នៅពេលនេះ ក្រុមហ៊ុនផលិតស្មាតហ្វូនជាច្រើន គឺបាននឹងកំពុងតែយកចិត្តទុកដាក់ខ្លាំងណាស់ នៅក្នុងងារពង្រឹងទៅលើកញ្ចក់អេក្រង់ និងតួរបស់ស្មាតហ្វូនទាំងមូល ដោយធ្វើយ៉ាងណាគឺអោយមានភាពរឹងមាំសម្រាប់ស្មាតហ្វូនថ្នាក់ប្រណិតរបស់ខ្លួន។ កន្លងមក ក្រុមហ៊ុន Corning បានផ្តល់នូវកញ្ចក់ដែលមានភាពរឹងមាំសម្រាប់ស្មាតហ្វូនជាច្រើនរួចមកហើយ ជាពិសេសគឺកញ្ចក់ប្រភេទ Gorilla Glass Victus ដែលបានប្រកាសចេញកាលពីឆ្នាំ 2020។ កញ្ចក់ Gorilla Glass Victus គឺត្រួវបានប្រើនៅលើស្មាតហ្វូនថ្នាក់ប្រណិជាច្រើន។
នៅថ្ងៃនេះមានដំណឹងថ្មី ដោយអ្នកទម្លាយ Ice Universe បាននិយាយថា ស្មាតហ្វូន Samsung Galaxy S22, S22+ និង S22 Ultra គឺនឹងបង្ហាញវត្តមានជាមួយកញ្ចក់ជំនាន់ថ្មី Gorilla Glass Victus+ ទាំងមុខ និងទាំងក្រោយតែម្តង។ ដូច្នេះវាពិតជាល្អមែនទែន ដោយអាចធ្វើអោយតួស្មាតហ្វូនទាំងមូលមានភាពរឹងមាំកាន់តែខ្លាំងងជាងមុន។ គួរបញ្ជាក់ថា ស្មាតហ្វូន Galaxy S21 និង S21+ គឺប្រើប្រាស់កញ្ចក់តែខាងមុខប៉ុណ្ណោខណៈខាងក្រោយគឺប្រើប្រាស់ផ្លាស្ទិកប៉ុណ្ណោះ។ សម្រាប់ Galaxy S21 Ultra គឺប្រើប្រាស់កញ្ចក់ Victus ទាំងមុខទាំងក្រោយ។
ស្មាតហ្វូន Galaxy S22 Ultra ត្រូវបានគេនិយាយថា នឹងមានមុខងារ ក៏ដូចជាបច្ចេកវិទ្យាថ្មីៗជាងសិស្សប្អូនពីរម៉ូដែលផ្សេងទៀត។ Ice Universe បាននិយាយទៀតថា ស្មាតហ្វូននេះ នឹងបង្ហាញខ្លួនជាមួយនិង super clear glass ដូចអ្វីដែលបានបែកធ្លាយកន្លងមក។ ស្មតតហ្វូន S22 និង S22+ គឺមានពណ៌ pink gold, green, black និង white។ រីឯម៉ូដែល Ultra វិញគឺអាចនឹងមានពណ៌ Burgundy, green, black, និង white ផងដែរ។ ហើយសម្រាប់ការបង្ហាញខ្លួនស្មាតហ្វូន Galaxy S22 series គឺកាន់តែកៀកកិតឆាប់ៗនេះហើយ។
