មកដល់ពេលនេះ ក្រុមហ៊ុន Samsung គឺជាអធិរាជតែមួយគត់នៅក្នុងការផលិតចេញស្មាតហ្វូនដែលមានអេក្រង់អាចបត់បាន ហើយនិងមានចេញលក់លើទីផ្សារ និងបាននាំមុនខគេនៅក្នុងនិន្នាការស្មាតហ្វូនអេក្រង់ដែលអាចបត់បានផងដែរ។ ពេលនេះលឺដំណឹងថា ក្រុមហ៊ុន Samsung បានត្រៀមខ្លួនក្នុងការបញ្ចេញនូវស្មាតហ្វូនដែលមានអេក្រង់បត់បានជាច្រើនទៀតនៅលើទីផ្សារផងដែរ។
នៅក្នុងព្រឹត្តិការណ៍ CES 2022 កន្លងទៅនេះ ក្រុមហ៊ុន Samsung បានបង្ហាញចេញនូផលិតផលថ្មីជាច្រើន ហើយក្រុមហ៊ុននេះក៏នាំយកនូវស្មាតហ្វូនដែលមានអេក្រង់បត់បានចំនួន 3 ទៅកាន់ទីក្រុង Las Vegas ដែលនៅក្នុងនោះ Flex Note គឺត្រូវបានឌីស្សាញឡើងជាប្រភេទ Laptop ហើយ Flex S និង G គឺឌីស្សាញឡើងជាទម្រង់ស្មាតហ្វូន។
នៅក្នុងពេលអនាគតនេះ ក្រុមហ៊ុននេះ អាចនឹងបង្ហាញនូវកុំព្យូទ័រ 13-inch ដែលនៅពេលដែលបើកពង្រីកអេក្រង់បានដល់ទៅទំហំ 17-inch។នៅខាងក្រោមនៃអេក្រង់នេះអាចបង្ហាញជា virtual keyboard ឬ gameplay controls បាន។
អេក្រង់ Flex S អនុញ្ញាតអោយអ្នកបង្កើតនូវស្មាតហ្វូននៅក្នុងទម្រង់ S-shaped ឬ Z-shaped។ អេក្រង់របស់ស្មាតហ្វូននេះអាចបត់បានដល់ទៅ 3 ផ្នែក។ អេក្រង់របស់ស្មាតហ្វូន Flex G អាចបត់បាន 3 ផ្នែកហើយវាក៏ប្រើប្រាស់នូវ Hinge ចំនួន 2 ផងដែរ៕