កាលពីខែសីហាកន្លងទៅនេះ ក្រុមហ៊ុន Huawei បានប្រកាសចេញជាផ្លូវការណ៌នូវស្មាតហ្វូន Huawei P50 series និងស្មាតហ្វូនជាច្រើនទៀត ប៉ុន្តែស្មាតហ្វូនថ្មីៗទាំងនេះ គឺមានដាក់លក់តែនៅក្នុងទីផ្សារប្រទេសចិនតែមួយប៉ុណ្ណោះ។ នៅថ្ងៃនេះ មានព័ត៌មានថ្មីរថា ស្មាតហ្វូនជំនាន់ថ្មីនេះ គឺនឹងមានការប្រកាសលកលើទីផ្សារសកលឆាប់ៗនេះហើយ។ បើតាមការបញ្ជាក់នៅក្នុងរបាយការណ៍ដែលចេញពី Huawei Central នាពេលថ្មីៗនេះ បានអោយដឹងថា ស្មាតហ្វូន Huawei P50 Pro នឹងបង្ហាញខ្លួននៅក្នុងទីផ្សារសកលនៅក្នុងពេលឆាប់ៗនេះ។
ប្រភពខាងលើនេះ បានបញ្ជាក់បន្ថែមថា សម្រាប់ version សកលរបស់ស្មាតហ្វូននេះ គឺនឹងប្រើស្បែក EMUI 12។ ជាមួយនិងដំណឹងដ៏រីករាយមួយនេះ មានរបាយការណ៍ជាច្រើនបញ្ជាក់អំពីផ្ទៃ Interface នៃស្បែកដែលប្រើសម្រាប់ Huawei P50 Pro នេះផងដែ។ ស្បែក EMUI 12 នេះ គឺដូចទៅនឹងអ្វីដែលប្រើជាមួយប្រព័ន្ធ HarmonyOS 2។ ស្បែក EMUI 12 គឺមានមុខងារជាច្រើនដូចទៅនឹង HarmonyOS 2។ ស្មាតហ្វូន Huawei P50 Pro នេះ មានអេក្រង់ 6.6-inch OLED ជាមួយនឹងកម្រិតភាពច្បាស់ 2700×1228px។
នៅលើផ្នែកខាងក្រោយរបស់ស្មាតហ្វូននេះ គឺមានកាមេរ៉ាទំហំ 50MP, 40MP, 13MP ultra-wide angle និង 64MP Telephoto sensor។ ស្មាតហ្វូននេះមានកាមេរ៉ាខាងមុខទំហំ 13MP selfie។ ស្មាតហ្វូន Huawei P50 Pro នេះមានថាមពលថ្មទំហំ 4360mAh។ ស្មាតហ្វូន Huawei P50 Pro សម្រាប់ទីផ្សារសកលនេះគឺមានបន្ទះឈីប Snapdragon 888 SoC។ ស្មាតហ្វូន Huawei P50 Pro មានបន្ទះឈីប Kirin 9000 5G SoC និងមានរ៉េមទំហំ 8GB+256GB និងចេញលក់នៅក្នុងទីផ្សាររបស់ចិនគឺមានតម្លៃ 6488 yuan ($1,019)៕
