នៅថ្ងៃនេះ យោងតាមទម្លាយនៅលើ weibo តាមរយៈ Digital Chat Station បានបង្ហាញថា កាលបរិច្ឆេតនៃព្រឹត្តិការណ៌ ប្រកាសចេញនូវស្មាតហ្វូនស៊េរីថ្មី Find X5 Series គឺនឹងធ្វើឡើងនៅក្នុងខែកុម្ភៈខាងមុខនេះហើយ។ គួរបញ្ជាក់ផងដែរថា កាលពីមុននេះ ធ្លាប់មានសេចក្តីរាយការណ៍ថា ស្មាតហ្វូនជំនាន់ថ្មីនេះ នឹងបង្ហាញវត្តមានជាផ្លូវការណ៍បន្ទាប់ពីចូល ឆ្នាំចិន រួចនៅថ្ងៃទី 01 ខែកុម្ភៈខាងមុខនេះហើយ។
របាយការណ៌ដដែលបានបញ្ជាក់ថា ស្មាតហ្វូន Find X5 Series និងចំនួន 3 ម៉ូដែល រួមមានដូចជា ម៉ូដែល Find X5 Pro និង Find X5 ហើយ និងប្អូនពៅគេ Find X5 Lite។ នៅក្នុងឯកសារដែលបានបង្ហាញនេះ គឺមានការបញ្ជាក់ថា ស្មាតហ្វូន Find X5 នឹងរត់ លើបន្ទះឈីប Dimensity 9000 ដែលនេះគឺជាស្មាតហ្វូនដំបូងបំផុតដែលប្រើប្រាស់នូវបន្ទះឈីបនេះ។
ជាមួយគ្នានេះ ក្រុមហ៊ុន OPPO ក៏នឹងមានការបញ្ចេញនូវឈីបផ្ទាល់ខ្លួន NPU MariSilicon X ផងដែរ ប៉ុន្តែមិនទាន់មានការបញ្ជាក់ថា ស្មាតហ្វូននេះ Find X5 នឹងមានការបំពាក់នូវឈីបនេះ នៅលើម៉ូដែល Pro model នោះទេ។
