ស្មាតហ្វូន Black Shark 5 series ត្រូវបានគេដឹងថា នឹងបង្ហាញខ្លួនឆាប់ៗនេះនៅក្នុងប្រទេសចិន។ របាយការណ៍ជាច្រើនបញ្ជាក់ថា ស្មាតហ្វូននេះនឹងមាន 2 ម៉ូដែលនោះ គឺ Black Shark 5 និង Black Shark 5 Pro។ នៅថ្ងៃនេះ ក្រុមហ៊ុននេះបានទម្លាយព័ត៌មានរបស់ស្មាតហ្វូន Black Shark 5 series ទៀតហើយ។ស្មាតហ្វូននេះ គឺនឹងបង្ហាញខ្លួននៅក្នុងខែកុម្ភៈ នៅក្នុងប្រទេសចិន ស្របពេលដែលស្មាតហ្វូន Samsung Galaxy S22 Series ក៏ទើបតែមានការបញ្ជាក់ថា នឹងមានវត្តមាននៅខែកុម្ភៈនេះផងដែរ។
យោងតាមព័ត៌មានផ្លូវការណ៍ គឺបានបញ្ជាក់អំពីស្មាតហ្វូន Black Shark 5 ថា នឹងដំណើរការជាមួយមានបន្ទះឈីប Snapdragon 8 Gen 1 ស្របពេលដែលរបាយការណ៍មុននេះ ក៏មានទម្លាយថា ស្មាតហ្វូននេះមានលេខកូដ Katyusha ខណៈពេលដែលម៉ូឌែល Pro គឺមានលេខកូដ Patriot។
បន្ថែមពីនេះ ក៏មានរបាយការណ៍ជាច្រើនថ្មីៗនេះ បានអះអាងថា ស្មាតហ្វូន Black Shark 5 នឹងមានអេក្រង់ Samsung E4 AMOLED ដែលមានកម្រិតភាពច្បាស់ FHD+, 120Hz refresh rate និង 720Hz touch sampling rate ទៀតផង។ ស្មាតហ្វូននេះមានថាមពលថ្មទំហំ 4,600mAh ដែលទ្រទ្រង់ទៅលើបច្ចេកវិទ្យាសាកថ្មលឿន 120W fast charging ។ ស្មាតហ្វូននេះមានបន្ទះឈីប Snapdragon 888 Plus chipset ។
សម្រាប់ស្មាតហ្វូន Black Shark 5 Pro មានអេក្រង់ទំហំ 6.8-inch AMOLED Quad HD+ និង 144hz refresh rate។ ស្មាតហ្វូននេះ មានថាមពលថ្មទំហំ 5,000mAh ជាមួយនឹងបច្ចេកវិទ្យាសាកកម្លាំង 120W rapid charging។ ស្មាតហ្វូន Black Shark 5 Pro នេះ មានបន្ទះឈីប Snapdragon 8 Gen 1។ ស្មាតហ្វូនទាំងពីរនេះប្រើប្រាស់នូវប្រព័ន្ធប្រតិបត្តិការ Android 12 OS ចុងក្រោយបំផុត។ គួរបញ្ជាក់ផងដែរថា ស្មាតហ្វូន Black Shark 5 series អាចនឹងក្លាយជាគូប្រជែងជាមួយនឹងស្មាតហ្វូនលេងហ្គេមជាច្រើនម៉ូដែលទៀតដូចជា Nubia REDMAGIC 7 និង Lenovo Legion Y90 ៕