Xiaomi Note 11 Series នឹងក្លាយជាស្មាតហ្វូនដំបូងបំផុត ដែលនឹងមានបំពាក់មកជាមួយនូវកាមេរ៉ាទំហំ 200MP

មកដល់ពេលនេះ ការប្រកួតប្រជែងទៅលើកាមេរ៉ា Megapixel នៅមិនទាន់បញ្ចប់នៅឡើយទេ។ កាលពីឆ្នាមុននេះ ក្រុមហ៊ុន Samsung បានឈានដល់កាមេរ៉ាទំហំ 200-Megapixels។ ក្រុមហ៊ុន Xiaomi បានក្លាយជាម៉ាកយីហោដំបូងបំផុតប្រើប្រាស់នូវសេនស័រនេះនៅលើស្មាតហ្វូនរបស់ខ្លួនដែលនោះ ប៉ុន្តែមិនមែនជាស្មាតហ្វូន Flagship នោះទេ គឺជាស្មាតហ្វូនថ្នាក់កណ្តាលប៉ុណ្ណោះ។

គួរបញ្ជាក់ថា កាលពីសប្តាហ៍មុននេះ OmniVision បានបង្ហាញនូវសេនស័រ 200 megapixel OVB0B sensor របស់ខ្លួនផងដែរ។ យើងនៅមិនទាន់មានការភ្ញាក់ផ្អើលអ្វីនោះទេអំពីការប្រកាសបង្ហាញនេះ ស្មាតហ្វូនដែលនឹងប្រើប្រាស់នូវសេនស័រនេះប្រហែលជារបស់ក្រុមហ៊ុន Xiaomi។ ស្មាតហ្វូន Xiaomi Mi CC9 Pro / Xiaomi Mi Note 10 ក៏ក្លាយជាស្មាតហ្វូនដំបូងបំផុតដែលបង្ហាញវត្តមាននៅលើទីផ្សារជាមួយនឹងកាមេរ៉ា 108-megapixel sensor ។ 

ស្មាតហ្វូនត្រកូល Xiaomi Note 11 series នឹងបំពាក់នូវសេនស័រ OmniVision OVB0B sensor ដែលមាន  1/1.28ʺ ហើយវាមានទំហំភិចសែលទំហំ 0.61 µm ។ ស្មាតហ្វូននេះ ក៏មានបច្ចេកវិទ្យា pixel binning technology ដែលអនុញ្ញាតអោយអ្នកអាចថតរូបភាពបានច្បាស់ជាមួយនឹងកម្រិតភាពច្បាស់ទំហំ 12 megapixels ហើយសេនស័រនេះ ក៏មានមុខងារ autofocus ផងដែរ។ សេនស័រនេះគឹមាន 1/1.28 inch មានកម្រិតភាពច្បាស់ 16384 x 12288 pixels និងមានប្រើប្រាស់នូវបច្ចេកវិទ្យា 16-unit merging technology ថែមទៀតផង។ ស្មាតហ្វូននេះ ក៏អាចចាប់វីដេអូបានកម្រិត 12.5-megapixel mode និងអាចថតច្បាស់នៅក្នុងទីងងឹតថែមទៀត។ 

បន្ថែមពីនេះទៀតនោះ សេនស័រ Omnivision 200MP sensor នេះគឺជា 200MP sensor ដំបូងបំផុតដែលប្រើប្រាស់នូវបច្ចេកវិទ្យា QPD (four-phase detection) technology ។ កាមេរ៉ានេះ ក៏ប្រើប្រាស់នូវ phase detection autofocus ផងដែរ។ សេនស័រ Omnivision 200MP sensor (OVB0B) នេះប្រើប្រាស់នូវមុខងារ  16-cell binning សម្រាប់វីដេអូ 4K2K ។ នៅក្នុងការថតវីដេអូនៅទីងងឹត 4×4 pixel binning នេះប្រើប្រាស់នូវ 12.5-megapixel ហើយវាមានទំហំភិចសែល 2.44 µm ។

សេនស័រនេះ ទ្រទ្រង់នូវ 50MP 24 frames per second (fps) និងវីដេអូកម្រិត 8K30fps ។ បន្ថែមពីនេះទៀតនោះ វាក៏មាន Triple-exposure HDR នៅក្នុងរូបភាពកម្រិត 12.5-megapixel ជាមួយនឹង 30 frames per second ។ នៅក្នុងរបាយការណ៍ជាច្រើន សេនស័រនេះក៏ទ្រទ្រង់នូវ CPHY, DPHY និង dual DOVDD ៕