទីផ្សារសំខាន់ៗមួយចំនួនដូចជាសហរដ្ឋអាមេរិក ចិន កូរ៉េខាងត្បូង និងជាច្រើនទៀត ខណៈពេលដែលទីផ្សារជាច្រើនទៀតនៅជុំវិញពិភពលោកគឺមានបន្ទះឈីប Exynos 990 ។ លោក Ethan Qi បានបន្ថែមថា សម្រាប់ mmWave version របស់ស្មាតហ្វូន Note 20 Ultra 5G នេះ គឺមានការឌីស្សាញបង្កើតឡើងសម្រាប់ប្រើប្រាស់នៅលើបន្ទះឈីប5G SoC, Snapdragon 865+ និងប្រព័ន្ធ Snapdragon X55 5G Modem-RF System ថែមទៀត។ គួរបញ្ជាក់ផងដែរថា សមាសភាគរបស់ 5G networking នេះគឺជារឿងដ៏សំខាន់បំផុតនៅក្នុងការទ្រទ្រង់ទៅលើបណ្តាញទូរគមនាគមន៍នៅក្នុងពេលបច្ចុប្បន្ននេះ៕
